download HolidaySmart 假期日常 app
47歲滕麗名登台被指身形發福 黑色喱士衫配皮褲 網民:品味好奇怪

47歲滕麗名登台被指身形發福 黑色喱士衫配皮褲 網民:品味好奇怪

娛樂新聞
By jack on 30 May 2023
Digital Content Writer

現年47歲的滕麗名出名有樣有身材,加上保養得宜,獲封為「索爆人妻」。出道多年的她拍過多套經典TVB劇集,出演過不少深入民心的角色,如《陀槍師姐》陳三元、《真情》梁冰雪、《愛回家開心速遞》熊尚善等,在內地及香港都有一定人氣。最近她獲邀到廣州登台,以喱士上衣配皮牌現身,不過卻被指造型奇怪兼身形發福,與過往的美魔女形象很大出入。

滕麗名 IGPhoto from 滕麗名 IG

廣州登台與粉絲熱情互動

日前內地流傳一段滕麗名登台演出的片段,據指她上星期五(26日)獲邀到廣州酒吧商演,有眾多粉絲捧場,滕麗名亦表現熱情,不時與台下觀眾互動。滕麗名於1997年主演的《陀槍師姐》紅遍兩岸三地,亦是不少港劇迷的經典回憶,當晚許多現場粉絲都直呼滕麗名「師姐」,更主動伸手上台握手,滕麗名亦有滿足粉絲需求,不停與台下觀眾握手,期間藤麗名又笑言:「唔得咁樣拖住㗎,咁樣呷醋㗎啲人!」逗得一眾粉絲非常開心。

抖音Photo from 抖音

奇怪造型亮相被指身形發脹/h2>

滕麗名登台影片後公開後,不少網民卻將焦點落在她的衣着及身材上,當晚滕麗名紮起馬尾,身穿黑色喱士透膚上衣,露出手臂,下半身則穿了一條紅色皮褲及黑色高踭鞋,許多人直指她在片中造型奇怪,加上低炒拍攝,身形看起來發脹不少。有網民慨嘆昔日的「索爆人妻」風光不再,亦有人直言幾乎認不出她。

抖音Photo from 抖音

抖音Photo from 抖音

多次擔任豐胸纖體代言人 大晒火辣身材

滕麗名於2011年出任豐胸纖體代言人,接受豐胸療程,上圍成功由30A升到33C,滕麗名坦言接受療程後變得自信。滕麗名於2013年下嫁圈外老公朱建崑,不過她婚後並沒有收起性感,其後多年都一直有接拍豐胸廣告,大晒完美身段,不少人大讚她保養得宜又充滿女人味。她拍劇時亦多次有破格的性感演出,如《女人最痛》、《新抱喜相逢》,演出亦深得觀眾歡心。

廣告截圖Photo from 廣告截圖

TVB YouTubePhoto from TVB YouTube

廣告截圖Photo from 廣告截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

滕麗名有靈異體質大爆電視城好猛鬼! 曾同隔離廠張家輝遭遇一樣靈異經歷

27 Apr , 2021

由邵氏兄弟製作嘅訪談節目《Master's Talk師父有請》,最近一集就請咗滕麗名、康華同埋白彪嚟講述佢哋入行以嚟所經歷過嘅靈異事件,其中滕麗名仲大爆電視城錄影廠好猛鬼!

滕麗名IGPhoto from 滕麗名IG

林盛斌(Bob)同麥玲玲主持嘅《Master's Talk師父有請》就邀請咗幾位嘉賓嚟分享佢哋所經歷過嘅靈異事件,佢哋所遭遇嘅可怕經歷,令主持人都聽到目瞪口呆!其中一位嘉賓滕麗名就話自己以前對靈界嘅嘢非常敏感。

滕麗名IGPhoto from 滕麗名IG

滕麗名入行多年,佢就話自己曾經喺清水灣電視城同內地拍攝嘅時候遇過好多靈異事件。拍攝嘅時候,就已經聽講附近廁所好猛鬼,所以服裝間就一直都有好大個觀音像對住廁所,希望藉此闢邪。有一次,佢因為服裝間關咗門,所以就去廁所換衫。點知佢一望塊鏡就見到另外一個人,但當時廁所只係得佢一個!

滕麗名IGPhoto from 滕麗名IG

滕麗名亦講到佢覺得最恐怖嘅係有次凌晨兩點預備收工,就聽到收音師話有人係度吹口哨,大家就話咁快啲搞掂走人啦~後來,佢自己都聽到有人係佢耳邊吹口哨,點知突然聽到喺隔離廠拍攝緊《騙中傳奇》嘅張家輝大叫「有人喺我耳邊吹口哨呀!」佢自己就話呢件事都幾爆,因為兩個攝影廠中間夾住化妝間,理應係唔會通到聲。

《騙中傳奇》Photo from TVB

TVBPhoto from TVB

滕麗名亦表示佢當年返內地拍戲嘅時候,遇過唔同嘅靈異事件。其中有一次佢去北京拍攝,一拍就要拍半年,但當時住嘅房佢第一日去到就知有古怪!因為日日都開唔到鎖匙,直到佢講「我哋返嚟喇!」先開到。

滕麗名IGPhoto from 滕麗名IG

除此之外,成日都會有奇怪嘅事發生,包括:佢開燈時就關燈、夏天就不停關冷氣等,係要同佢作對!不過佢就話好彩呢個靈體都冇做啲咩去傷害佢,所以就話當你改變唔到個環境嘅時候,最好嘅方法就係同佢哋做朋友~

