阿Sa蔡卓妍與石恆聰分手後首露面！強顏歡笑似飽受情傷？！
阿Sa（蔡卓妍）近日宣佈同百億麻將館太子爺男友石恆聰分手，雖然佢表示唔存在第三者，兩人分手仍係好友，但連日嚟佢同家人外遊散心。最近阿Sa出席電影宣傳活動，係佢分手後首度公開露面，喺機場佢強顏歡笑，令唔少粉絲大為心痛！
Photo from strawberry_yeung IG
阿Sa曾於節目中向富三代男友公開示愛
阿Sa於2017年同石恆聰拍拖，數年嚟感情穩定。近年阿Sa工作重心移至內地，但佢上內地綜藝節目時不時會提及男友，佢曾表示：「我也挺愛我男朋友的。」亦因為好愛男友，所以好享受兩個人嘅時光，根本唔想生小朋友。
Photo from 阿Sa微博
Photo from 《魯豫有約一日行》
傳C小姐介入戀情，阿Sa宣佈分手！
可惜兩人6年情告終，有傳阿Sa唔喺身邊時，石恆聰與圈內人C小姐過從甚密，阿Sa一直啞忍，但最近終於意識到呢段關係難有將來，決定忍痛分手。不過阿Sa就澄清同男友唔存在第三者，但坦承兩人之間出現咗問題，稱分手佢哋仍然係好朋友。
Photo from 阿Sa IG
Photo from 阿Sa微博
分手後阿Sa現身機場強顏歡笑
回應傳媒時阿Sa表現得頗為豁達，有指阿Sa回復單身後，即放三個月長假散心，與家人好友分別飛泰國、韓國、瑞士多地旅行治情傷。散心過後阿Sa恢復工作，最近佢就要出席電影發佈會。
Photo from 阿Sa微博
Photo from 阿Sa微博
阿Sa現身機場飛往北京，一向親民嘅佢收到唔少fans嘅信件，又為fans簽名，不過唔知係咪未平復情傷，戴上黑超嘅阿Sa雖然保持微笑，但卻有強顏歡笑嘅感覺，唔少fans見到後大感心痛！
Photo from 微博
Photo from 微博
Photo from 微博
出席公開活動阿Sa狀態極佳！
到電影發佈會現場，阿Sa明顯狀態好咗好多，又喺台上同梁朝偉、劉德華講笑，十分專業！現年40歲嘅阿Sa保養得宜，有內地網友指：「長著一張娃娃臉的阿Sa真年輕」，表示完全睇唔出阿Sa嘅真實年齡。
Photo from 微博
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
阿嬌爆同賴弦國離婚一件事最遺憾！阿Sa蔡卓妍稱嫁畀鄭中基太衝動
5 Sep 2022
Photo from 阿嬌微博
阿Sa阿嬌分享對婚姻看法
雖然Twins一出道即爆紅，阿Sa阿嬌走紅多年，係香港樂壇女子組合嘅代表人物，但北上參加《乘風破浪3》後事業再攀上巔峰，就算佢哋嘅普通話唔夠流利都獲好多綜藝節目邀約，可見人氣之高。
年屆不惑之年嘅阿Sa阿嬌keep得好好，但喺內地節目中佢哋都不諱言提起自己第一段婚姻，今次上《百川可逗鎮》，阿Sa阿嬌再度分享自己對婚姻嘅睇法。
Photo from 阿嬌微博
阿嬌公開與賴弘國離婚真正原因
阿嬌曾經同台灣「醫界王陽明」賴弘國結婚，但兩人婚後14個月就宣佈離婚，震驚中港台三地。當時賴弘國表現傷感，相比起前夫，阿嬌平淡得多，佢雖然未有提起過前夫賴弘國，但就曾經多次談及呢段婚姻。
阿嬌喺另一個節目中坦言雖然唔後悔，但如果可以重新選擇佢唔會再結婚，喺《百川可逗鎮》上阿嬌就表示佢當初結婚只係考慮到時機上佢係咪應該結婚，而無考慮到佢係咪想結婚：「我應該遵循我自己的心，但那一刻我沒有。」
Photo from 《百川可逗鎮》
Photo from 《百川可逗鎮》
Photo from 《百川可逗鎮》
即睇更多人氣文章：
阿Sa坦承與鄭中基結婚太衝動
離婚時賴弘國直指阿嬌根本唔愛佢，阿嬌今次透露佢其實根本唔係真心想結婚，所以最終都離婚收場。好姊妹阿Sa亦有提到佢同鄭中基嘅婚姻，主持人鄭愷指結婚係需要衝動，阿Sa即表示：「我上次就是很衝動！」
Photo from 《百川可逗鎮》
喺其他綜藝節目中阿Sa回憶就係因為兩個人好愛大家，於是就決定結婚，但無諗過相處係好大嘅學問，所以即使阿Sa依家同百億麻將館太子爺男友石恆聰感情穩定，佢都坦言要認真考慮係咪要踏入人生新一個階段。
Twins兩人都考慮生BB
Twins更提到生BB嘅話題，阿Sa稱佢對自己人生嘅規劃就係：20歲～30歲努力工作發展事業；30歲～40歲結婚組織家庭；40歲～50歲就可以生BB。不過即將滿40歲嘅佢亦指自己未有信心可以兼顧家庭同事業，而且佢覺得如果呢幾年唔生小朋友，咁佢應該都生唔到，所以佢都十分糾結。
Photo from 微博
經理人Mani曾經指阿嬌好想有自己嘅小朋友，阿嬌喺節目中亦坦言自己好想生BB，更表示20幾歲已經有呢個諗法，但考慮到會影響到Twins嘅發展，所以一直都無生BB，令佢有啲後悔。
Photo from 《百川可逗鎮》
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
