老高被爆抄襲出新片「談談最近的那件事」！數據反映風波造成影響

By Jennifer on 09 Aug 2023

Digital Editor

YouTuber老高同老婆小茉講故事形式嘅影片大受歡迎，擁有逾500萬subscribers。不過近日佢就被另一YouTuber「藍泉媽媽」指抄襲日本影片，老高連環出兩聲明否認抄襲，近日佢喺頻道上傳會員專享嘅新影片「談談最近的那件事」，掀起網民關注。

老高被指抄襲日本YouTuber

「老高與小茉」喺YouTube界有唔少fans，至今已有超過580萬人訂閱呢個頻道。「老高與小茉」主要係老高同太太小茉出鏡，老高曾表示自己開頻道嘅目的主要係為咗講故事畀老婆小茉聽，但估唔到會咁受網友歡迎。

老高之前嘅影片曾被指出有資料錯誤嘅問題，但依然有好多fans支持，日前YouTuber「藍泉媽媽」卻指老高嘅影片其實都係抄襲日本嘅影片，直斥對方只不過係翻譯外國YouTube嘅影片。

老高連續發佈2篇聲明否認抄襲

老高之後連續發佈2篇聲明否認抄襲，喺「最終回應」一文中老高表示：「如果任何人認為，他對這個公共內容有著作權或者所有權可以要求我刪除影片。你們沒有相關權利就不能要求我刪除影片或者標註源，只有真正的源可以要求我標註源，而且我從來沒有說自己是源。」

不過之後老高就編輯咗聲明內容：「你們說的日本影片全文2000多字，我的影片全文將近7000字，足比它長一倍以上。」又反擊「藍泉媽媽」，指對方蹭流量：「從5個月前就開始惡意攻擊蹭流量，標題裡面都是我們的名字，把我們和各種莫名其妙的事情聯繫在一起，無所不用其極，你們覺得這是什麼行為呢？」但最終老高將兩篇聲明刪除。

老高新片「談談最近的那件事」

連日「抄襲風波」引起網民熱議，近日老高喺會員專享上傳新影片「談談最近的那件事」，由於佢曾喺聲明中提到：「關於這個話題我們以後專門做影片講解。」因此唔少網民以為佢新片係回應抄襲事件，但有係頻道會員嘅網友卻表示老高新片其實係講緊近日轟動日本嘅案件。

老高影片dislike數上升？！

有人認為老高故意改呢個標題吸引人點擊觀看影片，但老高之前修改聲明就表示：「算了，我也不能再被這種破事牽扯精力了。」所以有人認為佢唔會再回應呢件事。事實上「抄襲風波」後，老高嘅頻道subscribers未見減少，似乎對佢影響唔大，不過根據佢YouTube嘅影片嚟睇，最新一條片dislike明顯增加不少。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

百萬訂閱YouTuber馬田宣布逐步淡出，解構收益考量／改變影片模式：唔想企喺度等死！

30 Dec 2022

YouTuber馬田創立烹飪頻道「點Cook Guide」8年，訂閱人數達110萬，超越笑波子及大J。近日的一條問答影片中，他大談現時心態及拍片嘅現實考慮，並指自己正籌備下年開餐廳，並將淡出YouTube。

Photo from YouTube @點 Cook Guide

百萬訂閱宣布淡出？

唔少觀眾都好關心馬田會否「收山」，馬田就表示自己經營YouTube第8年，他認為：「要呈現嘅嘢，或者有乜嘢係可以帶出嚟，其實都差唔多。」如出書、旅行拍片、電視節目，亦達到如十萬、百萬訂閱嘅目標，「基本上所有嘅嘢我都做過晒，我就發現淨係差一樣嘢（而）我成日講嘅、從來未實現過嘅就係喺商業上嘅東西」，佢宣布「今年就會準備進入開餐廳嘅部分，所以2023年大家期待吓！」馬田表示自己會逐步減少影片產出，現時會保持一星期3條片上載，兩年後可能改為一個月1條片或更少。另外，馬田嘅火鍋網店「牛旨商店」創辦2年，佢表示自己從中累積唔少經驗，而下年會係重要嘅一年。

Photo from YouTube @點 Cook Guide

客觀環境唔適合繼續做YouTube

馬田認為自己唔係好介意實際賺到嘅錢，而佢嘅個人目標只有「成為更好嘅人」，加上現時嘅客觀環境：「只有鬥假、講嘢各樣⋯⋯呢個咁嘅模式只會令我變成更差嘅人，所以就唔應該繼續落去」、「你為咗保住而家有嘅嘢，唔夠膽反抗講」、「咁樣做落去有咩益處呢？咁樣做落去除咗金錢你仲有啲咩呢？」雖然關心影片觀看率，但馬田表示，唔會為哄觀眾、下月租金、生活素質等，而「乞求大家嘅view數」。

Photo from YouTube @點 Cook Guide

解構YouTube收益考量

根據網站「NoxInfluencer」推算，馬田的頻道「點Cook Guide」月入高達6萬多元，每條影片潛在合作收益有1.6萬元。今次嘅影片中，有人問「拍YouTube係咪真係可以賺到錢」，馬田指：「睇你想拍咩，好似我咁應該係（收入）正數嘅，不過如座針氈」，佢認為拍片需要考慮穩定性、前景、是否合法等因素，最後再諗能否賺錢。而現時經營所需要考慮嘅因素亦有所增加，如接廣告前要考慮該公司過往業績、形象，最終嘅選擇就會變得好少，因此「如果嗰個月無（接到工作），基本上你就赤字㗎喇，Keep住呢個瀨嘢嘅漩渦我諗起碼有大半年」。

Photo from YouTube @點 Cook Guide

改變影片模式：唔想企喺度等死

講到拍片模式，馬田表示自己無固定模式：「我都係跟個發展，睇吓點樣唔使死。」他形容：「其實係洪水咁衝埋嚟」，揀咗其中一個方向嘅人可能會被淹沒。另有人提到馬田近日「拍打直嘅片」，馬田認為現時拍片上載到YouTube「係天翻地覆級別嘅改變嚟，所以我諗應該唔止我一個喺度摸索緊究竟應該點樣做好啲，可能你會覺得唔係好咗」，而佢選擇咗一條唔確定嘅發展方向，馬田笑指：「我唔想做企喺度等死嗰個，就係咁簡單。」