蔡嘉欣大手買入Hermès狗窩！自認拜金，狂晒各種名牌手袋

娛樂新聞

By Jennifer on 07 Aug 2023

Digital Editor

落選港姐蔡嘉欣日前宣佈同金融才俊男友Derek結婚，一向鍾情名牌嘅佢近日更豪花5位數字買入Hermès狗窩畀愛犬，佢分享開箱片，並表示：「近期的hermes購物最有趣之一是狗窩」，掀起網民熱議。

蔡嘉欣將與圈外男友Derek結婚

落選港姐蔡嘉欣早前宣佈與拍拖7年嘅圈外男友Derek結婚，喺入行前蔡嘉欣已經係一名KOL，於社交網站有唔少followers，同時佢嘅副業發展亦相當順利，曾經喺IG Story豪晒$40萬現金，更因此被指「炫富」。

蔡嘉欣大晒價值5位數Hermès狗窩

不過蔡嘉欣一於少理，仍然經常喺IG、YouTube分享買名牌嘅心得。近日佢喺小紅書就分享一條開箱片，原來佢為家中嘅愛犬買咗個Hermès狗窩，大型橙色盒引起網民關注。

蔡嘉欣表示：「近期的hermes購物最有趣之一是狗窩...跟我家裡色調意外地匹配。本來覺得會不會太大，意外地剛剛好?雖然我未來老公看見這個巨大的盒子送貨來家居有被驚訝掉???」，留言有網民問狗窩價錢，蔡嘉欣指：「15xxx hkd」

愛巢曝光坐擁180度海景？！

片中可見狗狗對新狗竇十分滿意，另外亦曝光咗蔡嘉欣同未婚夫愛巢嘅內部裝修，最引人關注嘅係背景中嘅窗台，雖然拉咗窗簾，但都睇得出係180度無敵海景！一向鍾情名牌蔡嘉欣亦有喺小紅書分享新買嘅Hermès戒指，其中一款售價超過HKD$7萬！

之前佢就經常喺網上晒名牌袋，近年Hermès袋嘅比例明顯上升，除咗手袋佢亦開始分享其他Hermès嘅產品。之前佢就同陳詩欣一齊拍片分享自己嘅Hermès手袋，更自封係「拜金組合」，無懼被指炫富！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

蔡嘉欣韓國慶生近照被指整過？二度回應網民仍唔buy：好明顯唔同咗樣！

10 May 2023

現年29歲嘅落選港姐蔡嘉欣日前飛韓國慶祝生日，分享多張美照，但卻被指個樣唔同咗，雖然兩度回應，但網民依然唔buy，更認為佢去咗韓國「微調」。

Photo from 蔡嘉欣 IG

出道以來是非未停過！

現年29歲嘅蔡嘉欣(Kayan)係2019年港姐出身，喺出道前已經係一位KOL，YouTube頻道上有唔少followers，但參選至今仍有唔少是非。蔡嘉欣參選港姐時，被發現網店用淘寶貨。去年拍片sell產品更疑似「自製黑眼圈」，被批侮辱網民智慧。近日，蔡嘉欣為慶祝男友生日，兩人到酒店Staycation，但影片卻疑似令男友走光。蔡嘉欣回應媒體時表示係網民睇錯，但未有正面回應男友有冇用毛巾遮擋下半身，以工作迴避問題。

Photo from 蔡嘉欣 IG

認拜金直接晒名牌

此外，出道前已經係KOL嘅蔡嘉欣，社交平台上不時分享奢華生活，大多為旅行相，更曾晒出40萬現金、名牌手袋收納櫃等惹怒網民，而被批炫富、拜金，早前蔡嘉欣更利用熱度，喺YouTube同《姐妹淘》嘅好姐妹陳詩欣（Eunice）拍片分享Hermès手袋，二人仲自稱係「拜金組合」。

Photo from kayan c YouTube

Photo from 蔡嘉欣 IG

近照唔同咗樣？

近日踏入29歲嘅蔡嘉欣，到韓國慶祝生日，並上傳與男友合照，但卻被網民指個樣唔同咗，雖然蔡嘉欣事後解釋指因：「琴晚凌晨2點食左成碗酸辣粉所以今朝起身腫左一個圈」，但網民似乎唔buy：「好明顯個樣唔同咗」、「係咪去左韓國執過黎」、「完全唔同哂樣」，更有網民直斥：「係當大家冇食過碗酸辣粉定當大家白痴」。蔡嘉欣其後再回覆網民指：「大家咩事咁認真？如果唔信係唔緊要你可以當我d皮膚能屈能伸都ok」，但帖文下方仍出現唔少質疑聲音。