甜品時間～日本最新牛油蛋糕3口味（綠茶柚子、朱古力香橙、橘子）進駐香港！好好味啊！

一講到YOKU MOKU，大家都會即刻諗起日本南青山人氣蛋糕卷！但除咗蛋糕卷之外，YOKU MOKU 9月7日新出咗3隻超級好味嘅牛油蛋糕！小編率先試食，都覺得不得不推薦！
Photo from Presslogic

三隻口味！分別係朱古力香橙牛油蛋糕、橘子牛油蛋糕同埋綠茶柚子牛油蛋糕，每一隻都各有千秋～總揀到一隻岩你口味！
Photo from Presslogic

1)綠茶柚子牛油蛋糕
呢個味道絕對係小編嘅至愛！對於一間日本西點鋪頭嚟講，綠茶絕對係王牌之一！綠茶柚子牛油蛋糕係採用京都宇治綠茶加埋柚子皮，酸酸甜甜，最岩呢個季節食。而綠茶都好香濃，食落去好有層次！一D都冇被柚子皮嘅味道掩蓋，絕對係綠茶控嘅選擇！
Photo from Presslogic

2)朱古力香橙牛油蛋糕
香橙配朱古力，俾人一種好清香嘅感覺～作為一個chololate person，絕對唔容許錯過啊！好似呢款嘅牛油蛋糕比較硬身，所以俾人一種好Chocolate brownie嘅感覺！而用料一D都唔馬虎，係用德國蜜餞橘子加少少橙皮係面，外觀靚靚之餘，仲好好味嫁！
Photo from Presslogic

3)橘子牛油蛋糕
採用咗檸檬皮同檸檬酒做成，係外觀上絕對係三款之冠！唔好以為檸檬做成會好酸，反而同牛油蛋糕好夾！擺係雪櫃岩岩拎出嚟，又幾硬身！好似雪糕蛋糕咁～真係好好味啊！買番嚟同閨密做下午真係好適合！
Photo from Presslogic
Photo from Presslogic

而每一條都有前手臂咁長，價錢$128（雖然價錢過咁少少，但一定令你一試難忘）！ 買番嚟做早餐、下午茶或者宵夜都係一個唔錯嘅選擇～生日蛋糕都得嫁～加上咁靚嘅外表，買嚟送俾禮都好大方得體啊！
Photo from Presslogic

營業時間： 星期一至日10:00-22:00

地址： 灣仔皇后大道東200號利東街地下G35號舖（港鐵灣仔站 B2 出口, 步行約4分鐘）