17歲詹天文直言唔知邊個係吳卓羲唔識四大天王及李克勤惹爭議網民:別怪她

By jack on 01 Aug 2023

Digital Content Writer

今年17歲的詹天文參加《星夢傳奇》出身，及後跟炎明熹、鍾柔美及姚焯菲組成女團After Class，今年更推出首支個人派台單曲《沒有你的新學期》，以個人身份正式出道。由於詹天文年紀輕輕，對娛樂圈前輩都不太熟識，因而鬧出不少笑話，近日她出席活動時直言不知道吳卓羲是誰，再次成為熱話！

Photo from 詹天文 IG

出席港台活動被指撞樣星夢師姐菊梓喬

過去詹天文都被指與不少前輩撞樣，參加《星夢傳奇》時，有人指她貌似ViuTV藝人兼網紅米露迪，最近她出席港台音樂會，當日她以中分長髮造型亮相，有人指她的打扮及台風都與星夢師姐Hana菊梓喬非常相似，詹天文表示師姐Hana好靚，所以感覺大家在間接讚她，並希望未來有機會與師姐合唱，被問到她會否怕跟師姐比較，詹天文坦言每個藝人都有不同特色，有信心可做好自己。

Photo from TVB 娛樂新聞台 YouTube

Photo from 菊梓喬 IG

直言不知道吳卓羲是誰鍾情內地小鮮肉王俊凱

其後有記者提到Hana的緋聞男友吳卓羲，並問詹天文的理想對象可會像吳卓羲這類型？詹天文卻直言：「不知道誰是吳卓羲」她補充指自己從小就迷戀內地男團TFBOYS成員王俊凱，讚對方高大靚仔。此言論一出，不少網民議論紛紛，有人力撐詹天文表示:「以佢年齡，唔識吳卓羲絕對正常」、「有咩出奇，我姪女12歲，四大天王撈亂晒，但Mirror 12個就全部講到晒唔同年代有唔同年代追既野啦」、「今次真係別怪她囉」同時亦有人覺得她不尊重前輩「佢都好冇禮貌喎」、「其實佢唔講冇問題佢咁講覺得佢好假」

Photo from TVB 娛樂新聞台 YouTube

Photo from 王俊凱微博

參加比賽獲李克勤任導師詹天文:真係唔識佢

2021年，15歲的詹天文參加TVB歌唱選秀節目《星夢傳奇》，當時節目組邀來李克勤擔任星級首席導師兼主理人，李克勤首次出場時，詹天文即問身邊的炎明熹：「佢係邊個嚟？」事後她接受節目組訪問坦言：「真係唔識佢，當佢自我介紹之後，我先知呢個人係邊個。」節目出街後即引起網民熱論，有人質疑她對香港樂壇前輩認識不夠，誠意欠奉，無心在此行業發展:「呢班人會唔會離譜咗少少，中學音樂堂都要唱紅日啦」、「不用你熟識，但應該要知道」

Photo from 《聲夢傳奇》

不認識郭富城及古天樂被網民批評離地

《聲夢傳奇》中有不少14、15歲的年輕參賽者，節目開播後話題不斷，當時TVB旗下網台《See See TVB》邀請一眾參賽者大玩認人挑戰，會長示一張藝人照片，然後參賽者要鬥快答出該藝人的全名，問題中不乏一線歌手及演員，第一題工作人員拿出郭富城的照片，大部分參賽者都知道答案，但詹天文卻答示出來，只讚對方好靚仔，有人提示指他姓郭，詹天文卻回答：「郭浩」，令人無奈。接著是古天樂的照片，詹天文則問：「呢個係咪四大天之一？」許多網民都大感震驚，更批評這班參賽者離地及井底之蛙，叫他們多聽廣東話溫習。

Photo from See Saw 先 YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

炎明熹有意北上讀大學！登內地春晚唔去台慶，TVB急捧聲夢2冠軍任暟晴？！

5 Jan 2023

炎明熹（Gigi）奪《聲夢傳奇》冠軍後即備受TVB力捧，更獲安排參加《聲生不息》並於內地人氣急升。近日Gigi忙於準備廣東春晚嘅表演，有指將缺席萬千星輝頒獎典禮，佢更透露有意喺內地升學，連讀咩科都考慮埋！加上日前姚焯菲（Chantel）亦表示會到新西蘭留學，After Class恐要「解散」？！

Photo from 炎明熹微博

Gigi炎明熹奪《聲夢傳奇》冠軍後北上發展

現年17歲嘅Gigi炎明熹以大熱姿態奪得《聲夢傳奇》三料冠軍，僅2個月即以《真話的清高》出道，之後佢又同聲夢學員姚焯菲、鍾柔美、詹天文組成組合「After Class」活動，出道一年Gigi獲「叱咤樂壇新力軍女歌手銀獎」，成績唔錯。

Photo from 炎明熹微博

2022年炎明熹獲TVB安排參加內地節目《聲生不息》，隨即喺內地人氣急升，曾登上熱搜榜一位，微博粉絲數亦增加唔少。最近Gigi獲邀登上《2023灣區春晚》，佢連日嚟亦為表演作準備。雖然Gigi身處內地，但佢嘅微博卻顯示喺印度，唔通係工作人員幫手post，或者用咗VPN？！

Photo from 炎明熹微博

Photo from 廣東新聞

Photo from 炎明熹微博

登廣東春晚或缺席TVB萬千星輝頒獎典禮

有指Gigi係今年萬千星輝頒獎典禮「飛躍進步女藝員」大熱人選，但佢身在內地要為春晚綵排，或將缺席頒獎禮，不過TVB已作安排，若Gigi得獎將以連線方式分享得獎感受。Gigi喺內地工作越嚟越多，佢近日喺內地受訪時更透露有意北上讀大學。

Photo from 炎明熹微博

炎明熹透露有意喺內地升讀大學，姚焯菲將到新西蘭留學

佢表示自己依家讀中六，開始準備讀大學嘅事，其中廣東嘅大學佢都有考慮，但Gigi未有分享佢有意報讀嘅大學名字，反而大賣關子叫記者估下！Gigi指佢打算讀時裝設計或者係音樂，讀時裝設計係想日後可以喺台上著上自己設計嘅服飾，或者平時襯衫都有幫助；而讀音樂則係為多掌握音樂上嘅知識。

Photo from 微博

早前Chantel姚焯菲亦表示或於年內到新西蘭留學，「After Class」2大成員或將先後離開香港，組合恐面臨「解散」？！fans可能要等一段時間先能聽到齊人嘅After Class再出新歌。

Photo from 姚焯菲IG

Photo from 炎明熹微博

TVB力捧《聲夢傳奇2》冠軍任暟晴

其實喺2022年TVB已極速播出《聲夢傳奇2》，總冠軍任暟晴（Jasmine）亦年僅16歲，Jasmine喺參賽期間獲封「Chantel 2.0」，奪冠僅一個月就正式出道，出道作更係由Eric Kwok同陳奐仁親自製作，出歌速度仲快過師姐炎明熹，之後又喺《歡樂滿東華2022》同曾比特合唱，備受力捧！