青山醫院開設精神健康體驗館！免費入場！VR體驗病人幻聽幻覺

香港好去處時事熱話生活熱話

By Jennifer on 17 Aug 2023

Digital Editor

青山醫院開設全港首間「精神健康體驗館」，共有5個展區，除咗可以令參觀人士更了解精神健康及康復過程外，更特設病徵體驗，畀讓訪客親身體會精神病患者嘅感受。參觀費用全免，但要預約，即睇開放時間及地址。

Photo from Cable TV

青山醫院係香港歷史最悠久嘅精神病院，有見外界對精神病仍存有誤解同偏見，青山醫院成立全港首間「精神健康體驗館（Mind Space）」，並於本月開放畀公眾參觀。

Photo from Cable TV

「精神健康體驗館（Mind Space）」共設五個展區：時光隧道、腦海導航、復康新知、全人健康、思覺交流。共18項展品，其中「時光隧道」展區就展出唔少珍貴嘅文物同圖片，回顧自香港開埠以嚟精神科服務嘅發展。

Photo from Mind Space

Photo from RTHK

「腦海導航」主要係探索腦部與精神病嘅關係，細述現代精神病療法如何有效治療精神病；「復康新知」同「全人健康」分別介紹各種有助精神病患者復元嘅心理社會療法，以及各式各樣嘅精神健康資訊。

Photo from RTHK

至於「思覺交流」則設病徵體驗同真人圖書館，參觀者可以透過VR親身體驗精神病患者嘅感受，例如幻聽、幻覺等，希望可以令參觀者身同感受，產生同理心，減少日後對精神病患者嘅歧視。

Photo from 《雖然是精神病但沒關係》劇照

體驗館開放免費入場，不過要先喺網上預約參觀。逢星期一、三、四、六開放（公眾假期除外），但只有星期三、星期六開放個人參觀，其餘時間係團體參觀。

Photo from Mind Space

「精神健康體驗館（Mind Space）」
開放時間：星期一、三、四、六（公眾假期除外）9:00～12:00；13:30～16:30
地址：屯門青松觀路15號青山醫院學院樓（S座）二樓
按此預約

Photo from Mind Space

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

TVB挑戰禁忌｜洪永城帶小朋友提早探討生死，體驗瞓棺材化死人妝被父母鬧爆

4 Apr 2023

「生與死」一直是個虛無縹緲的議題，人生無常，即使如大人般歷練足夠也未必可以有信心能夠對「生死」豁然開朗，更何況一班入世未深的小朋友？由洪永城（Tony）主持於TVB播出的綜藝節目《成人教科書》，教導一班小朋友「成長之路」，而今個星期的課題是「生死」，小朋友們又要「瞓棺材」又要「化死人妝」，更要參與「生前派對」，為他們提早經歷人生課題。

Photo from 《成人教科書》

為小朋友提早經歷人生課題受爭議

《成人教科書》就「男女」、「生死」、「你我」及「美醜」四大對立主題為23位小朋友提早去探討人生，播出至今都受到不少家長爭議，第一集的「斷捨離」中將一位10歲的小朋友心愛的物件全部丟棄，令小朋友失控爆喊，因而令家長指責覺得對小朋友過份殘忍。而最近一集更講到「生死」，節目中更加安排小朋友填死亡證、求神問卜、接受生死教育、體驗野外求生外等等。其中一位11歲的小朋友陳穎朗更加自動請纓要求體驗遺體化妝，結果被父親更強烈反對。

「每一個人最後都要經歷一次」

雖然被爸爸強烈反對，但穎朗仍然堅持，最後爸爸只好尊重穎朗的決定被迫接受，而穎朗雖然「人仔細細」但就「道理多多」，對於「死人化妝」就有另類感受並表示「我覺得同平時瞓覺差唔多，純粹唔會醒咁解」、「遺體化妝唔係好恐怖嘅事啫，每一個人最後都要經歷一次，但係（到時）經歷咗又唔知係點，所以我就想（趁依家有機會）親身體驗一吓。」對於父母的反應穎朗就認為「其實我試咗又唔代表我會死，我唔試又唔代表我唔使死，我覺得係一個好好嘅體驗，唔係每個人都有得試。」聽罷都不禁令人懷疑穎朗到底是否只有十歲。

Photo from 《成人教科書》

而身為主持人的洪永城更表示其實拍攝時的過程毫不簡單，光是尋找遺體化妝師已經困難重重：「好多業內化妝師都覺得幫小朋友化呢啲妝唔吉利，所以都一一拒絕咗我哋。」而體驗完遺體化妝之後的穎朗更加同時體驗百日宴的王子式化妝，對於兩大妝容，穎朗更加是樂於接受：「兩個意義都差唔多啫，都係想靚啲」。

Photo from 《成人教科書》

經歷生死之後舉辦「生前派對」

其實節目組所挑選的小朋友中每位背後都是有經歷的，例如參加「生前派對」的11歲朱梓童，原來她小時候曾患病經歷過重大手術，對於跟她經歷過生死的家人，令她的「生前派對」更加別具意義，而生前派對的意義在於，讓主角在籌辦派對過程中，可以回顧人生最重要的時刻，選擇在自己仍在世時，將親朋好友聚在一起一一答謝，令大家再無遺憾。

Photo from 《成人教科書》

而11歲的梓童在台上答謝父母時就為自己經常控制不了臭脾氣，一再跟父母道歉跟道謝，而父母上台致謝時，亦坦言多謝梓童活出屬於自己的生命，在她年幼幾歲時就要面對重大的手術，沒想過從小喜歡Iron Man的她會以這種方式去鍛鍊自己成為Iron Man，更多謝她完成一個又一個的考驗，令全場都非常感動落淚。其實這類的體驗的而且確相當難為可貴，能夠令一班小朋友提早珍惜身邊的一切，又難怪一班參加者的父母願意讓子女們參加節目。