TVB員工爆藝人片酬，最高係呢位女演員？！非視后拍一套劇袋300萬

娛樂新聞

By Jennifer on 26 Jun 2023

Digital Editor

TVB旗下擁有多位知名度極高嘅演員，近日TVB藝人朱斐斐拍片公開TVB演員嘅身價，表示視帝視后級演員每集片酬約有4～5萬，佢更大爆佘詩曼、林峯、鄭嘉穎等人嘅片酬，以及TVB身價最高嘅係人竟然唔係攞過視帝視后嘅演員！

Photo from TVB

內地藝人日薪高達208萬，香港演員片酬不高

TVB咁多年嚟培養咗多位一線演員，其中有唔少藝人離巢後北上發展，都成功獲得一定嘅人氣。內地觀眾亦指TVB嘅演員片酬不高，但比內地攞天價片酬嘅演員更敬業，演技都十分出色。

Photo from TVB

內地網友指出唔少內地藝人日薪高達208萬人民幣，稱佢哋唔值呢個人工。而近日一名TVB藝人朱斐斐就喺小紅書拍片分享TVB演員身價。

Photo from 朱斐斐小紅書

TVB藝人朱斐斐爆料TVB演員身價

朱斐斐因鍾意佘詩曼報名參加第26期無綫電視藝員訓練班，佢入行以嚟所出演嘅角色大多屬路人等群眾演員，暫未有令人留下深刻印象嘅角色，佢最近亦加入娛樂新聞台做主播。朱斐斐於小紅書以「TVB最賺錢藝人和你想的一樣嗎？」為題post出一條短片。

Photo from TVB

片中佢提到TVB藝人嘅片酬絕對無可能同內地藝人日薪208萬咁高，佢稱視帝、視后級別嘅演員一集嘅片酬約為港幣4～5萬，一啲名氣較高嘅演員片酬可高達7～8萬一集。

Photo from TVB

佘詩曼、林峯、郭晉安、鄭嘉穎等人片酬曝光

例如鄧萃雯一集就有$8萬；郭晉安、鄭嘉穎一集有$7萬；佘詩曼片酬每集達$6.5萬；林峯每集片酬為$5萬；離巢多年嘅郭羨妮一集亦有$4.5萬。

Photo from TVB

Photo from 朱斐斐小紅書

TVB片酬最高係呢位離巢女演員！

之後佢爆料稱TVB片酬最高嘅人係於2018年完約離巢嘅鍾嘉欣，鍾嘉欣雖然未曾攞過視后，但有指佢拍《星空下的仁醫》時嘅片酬高達$300萬，《星空下的仁醫》一共有25集，鍾嘉欣平均每集片酬為$12萬，比唔少視帝視后人工更高。

Photo from TVB

Photo from 朱斐斐小紅書

Photo from TVB

不過朱斐斐亦表示當時鍾嘉欣為《星空下的仁醫》拍攝咗4個月左右，計返日薪都係2萬到：「雖然比起內地嘅千萬片酬都係濕濕碎，但係對於TVB嚟講呢個已經係天價嚟！」

Photo from TVB

朱斐斐爆工作一年零收入，僅得車馬費

朱斐斐透露TVB一套劇集嘅預算係100萬左右，主角嘅片酬拎最多，其他演員片酬都唔會高得去邊，佢更爆料拍之前喺藝員訓練班，做咗一年都只係得「車馬費」。

Photo from 朱斐斐小紅書

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

TVB小生身價大公開！最高人工達3,000萬竟然係佢？袁偉豪年薪直逼視帝！

22 Jul 2021

TVB作為大台，培養出唔少小生花旦，近日有指視帝陳展鵬與TVB續約時想加人工，與黎耀祥睇齊，不過就被拒絕。TVB一眾視帝身價亦曝光，其中唔係視帝嘅袁偉豪年薪亦可媲美一線小生。

Photo from TVB

#陳展鵬

Photo from TVB

陳展鵬2008年加入TVB，之後出演多套電視劇，終於喺2016年憑《城寨英雄》首奪「最佳男主角」。佢近年作品大減，有指佢與無線嘅合約年底就完結，雙方喺討論續約時陳展鵬要求加人工至$500萬，但TVB則認為加得太多，於是拒絕對方要求。雖然陳展鵬否認自己要求加薪，但亦可睇得出TVB視帝嘅身價極高。

Photo from 陳展鵬IG

#黎耀祥

Photo from TVB

由綠葉做到視帝，曾3度奪得「最佳男主角」，身價急升，有指佢年薪達$500萬，雖然唔算好高，不過近年佢返內地登台、演出賺人仔，收入相當可觀。

Photo from TVB

#王浩信

Photo from TVB

王浩信2007年加入TVB，做咗8年首度擔任第一男主角，最終喺2017年憑《踩過界》首奪「最佳男主角」，佢2020年兩套劇集都有唔錯成績，更再度成為視帝，身價已達$600萬。

Photo from TVB

#馬國明

Photo from TVB

獲封「荀盤」嘅馬明一向形象正面，曾多次「陪跑」，三度獲得「最受歡迎電視男角色」，直到2019年憑《白色強人》首封視帝。近年佢北上搵真銀，形象好好嘅馬明年薪約有$800萬！

Photo from 馬國明IG

#陳豪

Photo from TVB

陳豪早喺2007年憑《溏心風暴》「得得地」一角同時奪得「我最喜愛的電視男角色」同「最佳男主角」，成為雙料視帝。雖然之後佢除咗2010年嘅「最佳專業表現大獎」外未再攞獎，但落力拍劇養家嘅佢好爸爸、好老公嘅形象令陳豪深受廣告商歡迎！有傳佢2019年同TVB以$3,000萬續約，而且仲係包薪制，就算無工開，每個月都有6位數袋，成為TVB最高人工嘅藝人。