滕麗名IGPhoto from 滕麗名IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

滕麗名再談舊愛魏駿傑表現大方!9年情無疾而終!細數入行後4段戀情

2 Feb , 2021

TVB《陀槍師姐2021》飾演「陳三元」嘅滕麗名早前一場喊戲大獲好評,劇中出現魏駿傑飾演嘅「程峰」片段,滕麗名罕有提及舊愛,表現大方。其實佢出道至今逾25年,曾有4段戀情,感情路屢屢受挫,但最終覓得真愛,成為幸福人妻。

《陀槍師姐2021》滕麗明飾「陳三元」做足5輯Photo from 《陀槍師姐2021》

《陀槍師姐2021》早前播出咗滕麗名飾演嘅「陳三元」因收拾舊物而憶起丈夫「程峰(魏駿傑飾)」,滕麗名嘅喊戲打動觀眾,令人心痛,演技備受好評。

滕麗名喊戲打動觀眾,令人心痛,演技備受好評。Photo from 《陀槍師姐2021》

劇中出現兩人嘅舊片,當時佢哋可謂「金童玉女」,現實中亦戀愛9年,可惜最後分手收場。滕麗名出席宣傳活動時罕有談及舊愛,對於魏駿傑喺劇中出現,佢表示拍攝時並唔知情,因為片段係後製加入,但就指唔覺得尷尬:「無問題,每個人都有過去㗎啦!」

《陀槍師姐2021》早前播出咗滕麗名飾演嘅「陳三元」執舊物而回憶起丈夫「程峰(魏駿傑飾)」嘅片段Photo from 《陀槍師姐2021》

滕麗明入行20幾年嚟,先後有4段戀情,其中同魏駿傑一段情最為深刻。

滕麗明入行20幾年嚟,先後有4段戀情Photo from 滕麗名IG

#TVB幕後 Andrew Lai

滕麗明喺1996年拍攝《真情》時與任職TVB幕後嘅Andrew Lai拍拖,兩年後分手。

滕麗明喺1996年拍攝《真情》時與任職TVB幕後嘅Andrew Lai拍拖Photo from 《陀槍師姐2021》

#《陀槍師姐》 魏駿傑

1998年接拍《陀槍師姐》後,「陳三元」可以話係滕麗明嘅代表作,佢於劇中同魏駿傑飾演嘅「程峰」係一對情侶,兩人戲假情真,人前人後都非常恩愛,早已被觀眾視為「天造地設嘅一對」。佢哋由《陀槍師姐》愛到去《陀槍師姐IV》,拍拖9年感情一直穩定,更已經到咗談婚論嫁階段。

「陳三元」算係滕麗明嘅代表作,佢於劇中同魏駿傑飾演嘅「程峰」係一對情侶,兩人戲假情真拍拖Photo from 《陀槍師姐》

點知2007年魏駿傑北上拍劇,傳出搭上比佢細20歲嘅大學生張利華,隨即與滕麗明分手。3年後魏駿傑便與張利華結婚,育有一女。

2007年魏駿傑北上拍劇,傳出搭上比佢細20歲嘅大學生張利華,隨即與滕麗明分手。Photo from 《陀槍師姐》

不過滕麗明同魏駿傑分手後,魏駿傑曾公開喺節目中提及往日戀情,無開名指拍拖多年:「唔同佢結婚我就係罪人」。

魏駿傑曾公開喺節目中提及以前戀情Photo from 《陀槍師姐2021》

#《野蠻奶奶大戰戈師奶》 郭政鴻

同魏駿傑分手後同年,滕麗明拍《野蠻奶奶大戰戈師奶》被爆同拍檔郭政鴻擦出愛火花,雖然無承認過拍拖但屬於「公開嘅秘密」,兩人戀愛2年後驚爆郭政鴻與前妻復合仲有個女!

與魏駿傑分手後同年,滕麗明拍《野蠻奶奶大戰戈師奶》被爆同拍檔郭政鴻擦出愛火花Photo from 《野蠻奶奶大戰戈師奶》

郭政鴻當時直言同滕麗明由始至終都係朋友,並未拍拖,而滕麗明亦稱自己係單身。

郭政鴻當時直言同滕麗明由始至終都係朋友,並未拍拖Photo from 《野蠻奶奶大戰戈師奶》

#終遇真愛 朱建崑

連續兩段感情受挫嘅滕麗明於2011年認識朱建崑(Matthew),朱建崑係圈外人,2013年6月滕麗名承認已接受求婚,並於同年12月與男友拉埋天窗。

連續兩段感情受挫嘅滕麗明於2011年認識朱建崑(Matthew),朱建崑係圈外人,2013年6月滕麗名承認已接受求婚,並於同年12月與男友拉埋天窗Photo from 滕麗名IG

不過喺接受求婚後滕麗明與舊愛魏駿傑爆罵戰,直指有證據證明魏駿傑結婚生女後,曾向佢提出復合。滕麗明更稱對方「玩嘢王」。

接受求婚後滕麗明與舊愛魏駿傑爆罵戰Photo from 滕麗名IG

結婚後滕麗明與丈夫恩愛,試過喺日本旅行時肋骨受傷,老公朱建崑為照顧太太不惜港日兩邊走亦令滕麗明非常感動:「老公為了照顧我這個論盡病人而家港日兩邊走,見到一張超認真極緊張喪溫柔的一張臉,心痛但心甜。」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel