蔡嘉欣韓國慶生近照被指整過？二度回應網民仍唔buy：好明顯唔同咗樣！

By Wing Ws on 10 May 2023

Digital Content Writer

現年29歲嘅落選港姐蔡嘉欣日前飛韓國慶祝生日，分享多張美照，但卻被指個樣唔同咗，雖然兩度回應，但網民依然唔buy，更認為佢去咗韓國「微調」。

Photo from 蔡嘉欣 IG

出道以來是非未停過！

現年29歲嘅蔡嘉欣(Kayan)係2019年港姐出身，喺出道前已經係一位KOL，YouTube頻道上有唔少followers，但參選至今仍有唔少是非。蔡嘉欣參選港姐時，被發現網店用淘寶貨。去年拍片sell產品更疑似「自製黑眼圈」，被批侮辱網民智慧。近日，蔡嘉欣為慶祝男友生日，兩人到酒店Staycation，但影片卻疑似令男友走光。蔡嘉欣回應媒體時表示係網民睇錯，但未有正面回應男友有冇用毛巾遮擋下半身，以工作迴避問題。

Photo from 蔡嘉欣 IG

認拜金直接晒名牌

此外，出道前已經係KOL嘅蔡嘉欣，社交平台上不時分享奢華生活，大多為旅行相，更曾晒出40萬現金、名牌手袋收納櫃等惹怒網民，而被批炫富、拜金，早前蔡嘉欣更利用熱度，喺YouTube同《姐妹淘》嘅好姐妹陳詩欣（Eunice）拍片分享Hermès手袋，二人仲自稱係「拜金組合」。

Photo from kayan c YouTube

Photo from 蔡嘉欣 IG

近照唔同咗樣？

近日踏入29歲嘅蔡嘉欣，到韓國慶祝生日，並上傳與男友合照，但卻被網民指個樣唔同咗，雖然蔡嘉欣事後解釋指因：「琴晚凌晨2點食左成碗酸辣粉所以今朝起身腫左一個圈」，但網民似乎唔buy：「好明顯個樣唔同咗」、「係咪去左韓國執過黎」、「完全唔同哂樣」，更有網民直斥：「係當大家冇食過碗酸辣粉定當大家白痴」。蔡嘉欣其後再回覆網民指：「大家咩事咁認真？如果唔信係唔緊要你可以當我d皮膚能屈能伸都ok」，但帖文下方仍出現唔少質疑聲音。

Photo from 蔡嘉欣 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

落選港姐蔡嘉欣愛犬來歷惹人懷疑？網友：買狗扮朋友送！

17 May 2021

落選港姐蔡嘉欣（Kayan）繼早前就因喺IG大曬40萬現金、又經常曬名牌手袋及名牌車，而被網友指係「拜金女」。而近日佢再因家中養嘅兩隻茶杯貴婦狗嘅來歷惹網友懷疑。

Photo from 蔡嘉欣/IG

現年 27 歲嘅 TVB 小花蔡嘉欣因參選港姐入行，雖然佢最後只係 5 強止步，但之後亦有簽約 TVB。其實蔡嘉欣本身亦係 KOL 嚟，佢不時都會拍片上傳 YouTube。

Photo from 蔡嘉欣/YT

今年初佢就喺 YouTube 上傳咗一條片，片中佢指自己飼養咗一隻叫「Monchi」嘅茶杯貴婦犬（Teacup Poodle），當時佢就指 Monchi 係朋友送畀佢嘅：「養佢都係緣分，因為有個朋友隻狗狗生咗BB，我就話好，我想養狗好耐。」

Photo from 蔡嘉欣/IG

但近日就有網友懷疑佢講大話「買狗扮朋友送」、「心機女驚俾人拆穿講大話」、「茶杯狗嘅壽命好短你唔領養嘅？」，並喺佢嘅片中留言「買狗就買狗啦，扮晒嘢咩朋友隻狗生咗 BB 問你要唔要。」

Photo from 蔡嘉欣/YT

更有人向傳媒爆料指佢所養嘅兩隻狗都係透過網上寵物店買嘅：「隻啡色係佢，灰黑色係佢家姐，都係喺網店買，網友踢爆咗，佢講大話話隻狗係朋友畀，其實係買。」

Photo from 蔡嘉欣/IG

不過蔡嘉欣就只選擇性回覆讚 Monchi 嘅網民。而有指佢所講嘅「朋友」其實就係一間專門售賣 poodle 嘅網上寵物店嚟，店主「奶爸」仲曾經喺去年 11 月上傳同 Kayan 嘅合照，當時 Kayan 手中抱住嘅就係 Monchi ，並寫上：「Thanks for coming. @ kayan.c」。