內地網民熱議香港地鐵7大隱藏規則！呢樣被指唔夠人性化？！

時事熱話

By Jennifer on 18 Aug 2023

Digital Editor

自開關後每日都有唔少內地遊客來港，網上亦出現大量「遊港攻略」。內地遊客來港多數都會搭交通工具，最近有網民就總結咗喺香港搭港鐵嘅7大規則，並呼籲其他遊客入鄉隨俗遵守規則。其中包括唔好挨住條柱企、盡量唔坐關愛座等。

1. 唔好挨柱

港鐵車廂有唔少扶手供乘客扶住，以免開車、停車時會東歪西倒。內地網民指出唔應該將身體挨住扶手，阻礙到其他人扶住，係無公德心嘅行為。

Photo from 小紅書

2. 盡量唔坐關愛座

「關愛座」本來設計係讓有需要人士優先乘坐，但近年有關關愛座嘅爭議漸漸變多，依家即使車廂有空出嘅關愛座，唔少人都寧願企都唔會坐關愛座。有內地網民就指內地文化不同，好少見到車廂有位都無人坐。

Photo from MTR

3. 人與人保持距離

內地網民提到每到返工時間，地鐵人流量達高峰，好多人趕返工會迫入車廂。但香港人比較重視空間感，所以唔好迫到身貼身，盡量保持距離。有內地網民稱香港人數量較少，所以上車唔會迫得太誇張，但有人反駁時返工時間金鐘等港鐵站人流量亦十分驚人，但因為港鐵班次較密，大家唔會夾硬迫上車，會選擇等下一班車。

Photo from 《Blackdog》劇照

4. 電梯左行右企

內地網民提到香港有一個潛規則就係電梯都會留返左邊畀其他人行，有人指內地官方提倡唔好喺電梯行走，以免發生危險，同香港「左行右企」嘅情況有所不同。其實港鐵同樣唔建議乘客喺電梯上行，不過仍有唔少趕時間嘅人會選擇喺電梯左邊上落。

Photo from 小紅書

Photo from MTR

5. 先落後上

內地嘅地鐵有啲係「左落右上」或「右落左上」，所以可以同時上落車，而香港係「中間落、兩邊上」，先讓到站嘅乘客落車，之後先上車，所以內地網民提醒如果車門一開就上車可能會引起落車嘅乘客不滿。

Photo from 小紅書

6. 唔好超坐

車廂嘅座位其實係有固定人數，就算有空間都唔好超坐，有內地網友表示內地人搭地鐵見到有空位就會衝去坐，但呢個行為喺香港就可能會畀人鬧。

Photo from 小紅書

7. 月台及車廂間不準飲食

有網友就指出曾喺車廂飲水被人話，網民提醒港鐵車廂內係不準飲食，有內地網友表示唔準飲飲料可以理解，但水都唔畀飲就有啲嚴格。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

內地女發文列6大香港獨特文化愛孭背囊/講嘢細聲網民反駁:大驚小怪

11 Aug 2023

由於港人與內地人的生活習慣及成長背景都大有不同，文化差異一直存在。近日一位經常中港兩地走的網民發文列出6大香港奇怪文化，如普遍港人走路很快、香港地鐵及商場冷氣太凍等，貼文一出即引起網民熱論，有人認同她的看法，亦有人指事主大驚小怪，叫她先管好自己，不要對別人的生活指指點點。

Photo from 小紅書

女網友撰長文列舉6大香港古怪現象

事源本月初一位女網民在小紅書撰長文，題目為「有人到了香港，總結香港有六大怪」，文中附上一張在尖沙咀街頭拍下的照片，其內容主要是分享在她眼中關於香港及港人的6大古怪現象。

Photo from 小紅書

1.人人都孭背囊

她指港人無論男女老幼，每日出門都會孭背囊，但不知背包裡裝些什麼。

2.喜愛跟伴侶拖手行街

就她觀察所見，香港的情侶和夫妻不管老嫩都喜歡在街上手拖手走路。

3.地鐵及巴士冷氣太凍

她表示香港的地鐵、巴士、的士、商場及公兼場所的冷氣都開得特別大，令人感覺好凍。

4.落雨無人著拖鞋

她留意到下雨天時，很少有港人穿拖鞋出街，基本上都是穿波鞋。

5.走路快講嘢細聲

她稱港人走路很快，但說話聲音卻很小

6.飲食習慣健康

她發現港人愛吃綠葉菜，主要以白灼或清炒烹煮，又愛吃白切雞及蒸魚，飲食習慣偏清淡及少鹽，讚港人注重健康。

貼文引起爭議被批大驚小怪兼嘩眾取寵

貼文發布後引起廣大關注，有人表示有同感：「這是香港人的本質」不過亦有許多人認為事主少見多怪，更反駁指近年搭香港地鐵及巴士都感覺很熱「這幾年我快熱死，坐地鐵會滴汗，好辛苦」、「巴士都長期唔夠冷氣」同時有人反駁第5點，稱不是港人聲線太小，而是內地人說話太大聲。更有網民批評文章大驚小怪，表示從言論中可見作者沒有尊重人的思想，在公眾場合低聲說話是基本禮貌，與伴侶拖手也是恩愛的表現。此外，更有人認為撰文者是以中港文化差異為題嘩眾取寵，提出的論點奇怪，疑似想挑起矛盾博流量。