日本關西機場推免費行李回收服務！隨意棄喼原來違法？！

去旅行有時都會買爆喼，有部分旅客會選擇買個大啲嘅喼換走個舊喼。關西機場設有免費行李回收服務，旅客可以將唔要嘅行李箱交畀機場幫手處理，因為如果將行李喼隨便扔喺街其實係違法！

關西機場供「行李箱回收再利用服務」，可以免費回收無法托運或無法使用嘅行李箱，旅客只要出示機票同護照，並喺所有權放棄書上簽名，就可以將唔要嘅行李喼交畀機場處理。

即睇更多人氣文章：
日本外國遊客消費排行榜！香港人以916億円排第五、中國只得第三名！
港女搭的士遺失iPhone，司機勁可疑！重遇同一架車，後續發展峰迴路轉

回收櫃檯地點位於關西國際機場第1航站樓2樓嘅問詢櫃檯，24小時開放。

大家唔好將行李喼留喺酒店等人酒店嘅工作人員處理，又或者就咁扔喺街上，因為日本嘅垃圾分類好嚴格，直徑超過30cm都屬大型垃圾，亂放街上係違法行為。

行李箱回收再利用服務
回收櫃檯地點：關西國際機場 第1航站樓 2樓 問詢櫃檯
服務時間：24小時

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

機管局首推「上門行李託運」！10分鐘即可在家check-in，僅限一間航空公司

24 Jul 2023

有時搭飛機要早啲出門口，因為要預返時間託運行李，如果行李多嘅話仲麻煩。近日香港機管局就推出咗「上門行李託運服務」，喺屋企就可以行李託運，直接喺目的地攞返行李，超方便！

Photo from 《大叔的愛》劇照

香港機管局首推「上門行李託運」服務

重到旅遊旺季，機場都會有好多外出旅遊嘅人，check-in託運行李要預多啲時間，一家大細出行帶住大喼細喼咁，分分鐘要早4、5個鐘出門口！雖然現時可以網上預辦登機，但就算唔去機場託運行李，都只能到指定地點—香港西九龍站託運，一樣要排隊。

Photo from 《太陽的後裔》劇照

Photo from 《我可能不會愛你》劇照

最近香港機管局首推「上門行李託運」服務，喺屋企就可以完成check-in手續，全程約10分鐘左右，十分方便。地點由旅客自選，可以揀喺屋企、或者辦公室都得。

Photo from 《你是我的命中注定》劇照

Photo from TVB

在家check-in，全程約10分鐘

託運完行李後去到機場就可以直接過關入禁區，到咗目的地再拎返行李，慳返好多時間，唔使「趕頭趕命」。目前「上門行李託運」服務覆蓋範圍除咗大嶼山（東涌除外）、馬灣、愉景灣、離島及禁區範圍外已覆蓋全香港。

Photo from TVB

即睇更多人氣文章：
港男返工與同事零交流，自己一人食飯！網友：最怕一齊行去搭車
2023年全球最強護照排名出爐 新加坡榮贏日本登榜首 香港排XX位

Photo from 《輪到你了劇場版》劇照

有關服務由順豐速運負責，最早可以喺航班起飛前14日或最遲於航班起飛前12小時預約服務，每日收取行李時間為8:00～21:00，最遲收取行李時間為航班起飛前5小時。

Photo from TVB

Photo from TVB

僅限一間航空公司，上門行李託運收費公開

暫時只有乘搭國泰航空嘅旅客先可以享用上門託運行李服務，不過機管局表示之後會同其他航空公司合作。收費方面，首件行李將收取$370港元，第二件起每件行李則會收取$180港元。每件行李不可超過30kg，旅客可以實時追蹤行李位置。

Photo from 香港國際機場

Photo from SF Express

其實機管局仲有行李送遞服務，去旅行shopping多咗行李就可以用呢個服務，有專人將行李從機場直接送到香港嘅住所或者酒店。

Photo from 香港國際機場

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）