Lisa男友疑曝光！男方係世界首富兒子，家族資產逾1.6兆！

By Jennifer on 11 Jul 2023

Digital Editor

BLACKPINK成員Lisa喺多國都擁有超高人氣，佢嘅感情生活亦掀起fans關注。近日就有網友影到Lisa與一名男子現身巴黎餐廳食飯，而該名男子並非普通人，而係世界首富嘅兒子，兩人經常見面，令唔少網友懷疑佢哋正在交往。

Photo from Lisa IG

BLACKPINK續約新聞掀熱議

韓國女團BLACKPINK全球爆紅，4位成員Jennie、Jisoo、Rosé、Lisa一舉一動都備受注目，近日有傳只有Rosé與經理人公司YG續約，唔少fans都擔心BLACKPINK會解散！另一方面成員們嘅戀情同樣係大眾話題，除咗Jennie同BTS成員V嘅緋聞傳得沸沸揚揚外，泰國成員Lisa最近亦傳出緋聞。

Photo from BLACKPINK IG

Lisa男友疑曝光，身份係世界首富兒子？

有網友表示Lisa同一位男子喺巴黎嘅餐廳一齊進餐，呢名男子來頭唔細，佢正係Frédéric Arnault，係世界首富Bernard Arnault嘅三兒子。

Photo from Lisa IG

Photo from Frédéric Arnault IG

有眼利網民指出Lisa不論係出席時尚活動、飛各國參加BLACKPINK巡迴演唱會，身邊都有Frédéric Arnault嘅身影，認為佢應該唔止係Lisa fans咁簡單，兩人更有可能係戀人嘅關係。

Photo from Lisa IG

家族企業LVMH集團旗下擁多個奢侈品牌，商業帝國超龐大

Frédéric Arnault嘅父親係世界首富Bernard Arnault，家族企業十分龐大。爸爸Bernard Arnault係世界頂級奢侈品公司LVMH集團嘅董事長兼CEO，佢更持有LVMH 51%股份，係絕對大股東。2021年福布斯全球富豪榜中提到Bernard Arnault家族淨資產高達$2,005億美元（約$1.6兆港元）。

Photo from 小紅書

LVMH集團旗下有多個奢侈品牌，包括：LV、Dior、Loewe、Celine、Givenchy、Fendi、Bvlgari、Tiffany & Co.等，化妝品方面亦有Guerlain、BeneFit Cosmetics、Sephora等，有網友整理咗LVMH成個商業帝國，喺奢侈品、化妝品、鐘錶及珠寶等都有所涉獵。

Photo from 小紅書

而三兒子Frédéric Arnault就係瑞士一個奢侈腕錶製造商TAG Heuer嘅CEO，有網友表示Lisa亦係人氣明星，兩人十分合襯，不過官方未有回應兩人嘅緋聞。

Photo from Frédéric Arnault IG

Photo from Lisa IG

Photo from Frédéric Arnault IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

BLACKPINK Rosé男友疑曝光？！結伴睇演唱會、由男方接送返酒店

8 Dec 2022

韓國女團BLACKPINK 4位成員Jennie、Jisoo、Rosé、Lisa全球人氣超高，目前正在開世界巡迴演唱會嘅佢哋十分忙碌，Rosé近日疑被爆戀情？！有指佢同一男子相約睇演唱會，而佢嘅緋聞對象背景更唔簡單。

Photo from Rosé IG

韓國女團BLACKPINK全球人氣超高

2016年出道嘅韓國女子組合BLACKPINK除咗喺韓國擁有超強人氣，全球知名度亦好高。成員Jennie同另一韓國天團BTS成員V（金泰亨）嘅緋聞傳得沸沸揚揚，有唔少親密合照曝光，不過兩人至今都未有回應戀情傳聞。

Photo from Twitter

成員Rosé緋聞男友曝光？！

BLACKPINK另一位成員Rosé最近亦疑似戀情曝光？！早前Rosé被目擊同一位男士結伴睇Dua Lipa演唱會，觀眾席上Rosé一頭金髮相當搶鏡，不過作為全球都有知名度嘅女歌手，Rosé都有戴上口罩保持低調。

Photo from Rosé IG

Photo from Twitter

有fans影到同一男子將Rosé送返酒店，雖然朋友都會互相接送，但落車後男子未有離開而係同埋Rosé一齊進入酒店，因此亦有網民認為Rosé同該男子關係唔簡單。

Photo from IG Newyorkxx6

緋聞男友背景不簡單

隨後該男子身份曝光，佢係線上音樂串流平台「Spotify」嘅高層Jeremy Erlich，事實上BLACKPINK目前係Spotify上關注人數最多嘅女性群體，所以兩人相識完全唔出奇。

Photo from Jeremy Erlich IG

fans反駁Rosé同Jeremy Erlich只係朋友關係

雖然有fans表示Rosé戀愛嘅話會祝福佢哋，但亦有人唔相信Rosé嘅「戀情」係真，因為除咗Rosé、Jennie都認識Jeremy Erlich，佢哋更大方公開擁抱，網民指其實根本就係朋友間嘅禮節，而且睇演唱會當時Rosé都無刻意打扮掩飾身份，有fans認為如果佢真係同Jeremy Erlich拍拖就唔會淨係戴口罩，無懼被其他觀眾認出。