港男呻九龍灣返工好辛苦，狂數5大問題！網友：返過觀塘未
Photo from gov.com
有網民喺香港討論區以「九龍灣返工真係好討厭」為題開post，佢表示喺九龍灣返工嘅人超多，但該區嘅配套設施根本應付唔到咁大嘅人流量，更指出5大問題，唔少網友都十分認同。
Photo from 劇照
1. 行人路多數無遮擋
樓主指由港鐵站行入九龍灣商貿區嘅路程長又幾乎無遮無擋，落雨嘅時候基本上一定會全身濕晒先返到公司，夏天又會被太陽曬到出晒汗，成身汗味十分狼狽。
Photo from 劇照
2. 食肆不足
樓主稱要喺九龍灣「覓食」唔容易，雖然有Mega Box、九展等，但食肆唔算多，午膳時間人又多，等位都要勁耐，有時更要行出返德福商場嗰邊。
Photo from gov.com
3. 人流太多
喺九龍灣返工嘅人唔少，而一到放工時間就會超多人，要搭港鐵都會喺閘口前逼超耐，夏天出汗多，汗味十分難聞。
Photo from 香港討論區
4. 交通唔方便
由九龍灣商貿區行到九龍灣站都要一啲時間，放工人流量大，仲要行一段路先到港鐵站，通常都會行到身水身汗。樓主又指巴士不足，放工時間排晒長龍，甚至要行到淘大嗰邊搭車，十分不方便。
Photo from 劇照
Photo from 香港討論區
5. 配套設施不足
九龍灣商貿區地方較遠，但去到九龍灣站只有兩條天橋，無法應付返工、放工嘅人流量，佢哋更以「屍殺列車」形容放工時天橋嘅情況。樓主直言天橋超過5：45就塞晒：「最大鑊係冇其他路連去德福」
Photo from 香港討論區
Photo from 香港討論區
Photo from 劇照
有唔少網友都同意喺九龍灣返工真係好辛苦：「交通配套同20年前一樣 但樓又多左好多」，但亦有人表示自己返過觀塘同九龍灣嘅工，覺得觀塘嘅情況比九龍塘更為惡劣：「多人? 你似乎未感受過觀塘站」、「九龍灣都仲可以行去啟德。觀塘真系無得救，巴士地鐵都塞到癡線」
Photo from 劇照
Photo from 香港討論區
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港男做壽司郎返工一日即辭職：唔係人做！不停講日文、忙到一腳踢
8 Jun 2022
Photo from 壽司郎
網友發文稱自己喺壽司郎做咗一日就辭職？
餐廳受歡迎唔代表員工都會中意。壽司郎來港開店後幾乎每日都大排長龍，分店越開越多，人氣依然高企！不過喺員工嘅眼中可能又係另一種睇法。喺Facebook群組「香港壽司刺身關注組」有網友發文稱自己喺「壽司X」做咗一日就無做。
Photo from HolidaySmart
要不停講日文
網民更列出3點，力證份工「唔係人做」！佢表示壽司郎要求不停講日文，一般日本食肆都會要求員工講下「いらっしゃいませ(irassyaimase)」，但事主稱壽司郎要講日文嘅頻密程度遠超其他日本食肆。
Photo from 《VOICE 4》劇照
佢表示：「去到公司門口要講、搵人睇住你洗手要講、洗完手要做精神確認要講、入去廚房要講、去樓面幫手要講」，基本上去到邊都要講日本，而且更要大聲講，事主呻如果唔夠材料要好大聲講出嚟，佢又指連每30分鐘清潔完都要大嗌「X號手握壽司完成清潔！」令佢不勝其煩。
Photo from 《極道主夫》劇照
狂洗手，返工超忙、勁多嘢要記
事主補充稱佢返一日工就洗咗20分鐘手：「返工一次、去廁所一次、食完飯一次」，不過有網民就認為做飲食業勤洗手係好合理，尤其係做壽司，要確保雙手清潔先可以令食客安心。
Photo from 《怪胎》劇照
Photo from Facebook群組「香港壽司刺身關注組」
另外事主指份工超級多嘢要記，佢雖然只係第一日返工，但啲嘢點整、擺放位置等都要求佢2～3個鐘內記好晒，之後就要事主一個人做晒，佢大呻：「一腳踢…忙到飛起！！」事主仲話壽司郎要佢新手一個人做晒啲嘢，仲話做唔切、做得慢會被「問候」！
Photo from 《深夜食堂》劇照
同日返工員工放lunch即走！港男大呻人工低
事主稱好多人幾個月，甚至做幾日就唔做，佢表示第一日返工就見到同佢一齊返工嘅人食飯嗰陣已經執嘢走，證實有好多員工都頂唔順呢度嘅工作環境極速辭職。事主表示返足176個鐘月薪先有$15,000，每日要返9個鐘，lunch time得1個鐘，仲要係無錢嘅。
Photo from 《IT狗》劇照
Photo from Facebook群組「香港壽司刺身關注組」
即睇事主全文：
Photo from Facebook群組「香港壽司刺身關注組」
日資公司唔啱香港人做？
之前連登討論區有網民表示壽司郎呢種日資公司嘅經營方式對員工嚟講真係好唔友善：「寬人嚴己，福利又差」、「做飲食唔比傾計d時間點挨」、「日資人工普遍低市價一截」、「日資公司最鍾意做精神確認」
Photo from 《極道主夫》劇照
Photo from LIHKG
Photo from LIHKG
Photo from 《未生》劇照
網民稱側面反映壽司郎好衛生
不過亦有網民指睇完後反而對壽司郎好有好感，指佢要求員工洗足咁多次手感覺真係好衛生：「顧客角度睇完你個po，對衛生有要求壽司郎最少加20分」、「睇完即刻覺得間野衛生幾好，對員工都要求咁高其他應該都差極有個譜」、「對食客嚟講就好好，好衛生」
Photo from Facebook群組「香港壽司刺身關注組」
Photo from 《孤獨的美食家》劇照
有人認為員工角度唔啱做可以離職，指唔覺得公司要求好過分。網民稱做其他公司亦有機會遇到其他問題：「去邊到做嘢都係歷練。」
Photo from 《男人唔可以窮》劇照
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
