梁思浩中過3次六合彩，全部四獎以上！分享中獎兩大秘技

娛樂新聞

By Jennifer on 04 Jul 2023

Digital Editor

唔少人都會買下六合彩，但中獎嘅人就唔多。梁思浩喺TVB節目《數你條命》中透露，佢曾中過3次六合彩，全部都係四獎以上！佢更大方分享中獎嘅兩大秘訣，原來同幸運數字有關。

Photo from 六合彩

梁思浩最少中過3次六合彩

J2節目《數你條命》每集都會搵嘉賓上嚟分享個人經歷，並透過「數字」分析玄學。最近播出一集中就請到梁思浩分享佢嘅財富密碼。主持人就用「最好運嘅藝人」形容佢，並問梁思浩中過幾多次六合彩。

Photo from 《數你條命》

梁思浩坦言：「$9,600（四獎）以下嗰啲唔計啦！有三次。」竟然中過咁多次六合彩，主持人同其他嘉賓都感歎。梁思浩就分享自己中六合彩嘅心得。

Photo from 《數你條命》

分享中六合彩兩大秘技

佢表示每個人都有自己嘅幸運號碼，如果一起身lucky number出現喺眼前，咁佢就會覺得今日係佢嘅lucky day，然後就買六合彩。梁思浩指自己嘅幸運號碼係1、3，所以佢起身見到個鬧鐘係13時13分，落樓時發覺今日係13號，咁佢就會專登買六合彩，佢更透露咁啱中獎嗰期就係第31期，全部都係佢嘅幸運號碼。

Photo from 梁思浩Facebook

Photo from 《數你條命》

梁思浩又指幸運數字就係佢嘅兆頭，佢指既然嗰日咁幸運，去投注站就唔好自己揀number，買一張電腦飛：「因為個天已經幫你揀咗喇！」睇嚟呢個就係佢中六合彩嘅「攻略」。

Photo from 梁思浩Facebook

之前梁思浩提到每個人嘅幸運數字都唔一樣，佢表示呢個「天使密碼」係靠感覺：「比如我問Oscar，你鍾意咩number？佢個腦一定有個數字出嚟，咁嗰個咪就係佢個天使密碼囉！」

Photo from 《數你條命》

梁思浩唔借錢但會送錢

除咗分享中六合彩秘訣，梁思浩又指如果有人問佢借錢，佢會直接送錢畀人，佢表示自己拍戲多年：「問你借嘅人呢，一定唔會還。」反而佢畀錢人幫助他人度過難關，如果對方日後報恩佢當然感激，但就算唔報起碼自己唔會嬲先。

Photo from 《數你條命》

相關文章：六合彩懶人包｜最旺號碼、10大幸運投注站一覽！頭獎、金多寶分配

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

通靈之王｜梁思浩前世身份多，自爆曾經係國師？！現場頻繁出現古怪事？被指疑似抄襲外國節目

12 Jul 2022

大台首個通靈選秀節目《通靈之王》已經於昨晚（11日）開播，由梁思浩及兩位2位新人王嘉慧（Cathy）、伍韻婷（Juliana）擔任主持，一共有15位來自不同通靈領域嘅專家出演，大晒獨門看家本領！不過節目播出後就被指疑似抄襲外國通靈節目，而拍攝期間仲真係有怪事發生咗？！

Photo from 《通靈之王》

全新通靈選秀節目《通靈之王》熱播中

由梁思浩以及2位女新人王嘉慧（Cathy）、伍韻婷（Juliana）一齊主持嘅全新選秀節目《通靈之王》已經開播，一共邀請咗15位唔同領域嘅「通靈達人」參加，向觀眾們大晒佢哋嘅「獨門絕技」，並且通過節目組嘅重重關卡；而頭3集中佢哋就將要發揮潛能脫穎而出，爭取10個出線資格！

Photo from 《通靈之王》

「靈魂談判師」Depp成功看透梁思浩前世身份？！

喺第一集中，通靈師們施展各自特別嘅「通靈法術」：第一位出場嘅通靈師係擁有「靈魂談判師」之稱嘅Depp，自稱能夠用靈氣療法見到其他人嘅前世。而佢就為主持人梁思浩「作法」，並向梁思浩表示「你有好多世嘅前世，有做過商人，有做過國師，所以你要好多idea」；而梁思浩就表示喺Depp念「天語」時，佢忍唔住全身震，仲話過往有台灣通靈者表示佢前世曾做過國師！

Photo from 《通靈之王》

念經時出現怪異現象？！

隨後，Depp就幫另一位女主持Cathy進行「通靈」，而梁思浩事後表示喺對方念經嘅時候，佢哋二人身後不停出現蝙蝠，仲形容「我拍咗咁多年從來都冇試過咁。」而節目組事後翻查錄影帶時，的確發現後方有多隻蝙蝠飛過嘅身影！

Photo from 《通靈之王》

「宗武」靠感官找出「問題房間」！

而第二位就係學會「茅山術」嘅宗武，佢自稱能夠靠感官知道房間內有冇異樣，而佢就要求對方喺現場搵出認為「最有問題嘅地方」！而宗武就表示最尾嘅房間磁場唔太好，而節目組就決定用房間內嘅氣溫去認證「靈體越多室內氣溫就會越低」；而當Cathy前往最尾嘅房間時氣溫突然從23度急降到20度！

Photo from 《通靈之王》

人氣王C姐用手機號碼為人預測未來運勢！

第3位出場嘅係人氣非常高嘅C姐，擁有多達20萬粉絲，佢仲非常有自信咁表示自己應該係最受歡迎嘅一位參賽者，自稱有機會成為「麥玲玲接班人」！而佢就喺節目中展現用手機號碼去預測未來嘅運勢，而佢就並唔知道電話號碼持有人嘅真實身份，並表示事主係行內地位都算高，但喺晚年（大約40歲後）就必須要小心高血壓、心臟問題等。

Photo from 《通靈之王》

成功講中晒？！

之後，節目就公開電話號碼原來係屬於主持人梁思浩嘅，而佢就坦承自己喺45歲之後就患有高血壓，講出嘅point都似乎中咗！

Photo from 《通靈之王》

悟能讓「北帝」上身通靈？！

昨晚最後一位登場嘅係「北帝代言人」悟能，自稱能夠令「北帝」上身，並解答有關前世今生等問題。節目組拍攝前就叫梁思浩選擇一件隨身物品放入銀盤裡面，而佢就透過「感應」回答裡面嘅係「一隻銀色熊仔」！其後，結果揭曉裡面放置嘅係一條掛有銀色熊仔鑰匙扣嘅車匙，在場認識都超驚訝「佢（北帝）可能係因為唔知車匙！」

Photo from 《通靈之王》

被網民指抄襲外國節目？！

然而節目播出後，部份網民就決定節目嘅流程同2007年開播嘅俄羅斯節目《通靈之戰》（Bitva extrasensov）十分相似，而呢個節目現時足足有16季咁多！當時節目亦係邀請一班「通靈師」透過超自然角度進行挑戰，而事實上該節目亦係模仿英國節目《大英超自然挑戰》（Britain's Psychic Challenge）。