朱千雪首次演講優雅又自信！轉行後發展順利獲網民大讚專業

Digital Editor

朱千雪轉投法律界3年，做大律師之餘又擔任大專法律課程嘅講師。佢近日更首次發表演講，朱千雪一改律師嘅專業look，著上黑色禮服裙，優雅大方得嚟充滿自信，唔少網民都話想睇片跟佢學嘢！

港姐季軍朱千雪雖然淡出咗娛樂圈一段時間，但佢依然十分受網民關注，喺法律界發展咗3年，日前千雪BB更「分身」擔任大專學院「法律行政人員高級文憑（Higher Diploma for Legal Executives）」課程嘅講師，課程主任更大爆佢嘅課程學生出席率超高，而且學生們嘅反應都好好。

繼轉行做大律師同高級文憑課程講師後，朱千雪又有新挑戰，近日佢喺IG分享相片，並以英文留言，分享佢第一次公開演講嘅感想。佢先係感謝大會嘅邀請，令佢可以再次回顧自己選擇嘅道路。

朱千雪表示好多人懷疑自己嘅人生道路係咪正確，但其實每次積累嘅經驗永遠都唔會浪費。雖然可能要等待適合嘅時機，經驗先會發揮作用，但當發生時，一切都係值得嘅。

千雪BB轉行後多以西裝look示人，充滿專業人士嘅感覺，但喺演講當日，佢就著咗黑色連衣裙，造型優雅大方，而且從佢分享嘅相片可見，千雪BB嘅眼神自信又堅定，相信佢都唔後悔轉行呢個決定。

唔少網友大讚朱千雪知性又有氣質，更問佢有無演講嘅影片睇，想跟佢學嘢咁話！亦有好多圈中人都留言同畀like～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

朱千雪獲邀任法律課程講師！出席網上分享會西裝look超有氣質美貌依舊

1 Jun 2023

朱千雪（Tracy）轉投法律界，任職大律師嘅佢更做埋大專法律課程嘅講師！日前佢獲邀出席一個網上分享會，以一身律師look現身嘅千雪BB好有專業人士感覺，佢仲解答咗唔少同學嘅問題添！

Photo from 朱千雪IG

現年34歲嘅朱千雪2019年同圈外男友結婚就漸漸淡出娛樂圈，2020年讀完法律博士學位兼完成一年實習後正式加入律師樓任職大律師，律師樓官網顯示朱千雪喺家庭及婚姻事務、土地等領域擁有豐富經驗。

Photo from 朱千雪IG

轉投法律界後千雪BB甚少再喺幕前出現，但曾以師姐身份出席香港小姐嘅招募活動。朱千雪雖然淡出娛樂圈，但平時仍有更新IG分享個人生活，最近到稅季，朱千雪喺IG晒近照，相中佢一身居家打扮，似乎因為要處理大量文件而煩惱，雖然少喺幕前出現，但千雪BB嘅狀態依然同以前無咩分別。

Photo from 朱千雪IG

任職逾兩年大律師嘅朱千雪原來更兼任大專嘅講師！近日HKU SPACE LAW嘅Facebook專頁就指邀請咗朱千雪出席網上分享會，更提到千雪BB係「法律行政人員高級文憑（Higher Diploma for Legal Executives）」課程嘅講師！

Photo from HKU SPACE LAW

喺直播片段中可見朱千雪當日並未紮起一頭長髮，但著上西裝外套嘅佢散發住成功女士嘅氣場，充滿專業人士嘅感覺！佢亦分享咗喺法律界發展咗3年嘅一啲經歷同心得，佢回憶起第一次上庭好緊張，又大方分享自己曾經被法官鬧。

Photo from HKU SPACE LAW

朱千雪表示對方唔係好嚴厲咁鬧：「又唔係鬧嘅.....提點囉！」佢指因為唔同嘅case都會有強弱，亦未必真係達到法官心目中嘅要求：「但呢個我諗個個都有㗎啦！如果你唔畀人鬧得嘅我諗都未必做到大狀。」佢覺得係小事，最重要係識處理。

Photo from HKU SPACE LAW

喺分享會期間，課程主任就大爆搵靚仔靚女教書有著數，佢表示朱千雪任教嘅課程學生出席率超高，而且學生們都反映好中意朱千雪嘅課堂，聽到好評千雪BB都露出燦爛笑容。課程主任又笑指朱千雪畀分好鬆手，成大半班都有A咁滯，千雪BB聞言即回應：「我諗住下次檢討下。」

Photo from HKU SPACE LAW

朱千雪稱佢依家習慣喺3星期前處理好工作，課程主任即表示：「唔怪得有時間教書喇！」再追問：「咁有無時間拍劇？」朱千雪就搖頭：「無！」睇嚟以後都好難再睇到朱千雪拍劇喇！

Photo from 朱千雪IG

Text: HolidaySmart Editorial

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel