袁偉豪曝光近7千萬豪宅廚房，與太太貼牆合照成焦點，望將來開餅店

41歲袁偉豪自去年年初拍完《法證先鋒V》後未有劇在手，今年成立工作室後，袁偉豪除咗開始拍音樂MV，亦多咗時間發展興趣，不時喺社交平台分享整甜品、麵包、咖啡拉花等，近日，袁偉豪更拍片，教大家整pizza，更因此曝光價值近7千萬嘅豪宅開放式廚房。

Photo from 袁偉豪IG

與太太2米高合照成焦點

影片中，見到有個專門焗pizza嘅爐、鏟、廚師機、咖啡機等，整pizza嘅過程中要留意溫度、火候、麵團狀態，非常考究，牆上放咗袁偉豪及張寶兒兩公婆嘅懷舊合照都非常觸目，差唔多有2米咁高！

Photo from 袁偉豪IG

Photo from 袁偉豪IG

即睇更多人氣文章：
薛凱琪內地拍內衣廣告罕有曬身材！大方承認胸小的女生都可以好靚
和歌山酒店｜無邊際溫泉＋海景桑拿房！套房俯瞰白濱大海超寫意

望將來開餅店

除咗pizza，袁偉豪早前更分享整麵包、牛角包、拿破崙等成品，佢喺影片中hashtag「#好好建立自己的興趣」，表示如果日後有機會，都好希望開一間自己嘅麵包店、pizza店或咖啡店，再邀請大家。

Photo from 袁偉豪IG

Photo from 袁偉豪IG

Photo from 袁偉豪IG

曾強調有份供樓

袁偉豪於2020年迎娶張寶兒，榮升「千億駙馬」，二人婚前聯名購入清水灣豪宅傲瀧，單位逾2,000呎，當時TVB《東張西望》直擊過同類型單位內部結構，見到住宅內景觀開揚，2樓同3樓一共有4個套房。有指兩人嘅愛巢係由張寶兒爸爸出$4,000萬首期買下，對此，袁偉豪曾直認係外父主導買樓，但就好介意被指由張寶兒爸爸畀首期：「層樓我唔使供咩？」

Photo from 袁偉豪IG

Photo from TVB

Photo from TVB

Photo from TVB

事實上，兩公婆都曾經喺社交媒體公開豪宅內部裝修，見到住宅內空間感大，有60吋大電視，仲有專業Hi-Fi喇叭及音響設備，非常講究！

Photo from 張寶兒IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

袁偉豪豁達面對傳聞，大呻「無軟飯食」！過往曾因網民留言而爆怒？回應樣貌憔悴原因！

2 Sep 2022

袁偉豪於2020年與張寶兒結婚，由於女方家庭背景顯赫，令佢被網民稱為「億萬駙馬」。近日，袁偉豪熱衷於經營自己嘅抖音帳號，過往非常介意外界指佢「食軟飯」，但就罕有地喺片中講笑咁話「宜家無軟飯食啦」！

Photo from 張寶兒IG

袁偉豪用心拍攝抖音短片

袁偉豪同張寶兒結婚後感情甜蜜，早前女方遠赴日本拍攝旅遊節目《45日環遊日本》（暫名），而袁偉豪都好貼心咁去送機同接機。眼見妻子咁努力工作，佢都唔執輸為咗維持喺內地嘅人氣，用心經營抖音帳號拍短片同網民互動。

Photo from 娛樂新聞台

Photo from 袁偉豪抖音

樂觀面對過往傳聞「沒有軟飯吃啦」！

而袁偉豪亦非常放得開咁喺拍片時提及傳聞，指發現自己唔夠錢搭車，直言「宜家冇軟飯食啦」，順便宣傳曾經出演過嘅節目《打工捱世界》！雖然影片好明顯係「度橋」後拍嘅，但內地網民就大讚佢對樂觀面對傳言嘅態度。

Photo from 袁偉豪抖音

Photo from 袁偉豪抖音

Photo from 袁偉豪抖音

過往曾因「食軟飯」傳聞而憤怒

過往袁偉豪曾因為女方家庭背景好而被指「食軟飯」，過往佢曾喺IG發長文回應「請你地繼續去批評我，繼續話我食軟飯，你們的負面批評只會讓我繼續努力去做好自己！」而張寶兒亦為老公護航指屋企嘅大部分開支都由男方支付，sweet爆表示「佢一直養緊我！」

Photo from 袁偉豪IG

即睇更多人氣文章：

00後唔識用速成/倉頡打字 連登仔發長文慨嘆:一代不如一代

19歲少女與65歲伯伯閃婚！新郎豪送37萬禮金+房屋/新車！強調並非為錢而出嫁！

兩夫婦開IG直播晒恩愛

除此之外，袁偉豪近日從澳洲回港正於酒店隔離中，夫婦二人近日喺IG開直播晒恩愛。期間有網民直言袁偉豪樣貌憔悴，而張寶兒愛夫心切立刻話「你狀態好咗好多，你係逆齡，希望大家睇到你嘅努力。」

Photo from 張寶兒IG

Photo from 張寶兒IG

袁偉豪今年初出現脫髮問題？

而袁偉豪自爆喺今年初因為拍戲壓力大，導致出現掉髮問題「曾經有一個月時間『劇疊劇』，結果拍到甩髮。」亦直接承認當年好在意網民話佢「食軟飯」，認為自己多年嘅努力一下子被埋沒！

Photo from 袁偉豪IG

袁偉豪張寶兒2020年結婚，女方被爆家世顯赫

41歲袁偉豪於2020年與張寶兒結婚，結婚當日女方身穿中式裙褂禮服，手上戴咗3對巨型龍鳳鈪，而頸上亦掛住4對龍鳳鈪，果然係非同凡響！過往張寶兒被爆家境豐厚，爸爸係經營內衣生意嘅，喺香港坐擁多個物業，當中唔少都喺禮頓山，傳手持嘅物業至少值$3億。

Photo from 袁偉豪IG

Photo from 袁偉豪IG

二人以$6,500萬購入愛巢！

據悉，二人聯名以大約$6500萬購入位於清水灣盤傲瀧嘅2000平方呎複式單位，但當時就有網民認定係二人結婚，所以女方家人贈送嘅禮物，導致傳聞四起！

Photo from 袁偉豪IG

Photo from 袁偉豪IG