布志綸：「崎嶇與平坦，我會選擇崎嶇。」一個音樂人又有甚麽好得過用音樂去道出心聲

By Charlotte on 12 Sep 2017

Editor

布志綸（Alan）! Alan 初出度時, 第一次聽到佢嘅歌聲都會誤以為佢係陳奕迅。Alan 自告別樂隊Mr身份，選擇個人發展！呢幾年，喺音樂路上每行一步都並唔容易，亦都受過唔少批評，但佢決定用行動同態度證明自己，而作為一個音樂人，又有甚麽好得過用音樂去道出心聲呢？

Photo from Presslogic

1.不平坦的路，才令人進步
「如果崎嶇與平坦，我會選擇崎嶇。」一般人聽到布志綸呢番話，可能會覺得有點詫異，因為取易不取難，幾乎係每個人嘅金科玉律，但佢認為平坦嘅路會使人驕傲，不思進取，所以佢寧願走崎嶇嘅路，逼使自己一路進步。堅持自己態度，在音樂路上，不停下，相信自己，這就是布志綸嘅故事。

Photo from Presslogic

2.布志綸最心底的故事
告別樂隊身份，布志綸（Alan）拿出最「心底裏」嘅自己再次同樂迷見面，少左別人嘅摻雜，新歌《人在野》就喺度細說布志綸呢些年來嘅故事。老實講，布志綸呢幾年，喺音樂路上每行一步都並唔容易，亦都受過唔少批評，但佢決定用行動和態度證明自己，而作為一個音樂人，又有甚麽好得過用音樂去道出心聲呢？「泥石路挽手，沿瀑布浪遊」呢兩句節錄於《人在野》嘅歌詞或許就係說明左Alan 嘅態度，看見泥石路，不是繞路走，而是與知音人一起走過去，悠然自得。

Photo from Presslogic

3.音樂路上的夥伴
陪伴布志綸走過泥濘路嘅其中一名拍擋就係今天同佢一齊黎接受訪問嘅結他。呢支結他原本屬於Alan嘅朋友，但後來轉贈俾Alan，支結他陪伴住Alan唔少日子。Alan手上嘅結他，係知名結他品牌Martin嘅出品，Martin出產嘅結他最大特色在於聲音渾厚，同布志綸充滿磁性的聲音非常「夾」。不過布志綸認為呢支結他並未完美，皆因結他線與指板（fret）嘅距離太遠，令彈起上來的時後非常「難㩒」，由其係彈 Barre Chord 的時侯，所以要搵人再「set up」，大家又睇睇會唔知係「威E」那裏或其他專營結他保養嘅地方看見Alan。

Photo from Presslogic

4.成為父親，更要做好布志綸
除左結他，支持布志綸一直走下去嘅仲有佢嘅囝囝。布志綸表示，以前從來沒有想像過自己會成為一名父親，因爲佢覺得養育兒女係非常認真嘅課題，自己嘅生活態度亦都可能需要改變，再唔可以同朋友通宵達旦，無拘無束，責任頗為重大。但當囝囝出生後，卻給予布志綸好大的動力，因為作為一個父親一定要做好榜樣，讓囝囝睇到，對人同事應有的態度。的以且確，身教比說教來得有說服力。引用布志綸的說法「因爲兒子，我更加要做好布志綸這個角色。」

Photo from Presslogic

5.從音樂再出發
布志綸的新歌《人在野》由佢同C.Y.Kong 一齊譜曲，也親身同Gary Tong 聯手監製，而製作算得上誠意十足，灌錄左唔少真樂器作「編曲底」。好似呢首曲嘅弦樂部份，沒有為左節省成本而用上虛擬樂器（Virtual Instrument），反而搵左廣州交響樂團嘅樂手灌錄。你可能唔認同甚至唔喜歡布志綸，但試試還原基本步，聽一下呢位「獨立」布志綸嘅音樂，再下判斷。感受一個歌手，應該從佢嘅音樂去感受，如果聽完，覺得很差勁，唔緊要，至少你係真的不喜歡，而不是被那些 “樂評人” 影響。