張文慈現身TVB拍劇被指係亞視人，勞氣反擊掀網民熱議

現年51歲嘅張文慈近嚟積極開拓內地市場，喺抖音拍咗唔少影片，近日佢就現身TVB電視城試造型，又預告會拍新劇。不過有內地網民驚訝：「你不是ATV嗎？」張文慈即「勞氣」回應。

張文慈1996年參選亞洲小姐競選後入行，多年嚟都喺亞視發展，拍攝咗多套經典電視劇，包括：《肥貓正傳》、《縱橫四海》、《我和殭屍有個約會》系列等。

不過佢2010年約滿後離巢，佢近年喺抖音帳號發佈咗唔少影片，現時已有近100萬粉絲，影片嘅類型十分多元化，最近佢就拍咗一條TVB位於將軍澳電視城嘅vlog。

影片一開頭張文慈就話好耐無返TVB，表示今次係過嚟試造型嘅，對於新劇角色佢就保密，之後佢去咗TVB嘅canteen，張文慈指佢喺TVB去得最多嘅地方就係canteen，大讚TVB嘅奶茶好飲。

即睇更多人氣文章：
日本外國遊客消費排行榜！香港人以916億円排第五、中國只得第三名！
港女搭的士遺失iPhone，司機勁可疑！重遇同一架車，後續發展峰迴路轉

雖然張文慈無透露自己會拍咩新劇，但佢表示：「我今次嘅對手就好靚仔！」然後就晒出一張合照，睇嚟兩人喺新劇應該有唔少對手戲！

留言就有唔少網友「好奇」指佢明明係亞視藝人，點解會拍TVB嘅劇集：「你唔係ATV的嗎？」、「你不是atv的嗎？甚麼時候過了tvb的？」張文慈無奈回覆：「有冇攪錯！幾個世紀之前的事啦！戲都拍了好幾部」，不過佢用咗唔少表情符號，相信只係同網民友好互動啫～

其實張文慈2016年已經簽約TVB，亦拍攝過《宮心計2深宮計》、《跳躍生命線》、《木棘証人》等多部電視劇，但可能內地網民無咩點留意先會誤會佢仲喺ATV。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

《跳躍生命線》張文慈演技大爆發 由心而發委屈落淚 惹人同情

31 Oct 2018

無綫《跳躍生命線》自開播以嚟，獲得唔少好評。最新一集亮點就落喺張文慈（Pinky）身上！飾演「麥在田」馬德鐘家姐「麥愛花」、做KOL嘅佢為咗出位咩都做，危坐「春嬌橋」影相打卡，引嚟途人圍觀兼報警！

Photo from 《跳躍生命線》

之後馬德鐘無意間發現佢影咗輯性感床照，質問佢點解影啲咁嘅相時，Pinky含住泡眼淚，鬥氣反駁話「我為青春留倩影！我為人氣、為hit rate」、「我唔做啲嘢會畀人淘汰㗎！」

Photo from 《跳躍生命線》

雖然啲淚水啷吓啷吓，但講對白時依然非常流暢又自然！

Photo from 《跳躍生命線》

Photo from 《跳躍生命線》

Photo from 《跳躍生命線》

馬德鐘越講越激氣，話：「你有冇尊嚴咖？你對唔對得住啊爸啊媽？！」戳中張文慈嘅死穴，終於崩潰。雖然淚流滿面，但堅持冇喊到失聲，仲霸氣嗌走佬，喊戲好有層次，有晒感情起伏，網民都大讚做得好好。

Photo from 《跳躍生命線》

Photo from 《跳躍生命線》

原來係因為佢識咗個賤男，初時兩情相悅，被人影裸照。後來覺得性格不合分手。點知就被對方拎住啲相威脅！為咗先發制人，就自己影一輯性感床照，「寧願畀人話我賣弄性感，都好過畀人話我私生活唔檢點。」

Photo from 《跳躍生命線》

Photo from 《跳躍生命線》

Photo from 《跳躍生命線》

自從亞視「關燈」之後，張文慈就過咗檔去TVB，演出機會唔算多。今次呢個角色希望可以成功入屋啦～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）