《葉問5》宣布開拍續由甄子丹出演惹議，網民震驚：係咪死過翻生？

By Wing Ws on 19 May 2023

Digital Content Writer

甄子丹嘅代表作《葉問》系列電影，風靡亞洲，更因此成為國際聞名嘅武打明星。而《葉問》系列嘅發行商近日宣布即將開拍《葉問5》，令網民大為震驚，紛紛詢問上一部死咗嘅葉師傅係咪會死過翻生。

Photo from 《葉問4》電影截圖

據外媒報道，《葉問》系列嘅發行商東方影業喺今屆電影節宣傳3部計劃開拍嘅電影，包括《葉問5》、《Flash Point Resurgence》（《導火綫》續集）及《誤判》，3部都係由甄子丹主演，昨日（18日），甄子丹率先喺社交平台上公開3張電影宣傳海報，問大家：「大家想我拍哪一個先？」當中，《葉問5》嘅海報中，見到木人樁喺正中間，四周有倒下嘅人及刀劍，而網民嘅討論都非常熱烈。

Photo from 甄子丹微博

2019年上映嘅《葉問4》中，葉問因頭頸癌逝世，而甄子丹亦於記者會上表示，《葉問4》係《葉問》系列嘅最後一集，亦都會喺佢最後一部功夫片。因此唔少網民都非常好奇，紛紛留言猜測會點拍，有網民問葉問係咪會死過翻生，亦有人對宣布完結後再拍續集嘅方式感到不滿。

Photo from 《葉問4》電影截圖

Photo from 連登討論區

據報，電影公司老闆黃百鳴接受媒體訪問時，解釋：「近幾年同世界各地好多片商開會的時候，都會要求再拍《葉問》，因為之前幾集成績好好，所以我同子丹探討過可能性，在《葉問》15周年再拍一部。我們兩個都有共識，首先就是不想要重複，要有新的手法、新的感覺給影迷，所以一切等劇本搞定再公布。」

Photo from RTHK 香港電台 YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

甄子丹飾演金庸角色「喬峰」惹網民不滿，被指身高外型差異大？片酬高達2億！18歲大女兒遺傳媽媽優良基因

25 May 2022

現年58歲嘅甄子丹最近獲邀出演電影《天龍八部之喬峰傳》，有傳佢除咗係男主角之外，仲係電影監製同製片人；不過部份網民就認為佢未能夠勝任「喬峰」一角！而一向被喻為「愛妻號」嘅佢最近忙於勘景，仲順便帶埋老婆汪詩詩一齊出去，工作愛情兩得意～

Photo from 甄子丹微博

甄子丹自小熱愛武術

「宇宙最強」甄子丹自細就對武術十分感興趣，曾學習少林拳以及太極拳，並且視香港武打巨星李小龍為偶像。長大後繼續努力鑽研武術，隨後成為動作片演員以及武術指導，仲獲邀出演電影《葉問》系列而為人熟悉！

Photo from 甄子丹微博

Photo from 《葉問》預告

獲邀出演「喬峰」一角

日前，甄子丹接拍花費巨額投資嘅電影《天龍八部之喬峰傳》，電影由王晶以及鄭偉文執導，而佢就會將飾演男主角「喬峰」，片酬高達2億！有指佢唔太滿意王晶嘅製作安排，所以將會擔任埋監製以及製片人嘅角色，似乎非常重視今次嘅作品，而電影概念海報亦已經釋出。

Photo from 甄子丹微博

Photo from 微博

網民不滿甄子丹與「喬峰」外型不相符！

雖然網民都認為甄子丹武功確實高強，但網民似乎唔太滿意「喬峰」一角由佢飾演！喺金庸小說中所形容嘅「喬峰」係身材魁偉、濃眉大眼、極有威勢等；然而現實中甄子丹身高大約只係得173cm，令唔少網民都覺得兩者相距有啲大。有網民提出都係黃日華以及胡軍所飾演嘅「喬峰」最經典～

Photo from 微博

Photo from 甄子丹微博

極度重視今次電影製作

作為監製嘅甄子丹亦非常慎重咁選擇女主角，暫時尚在物色合適人選：堅拒選擇曾經整形嘅女藝人，並且要求女演員有氣質有演技！有消息指暫時較大機會由內地女演員陳鈺琪接手「阿朱」一角，暫定於7月開拍。因此甄子丹最近都忙於外出勘景，仲順便帶埋老婆汪詩詩一齊外出，寓工作於娛樂，一舉兩得～

Photo from 陳鈺琪微博

Photo from 甄子丹微博

北上工作後吸金力超強

今個月初，甄子丹被爆現身深圳新樓盤「盤太子灣108府」睇樓，據悉該樓盤最便宜嘅單位都大約係1,500萬人民幣（逾港幣1,700萬）。從照片中所見，佢一身平民look穿著拖鞋，非常悠閒咁睇樓，仲周不時同老婆一齊有傾有講；離開前仲非常友善咁同職員們合照～

Photo from 微博

18歲大女兒遺傳媽媽模特兒身形！

出名係「愛妻號」嘅甄子丹同汪詩詩喺2003年結婚，並育有一子一女，十分溫馨～而18歲嘅大囡甄濟如（Jasmine）日前上載咗幾張全身照，只見佢身材高挑瘦削，完全遺產咗媽媽嘅優良基因！有指囡囡仲已經考入美國伯克利音樂學院（Berklee College of Music），仲獲得獎學金，可以話係內外兼備。