全民造星Ｖ｜18歲天宇被收藍燈不忿怒罵評判，道歉都唔buy！網民怒揭黑歷史：唔好畀佢入圍！

娛樂新聞

By Wing Ws on 02 Jun 2023

Digital Content Writer

噚晚（1日）ViuTV播出嘅《全民造星Ｖ》中，38號王天宇成為今屆節目第二位被收藍燈嘅參賽者，節目中佢嘅態度引起網民憤怒，隨即被爆黑歷史，雖然三度向評判、網民致歉，但網民仍然唔buy，更直言唔想佢入圍。

Photo from Instagram @tinyuwang729

18歲嘅王天宇指自己係一位busker，IG followers有超過1萬人，天宇稱表演一日有$2000收入，喺面試時表演亦成功引起花姐注意。

Photo from ViuTV

缺席排舞被揭去咗busking

天宇一開始接受節目組訪問時指：「我份人唔懶，即係做有興趣同重要嘅嘢，我係有啲底線，因為我都預咗會好苛刻，如果入咗嘅話」，但第一日練舞已經遲到，理由係：「遲咗起身，塞車同遲出門」，甚至之後所有排舞日都冇嚟，天宇解釋因為病咗喺屋企休息，但被工作人員揭發喺旺角busking，天宇指：「我可能係夜晚出咗去，咁我朝頭早醒唔到呀嘛，跟住我咪夜晚出咗去」、「我唔係去咗busking，而係出咗去食咗個飯，係經過唱咗一、兩首咁樣」。

Photo from ViuTV

明知限時但照超時表演

《全民造星Ｖ》99強每人有1分半鐘表演，而去到綵排日，天宇就唱到2分鐘50秒，被cut歌後，天宇承認知道表演有限時，但照樣選擇超時表演，搞到監製等人嬲咗：「唔緊要，你鍾意開concert你彈3個鐘，不過唔好喺度彈，自己book個場彈」。正式表演當日，天宇指噚日去咗表哥婚禮，當日醉酒未醒，行唔到直線。

Photo from ViuTV

《造星Ｖ》第二人被收藍燈

表演結束後，天宇一共有2盞藍燈，但導師都未有即時搶人，擔心唔識教、唔聽教，評判Edward Chan提出自己嘅藍燈有條件，要求天宇以唱副歌嘅方法，再唱多次主歌，最終Edward撳熄藍燈：「我好想聽得清楚咬字，但你始終都係唔肯打開個口唱歌，我畀個tips已經畀得好出㗎喇，你本身個聲底有一個特質，如果可以好好發揮係會好好聽，不過好可惜，成個表演未能夠可以讓嗰樣嘢可以好好咁呈現喺觀眾面前。」

Photo from ViuTV

「我講普通話一定多過佢講白話」

結束表演後，天宇表示：「我以為佢(Edward)唔會撳（藍燈），我都按照佢要求去變埋唱腔，佢都照撳熄我個燈」，更宇不忿指：「我冇嘢好講，好嬲呀嗰下，講真，憤怒嘅」、「我唔覺得我咬字係有問題，因為普通話、國語係我母語，我講普通話一定多過佢講白話」、「佢可以話我唱腔係有啲問題，但我真係唔覺得我咬字係有問題，每一個字都係讀出嚟係清楚」、「好老實講，好燥底嘅，可能的確我唱歌唔啱你所要，你覺得好難聽，但係唔係以一個咬字好輕易就將一個人foul咗去復活區囉」，更直言：「我認為我實力係唔會差過某啲喺60強入面嘅選手」。

Photo from ViuTV

網民留言轟炸IG

天宇嘅態度及言論令一眾網民嬲爆，紛紛於其社交平台留言轟炸，斥責：「唔識尊重」、「目中無人」、「自以為是」、「人品差，熊度極差」，置頂帖文更超出400則留言，網民一面倒負評。

