Ash拍靈探節目俾193狂寸 傳鬼魂專襲擊不忠者 193:1個鐘掐你1次
25歲的鍾卓穎(Ash)前年參加《全民造星IV》彈出，不過比賽期間她被爆隱瞞已婚身份，後來又被拍到與張天賦(MC)平安夜逛超市，鬧出全城關注的派綠帽事件，Ash形象插水。幸好她仍獲ViuTV賞識簽約成旗下藝人，在不同節目頻頻曝光。最近她與193主持靈探節目，到訪一間猛鬼酒吧，相傳這裡的鬼魂專襲擊感情不忠者，Ash被193狂寸顯得非常尷尬，事件引起網民熱議。
Photo from 《撞鬼自駕遊》
兩人去猛鬼酒吧留宿 曾有客人被鬼魂掐頸
近期ViuTV熱播的節目《撞鬼自駕遊》由Ash顆拍193到英國取景拍攝，以自駕遊方式到當地各個猛鬼熱點進行靈探。上星期播出的一集中，兩人去了一間約克猛鬼酒吧，據說該酒吧前身是有600年歷史的舊宅，過去發生了不少靈異事件，現變成酒吧，不過二樓仍有房間出租讓客人留宿，導遊表示據傳有人在這裡曾被鬼魂掐頸及扯頭，而193與Ash要在這裡完成探靈挑戰及留宿一晚。
Photo from 《撞鬼自駕遊》
相傳鬼魂專襲擊感情不忠者 193指Ash會不停被掐頸
其後導遊表示據遠古流傳下來的說法，鬼魂專門會襲擊對愛情不忠的人，193聞言偷偷用手指向Ash，向觀眾解釋：「如果你係...即係你對愛情不忠貞，有內疚的話，就大機會俾鬼掐頸。」Ash先問193：「你對感情有冇內疚？」193表示有，再反問對方，Ash顯得一臉尷尬，回應：「有呀有呀有呀...」193續指：「你有好多內疚添喎」Ash無奈表示今晚大家一齊被掐頸吧，193失笑一下再補充：「我肯定你今晚被掐頸都唔出聲，一個鐘掐一次呀可能，跟住扮冇呀聽朝。」之後Ash苦笑打圓場：「咩一個鐘一次，鬧鐘呀」
Photo from 《撞鬼自駕遊》
Photo from 《撞鬼自駕遊》
Photo from 《撞鬼自駕遊》
二人大玩鉛筆通靈 Ash對鏡梳頭唱歌好心寒
其後節目組要求兩人用6支鉛筆以名為「Charlie, Charlie」的方式通靈，若鉛筆向上升即代表是，向下則否，兩人先問是非題確認房間靈體的性別及數量，之後193表示想問靈體自己今晚會否被掐頸，但最後因太驚不敢問出口，Ash則自告奮勇：「咁我問啦，我想問我今晚會唔會有事？」鉛筆即向上升，隨後Ash感到不安，兩人終止通靈，Ash突然感到不適，有點呼吸困難，不過節目組表示仍有最後一個鏡頭要在Ash房間拍攝，他們要求Ash對鏡一邊梳頭一邊唱歌，更在鏡邊點起4枝蠟燭，Ash即硬着頭皮完成拍攝，唱完歌後把蠟燭吹熄，場面令人心寒。
Photo from 《撞鬼自駕遊》
Photo from 《撞鬼自駕遊》
離婚風波形象插水 仍獲ViuTV力捧惹網民不滿
Ash前年經歷離婚風波後形象插水，不過仍獲ViuTV器重，獲機會擔任不同節目，單是今年在10個節目中亮相，包括《養生一族》、《Chill Club》、《撞名撞城遊一番》、《我想身體健康》、《撞鬼自駕遊》及《全星暑假：P1X3L 5G上台計劃》等，當中不少更是擔任長駐主持。不過此舉亦引起網民不滿，更表示要擺睇Ash的節目：「全部有ash嘅節目都無睇」、「好想睇33但又有ash直接唔睇了」、「有ash不了」
Photo from Ash IG
Photo from Ash IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
Ash鍾卓穎神隱18日「復出」試水溫？Sica留言力撐竟掀罵戰！
21 Jan 2022
Ash與MC張天賦傳緋聞，前夫龍龍爆離婚真相
Ash雖然喺《全民造星4》60強就被淘汰，但人氣仍然高企，IG followers數更直逼冠軍Marf，廣告亦接唔少，有望繼續喺演藝圈發展。
佢更參演2021年新人王MC張天賦嘅MV，前途本來一片光明，點知佢老公龍龍發文證實已經同Ash離婚，仲有網民影到Ash平安夜當日同MC行街，傳出緋聞。
之後Ash前夫龍龍再開live表示簽咗保密協議，Ash更出錢買機票要佢離開香港盡快飛返台灣，一連串風波令Ash「天使」形象大受打擊。
Ash簽約ViuTV，近日晒相疑為「復出」鋪路
緋聞傳出後Ash從未正式回應，IG自2022年1月2日以後就無再更新，一直「低調」嘅佢被發現喺IG個人簡介透露已簽約做ViuTV藝人，有望喺樂壇發展。
「神隱」超過2星期嘅Ash終於喺IG po相，佢大晒同狗狗嘅合照：「單純嘅陪伴最珍貴 你係我最珍貴嘅芝麻」，有網民猜測佢為「復出」試水溫。
Sica留言力撐掀網民罵戰
而呢個post亦有唔少《全民造星4》參加者留言，其中更包括同樣已簽約ViuTV嘅Sica（何洛瑤）力撐：「禾得兩隻腳不過我點都喺度✌?」
不過有網民回覆Sica：「感覺你比『佢』單純好多， 小心比人利用都唔知」，隨即被其他人鬧爆：「主席（Sica）想同咩人做朋友都係佢自由」，叫佢要慎言，批評Sica身邊嘅人，反而會令Sica更唔開心。
網友唔接受Ash：「想扮無事發生？」
其實Ash呢個新post嘅留言有唔少網民支持，但另一方亦有大批網友繼續批評：「唔係唔回應又諗住過到骨嘛？」、「扮有愛心試水溫， 黑歷史浮哂上面仲要繼續扮純情，何必呢？」
有網民則指好多支持Ash嘅IG account都係假ac嚟，又稱Ash會刪除負面評論。其實喺出新post之前Ash都有更新IG Story，其中更分享金句「如果冇呢啲經歷又點會成就到今日嘅你呀」，似乎將離婚風波視為可以令佢成長山嘅經歷。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
