「泰坦號」億萬富翁遇難！繼子繼承遺產，呻苦稱有錢都搵唔到女伴
鐵達尼號觀光潛艇「泰坦號」因為內爆解體，5名乘客全部罹難。其中一位英國富商哈丁（Hamish Harding）嘅繼子Brian Szasz近日就公開表示自己繼承幾百萬遺產，卻大呻仍然搵唔到女伴，佢言論備受批評。
加拿大深海探險公司「海洋之門」(OceanGate Expeditions)嘅潛艇「泰坦號」發生意外，下潛後失蹤引起全球關注，6月22日負責搜救工作嘅美國海岸防衛隊證實喺離鐵達尼號船頭約487米嘅地方發現「碎片場」，相信潛艇已內爆解體。
潛艇內嘅5名乘客亦全部罹難，包括海洋之門公司創辦人Stockton Rush、駕駛員Henry Nargeolet、英國億萬富豪哈丁（Hamish Harding）、及巴裔英籍父子Shahzada Dawood、Suleman Dawood。
其中哈丁係國際飛機經紀公司Action Aviation嘅主席，佢同時亦係一名探險家，曾經參加太空旅行，更持有3項健力氏世界紀錄，包括乘坐雙人潛水艇潛入馬里亞納海溝最深處，創造咗喺全海洋深度下停留嘅最長時間，但可惜佢今次自費參加嘅鐵達尼沉船觀光之旅卻令佢不幸離世。
近日佢嘅繼子Brian Szasz就喺Twitter上表示自己繼承咗幾百萬美元遺產，有網友問佢攞到幾多錢，Brian Szasz回應指：「多過你一世賺到嘅錢」
不過佢聲稱自己即使繼承咗遺產都搵唔到女伴（I just want a girl to hangout with），唔少網民都指佢喺父親去世後淨係識使錢，狠批佢唔尊重逝世嘅父親。
其實今次唔係Brian Szasz第一次引起爭議，喺泰坦號失聯後不久，當時全球都關注緊佢繼父失蹤嘅消息，Brian Szasz就公開發文與一位性感女model調情，直接回應對方「可唔可以坐喺你身上？！」嘅帖文：「Yes please!」令唔少網友不滿，直斥佢唔關心繼父。
雖然佢後來聲稱自己擔心繼父幾日瞓唔著，但佢晒自己去睇演唱會嘅行為則無法令網民相信佢，最後Brian Szasz更要刪文平息眾怒。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
沉船鐵達尼號高清片段曝光 美國勘探公司8K鏡頭紀錄腐化狀況（內附影片）
5 Sep 2022
沉船鐵達尼號高清片段曝光
英國皇家郵輪「鐵達尼號」於1912年撞上冰山後沉沒至今已經有110年，美國一間海底勘探公司海洋之門（OceanGate Expeditions）近年一直拍攝鐵達尼號於海底的情況，更首次發佈8K高解析度的影片。
Photo from OceanGate Expeditions
根據美國《紐約郵報》，海洋之門於8月31日發佈了高清影像，畫面以8K高清呈現這艘滿110年的舊船。從影片中可以清楚看到鏽跡斑駁的船體，以及船頭、左舷錨及錨鍊等。
Photo from OceanGate Expeditions
海洋之門探險隊的潛水員指，在科學家的幫助下，能識別在鐵達尼號附近的生物，考古學家可以更詳細記錄沉船和殘骸的元素。而長期研究鐵達尼號的潛水員戈爾登看過後，表示「我看見了過去幾十年來從未被世人所見過的細節。」
Photo from OceanGate Expeditions
鐵達尼號於1912年從英國南安普敦港橫渡大西洋前往紐約市，並載有2,200名乘客，不過最後不幸撞上冰山後沉沒，只有712名乘客倖存。沉船後直到1985年才被發現，在無數次打撈計劃中，大約數千件物品被展岀。後來鐵達尼號更翻拍成電影《鐵達尼號》，劇情情節感動人心，成為電影界的一代名著！
Photo from OceanGate Expeditions
影片來源：《按此》
更多【生活熱話】請按此
即睇更多人氣文章：
「中國第一懶人」楊鎖23年躺平人生！長期受父母溺愛導致失去自理能力！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
