「細細粒」陳嘉佳面容憔悴、雙腿纖細惹網民擔心，月前公開體重激減70磅！
Photo from 陳嘉佳 微博
北上做吃播吸金力強
現年37歲嘅細細粒（陳嘉佳）憑TVB劇集《老表，你好嘢！》及《老表，你好Hea！》為人熟悉，其後北上撈金，並轉型做吃播，抖音上嘅粉絲數達126萬人，吸金力強勁，早前分享咗喺新西蘭嘅別墅，孭住Chanel袋帶大家參觀，更直認自己係「隱形富婆」。
Photo from 陳嘉佳 抖音
不時拍片大食特食
細細粒不時於抖音直播，一日會食好幾餐，各種零食、杯麵、甜品等，又親自帶貨，向觀眾推薦唔同類型嘅食物。更會拍片大食特食，細細粒曾到日本菜餐廳點5人份量菜式，挑戰做「大胃王」食晒所有美食，結果唔洗1個鐘已經成功將枱面上食物清晒，最後仲食埋雪糕做甜品。
Photo from 陳嘉佳 抖音
拍片一日食九餐，一年激減70磅
細細粒月前以「體重200＋女生的一天，不是在吃，就是在去吃的路上。」為題，見到佢一開始上磅係99kg，一日除咗早午晚三餐，加埋零食、宵夜等，一日足足食九餐，幾乎冇點停過口，但亦引起唔少網民擔心：「減肥吧，胖身體真的會不好」、「我男的170斤都有脂肪肝了，別拿生命開玩笑」。事實上，細細粒上年都拍過條「260斤薇薇安養成記」，公開自己嘅體重達到260斤，一年時間似乎已經減咗70磅。而細細粒曾自爆自己體重嘅高峰曾直迫200磅，似乎有一直減肥。
Photo from 陳嘉佳 抖音
面容憔悴、雙腿纖細令網民擔心
近日，有網民影到細細粒現身浙江嘅路邊攤，見到佢面容憔悴，而雙腿卻非常纖細，令唔少網民非常擔心佢嘅健康狀況，紛紛留言希望細細粒注意健康。
Photo from 微博
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
「細細粒」陳嘉佳有意參加戀愛節目？呻因為身形無市場，網民語重心長：健康最重要
14 Nov 2022
Photo from 陳嘉佳抖音
「細細粒」陳嘉佳分享戀愛觀同婚姻觀
現年37歲嘅「細細粒」北上賺人民幣賺到盤滿缽滿，更做埋海味舖老闆娘！雖然榮升老闆娘，但細細粒仍然無忘記內地網友，一直都keep住更新抖音，同網民交流。
Photo from 陳嘉佳抖音
近日佢就拍片同網友分享佢嘅戀愛觀同婚姻觀。細細粒同媽媽感情要好，近年因為疫情而令佢不得不同家人分居兩地，長駐內地工作嘅細細粒曾經喺一次帶貨直播中因為掛念媽媽忍唔住落淚。佢表示媽媽曾懷疑過佢嘅性取向，全因佢多年嚟都未曾同男生交往。
Photo from 陳嘉佳抖音
Photo from 陳嘉佳抖音
細細粒呻因為身形難搵男朋友，不願減肥
但細細粒稱佢想拍拖，只係礙於身型所限，無咩男生接近佢。細細粒指人同人交往，喺唔熟悉對方嘅情況下第一時間會睇外型先，細細粒坦言：「那是正常的。我第一眼看到你難道能看到你的內心、修養嗎？」佢表示自己嘅外型已經令百分之八十嘅男生唔想同進一步了解佢嘅內心。
Photo from 陳嘉佳抖音
Photo from 陳嘉佳抖音
Photo from 陳嘉佳抖音
雖然細細粒稱外型影響佢搵唔到男朋友，不過佢直言無減肥嘅想法，佢指「食」係佢嘅愛好，如果連呢方面都要放棄，即使有愛情，但佢嘅工作、人生、生活動力都會無埋。
Photo from 陳嘉佳抖音
Photo from 陳嘉佳抖音
有意參加內地嘅相睇節目
細細粒自言想結婚，又指公司有安排佢今年會參加內地嘅相睇節目，佢都想了解下佢呢個身型係咪真係咁無市場，佢表示想知道男生對佢呢種身型女生嘅想法係點。細細粒喺抖音留言：「被愛的前提一定是漂亮嗎？一定是瘦嗎？我覺得不是，每一個人都可以發出自己獨特的光～」
Photo from 陳嘉佳抖音
Photo from 陳嘉佳抖音
有唔少內地網友大讚佢其實好靚，但亦有網民語重心長表示減肥未必係為咗靚，其實都係為佢身體健康著想：「減肥吧，不為了別的，為自己，畢竟什麼都沒健康來的重要。」
Photo from 陳嘉佳抖音
Photo from 陳嘉佳抖音
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