Photo from Instagram @tinyuwang729

向Edward道歉被指做show

據知，節目播出後，天宇於其telegram粉絲群組認衰，又貼出向評判Edward道歉嘅訊息，Edward回覆指：「Take it easy」，及後又喺IG post story再次道歉：「對不起曾經的我是一個不折不扣的壞人而我將會用餘下的時間重新出發」，不過網民都唔buy，覺得天宇似做show，留言叫ViuTV唔好畀佢入圍。

Photo from 連登討論區

Photo from Instagram @tinyuwang729

網民怒揭醜聞：唔好畀佢入圍

另外，有網民揭發天宇2年前於旺角辱罵busker馬賦馳(Oliver Ma)。片中，身穿藍色日本餐廳工作服嘅天宇指責馬賦馳：「今日Busking霸位，我哋一個女仔喺度霸位，佢粒聲唔出霸咗個位，恰女人！」更疑似出言侮辱對方：「你個樣成個女人咁呀，好難睇呀你個樣」、「好核突呀」、「你好X Gay呀」、「你再唔唱打你㗎」，據知，當日天宇有2位朋友到場以行李箱霸位，但未「開壇」，其後馬賦馳到場開始busking，被指霸位，而唔少網民表示支持馬賦馳，認為天宇及兩位busker行為自私，更有唔少網民於影片下留言tag ViuTV，表示：「推到Viu tv睇到」。

Photo from Instagram @oliverma21

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

全民造星5｜翻版MC太囂張激嬲網民，首位被評判收返藍燈／導師覺得老土唔想收？

18 May 2023

《全民造星V》昨晚（17日）播出第3集，其中一位參賽者陳彥熹(Philip)被網民稱為「翻版MC」，自認靚仔嘅作，面試嘅時候已經自信爆棚，但表演後就搞到被評判撳熄咗藍燈，連網民都唔buy，覺得佢太串。

Photo from Instagram @philippp.chan

自認靚仔？被指似MC揀《小心地滑》比賽

88號參賽者陳彥熹(Philip)係第3位出場，今年21歲嘅Philip身高169cm，係一名學生，早前參賽者造型照上傳後，唔少網民覺得似MC張天賦：「咁多中算靚仔」、「攝衫版MC」，連評判都覺得似MC。Philip表示，仲有人覺得佢似馬國明、王力宏。首輪面試時，Philip揀咗MC嘅《小心地滑》，表現冇大問題，被問到認為自己會「憑咩入圍」，Philip指希望憑歌聲、毅力入圍，又指：「可能我個樣都OK啲！」音樂總監CMgroovy問：「即係你覺得自己靚仔嘅？」Philip回應：「由細聽到大啦」，監製聽到皺晒眉。

Photo from ViuTV

首位被撳熄藍燈：要謙虛啲

昨晚表演中Philip再度演唱MC嘅《小心地滑》，雖然中間有瑕疵，但最終都獲得評判嘅3盞藍燈。評判陳詠燊問到Profile中寫嘅擅長「扮型」係咩意思，Philip就即場示範，另一位評判Edward Chan問：「咁你覺得自己本身型唔型？」Philip反問：「你覺得呢？」陳詠燊表示：「你個扮型係真係做到，因為你淨係扮囉」，又提醒：「啲（藍）燈係收得返㗎」，隨即，Edward Chan撳熄咗藍燈：「我問你問題，你又問返我問題，咁呢個就唔係一個好嘅對答」、「同埋呢一個藍燈收返就係令你明白，有啲事情唔係你所控制呢，咁就要謙虛啲。」

Photo from ViuTV

3盞燈都冇人搶

對上幾位參賽者喺評判撳2盞藍燈後，導師已經爭住搶人，但今次4位導師都似乎都猶豫緊要唔要，到評判畀完評語後都不為所動，陳蕾就直指Philip「感覺老土，但佢先21歲」、「有啲江湖味」，主持強尼問Philip覺得入邊組嘅幫助更大，Philip表示：「我會想行一個比較型格嘅路線，我覺得陳蕾會喺呢方面會幫到我多些少。」最終由陳蕾同安仔撳燈。