唔係秘魯馬丘比丘！台灣九份天空之城「十三層遺址」帶大家進入神秘領域…

秘魯馬丘比丘估計係好多人旅遊清單入面既其中一個選項，不過大家唔需要跑到咁遠，其實亞洲都擁有天空之城！位於台灣九份既「十三層遺址」就正正係天空之城＋布達拉宮既亞洲版本。

Photo from saya saya

十三層遺址係日治時期興建既煉銅廠，二戰時曾經比美軍破壞。後來轉折由幾間公司管理，生產線最終係 1985 年停止運作。

Photo from フォートラベル

由唔同角落觀賞十三層遺址，都會發現唔同既感覺。大家可以係平地望上去，會見到一座雄偉既天空之城係自己眼前。或者由小路行上去，近距離親身感受下煉銅廠既神秘色彩。

kayo ichihashi☺︎（@k.a.y.o_18）張貼的相片 於 2016 年 9月 月 27 9:38上午 PDT 張貼

除此之外，十三層遺址既周圍景觀都非常壯觀，大家望落去會見到水湳洞、陰陽海、廢煙道等景色。提一提大家，水湳洞停車場望十三層遺址既角度，係最適合影相同觀賞～

Photo from 台北ナビ

Photo from 台北ナビ

不過，十三層遺址既內部因重金屬污染嚴重而禁止閒人進入，所以大家唔好走入去啊，好危險㗎！

交通資訊
1.　由基隆火車站乘坐基隆客運 891 或者新北市新巴士 F805 ，直到長仁社區站落車
2.　乘坐基隆客運 788 、 826 、 856 、 891 到黃金瀑布站落車，然後步行 750 公尺，約 14 分鐘左右就可以到達目的地