張學潤離世｜Nel Nel2日前直播已顯露端倪？！最後一句說話令人心痛

形象指導Nel Nel（張學潤）突然離世，終年59歲，唔少好友都大感突然。有指佢事先仍如常與朋友食飯，未有任何徵兆。Nel Nel於離世2日前曾開直播，當時佢面色正常，但喺成個直播中似乎亦顯出端倪。

Nel Nel（張學潤）係香港著名嘅形象指導及服裝造型設計師，佢曾經為天王郭富城、陳慧嫻、陳小春、湯寶如、關淑怡等藝人擔任形象顧問，佢亦有參與幕前工作，曾出演多達50幾部電影，又擔任過節目主持同參演舞台劇，演出經驗相當豐富。

近年佢雖然少喺幕前出現，亦移居內地，但仍同一眾圈中好友保持聯絡，平時都會開直播，佢喺內地亦開設抖音帳號，又加入直播帶貨行列。

對於傳出離世消息，令佢嘅好友大感震驚，有指佢因為財政困難而選擇輕生，好友肥媽就指佢聽聞Nel Nel喺內地工作但又收唔到錢，佢嘆息道：「錢算得係咩啫！」肥媽表示Nel Nel只要打畀佢，佢一定會幫忙，可惜近年少聯絡，Nel Nel可能唔好意思開口。

即睇更多人氣文章：
薛凱琪內地拍內衣廣告罕有曬身材！大方承認胸小的女生都可以好靚
和歌山酒店｜無邊際溫泉＋海景桑拿房！套房俯瞰白濱大海超寫意

其實Nel Nel喺月初曾回港出席十大中文金曲頒獎典禮，當時亦有與多位圈中人合照，而最先發現Nel Nel出事嘅羅霖亦表示喺Nel Nel離世前一日兩人曾一齊食飯，但Nel Nel翌日未有上班，加上打電話唔接，屋企門又反鎖，最終報警開門後發現Nel Nel已離世。

由於Nel Nel生前仍然如常與好友見面，因此佢嘅離世令唔少好友大感突然，亦難以接受，除咗一班圈中人難掩悲傷之外，早已退出娛樂圈，最近飛澳洲讀短期課程嘅Cammi亦喺IG Story打上「Rip」悼念。

Nel Nel最後一次公開露面係離世前2日，佢與陸詩韻等開直播，當時Nel Nel面色如常，但一向有做開直播嘅佢當日甚少發言，表現沉默，而且神情呆滯，不過於直播結尾Nel Nel有表示：「我哋下個禮拜二再同大家見面！」估唔到呢一次竟然係永別。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）