謝霆鋒大仔與女子同遊澳洲街頭 暴風成長變型男 疑賣甩老豆去拍拖?

42歲的謝霆鋒早前趁暑假帶16歲的大兒子Lucas去澳洲旅行兼滑雪，兩人同遊3個星期享受親子樂，本月初正式回港。原以為兩父子難得相聚，整趟旅程都會形影不離，但近日有網民貼出照片，發現旅程中Lucas曾與爸爸分開行動，與另一女子並肩同行，看似關係匪淺，更有人推測情竇初開的Lucas跟著爸爸步伐，發展姐弟戀？

Photo from 微博

Lucas疑賣甩爸爸 與女子同遊澳洲街頭

早前有網民在小紅書貼出兩張照片，表示在澳洲街頭等過馬路時偶遇謝霆鋒大仔Lucas，更大讚他帥氣十足。相中可見，一名身穿黑色連帽衛衣配灰色長褲的男子與另一身穿藍色衛衣的女子在街上同行，兩人低頭同看著一部手機，像是查看地圖或旅程資料，雖然事主以哈哈笑圖案半遮擋二人外貌，但隱約可見男方輪廓立體，甚有霆鋒的影子，而女方則較為成熟，加上男子的打扮與Lucas早前被拍到的一樣，有人就推測Lucas度假期間撇低爸爸，與女子去單獨拍拖，不過亦有人認為該女子只是負責照顧Lucas的工作人員。

Photo from 小紅書

Photo from 小紅書

霆鋒教Lucas滑雪展慈父一面 心情超靚與途人合照

上月不少網民都分享在澳洲墨爾本滑雪聖地布勒山巧遇霆鋒父子的經歷，有指霆鋒度假期間心情極佳，每次被粉絲捕獲都會大方合照。有網民更貼出霆鋒教Lucas滑雪的照片，指霆鋒坐在雪地幫Lucas調整滑雪裝備，又耐心地教Lucas滑雪技巧，更有親自示範，有網民稱Lucas是滑雪新手，主要在初學者滑雪道玩，而霆鋒亦陪兒子練習，盡顯慈父一面。期間有不少人都在滑雪場找霆鋒合照及簽名，而霆鋒都有求必應，獲眾多網民大讚親民無架子。

Photo from 小紅書

Photo from 小紅書

Photo from 小紅書

Photo from 小紅書

Photo from 小紅書

即睇更多人氣文章：
23歲港女排公屋兩年即順利上樓 獲派高層單位令人羨慕 網民:我等18年都未有
香港日式拉麵價格世界第4貴 貴過去日本食3倍 日本人嘆：太過奢侈

Lucas暴風成長變型男 獲讚家教好有禮貌

Lucas是謝霆鋒與張柏芝於2007年誕下的首個兒子，Lucas更盡得父母的良好基因，外貌出眾，從小在媒體關注下成長。2011年霆鋒與柏芝離婚，Lucas與弟弟Quintus跟隨媽媽生活，不經不覺16歲大的Lucas，早前被拍到與爸爸同遊澳洲時，可見其他已長得跟爸爸一樣高，留了一頭曲髮的Lucas外表出眾，穿搭有型有款，不少在滑雪場巧遇Lucas的網民更大讚他有禮貌有家教，會主動幫有需要的人撿起滑雪板，對答亦溫柔有禮。幾年前曾傳出Lucas不滿被霆鋒冷待，導致父子關係變差，上月霆鋒帶Lucas去澳洲度假，令傳聞不攻自破。

Photo from 小紅書
Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

張柏芝帶二囝去迪士尼玩，12歲Quintus近照曝光！被指樣貌超似爸爸謝霆鋒！兒時照更加似？

26 Jul , 2022

張柏芝近年將事業重心轉移返內地，獲邀出演唔同真人騷，人氣急升！雖然佢平時工作忙碌，但佢亦會專登抽空陪伴3位寶貝兒子，非常疼愛佢哋～最近佢就好似返咗香港，仲帶12歲嘅二囝Quintus去迪士尼樂園玩，罕有大晒囝囝近照，被網民指外貌超似爸爸謝霆鋒？！

Photo from 張柏芝IG

張柏芝與兒子分隔兩地？

張柏芝近幾年經常都出演唔同內地真人騷，包括《乘風破浪的姐姐2》、《讓生活好看2》等，深受內地網民喜愛～而當時佢曾透露因為工作關係經常留喺上海，與居住喺香港嘅大囝及二囝分隔兩地，正打算為佢哋喺上海搵學校；然而當佢向囝囝們提出建議時，佢哋嘅態度冷淡，令佢哭笑不得。

Photo from 微博

Photo from 《讓生活好看2》

帶二囝Quintus去迪士尼玩

張柏芝疼愛囝囝係眾所周知嘅事，即使佢工作忙碌亦會花唔少時間陪伴佢哋，唔希望錯失佢哋成長嘅任何一個階段！最近佢就帶同二囝Quintus去香港迪士尼樂園玩，仲拍片向網民分享當日嘅趣事～從影片中所見，張柏芝喺炎炎夏日之下戴住Cap帽及太陽眼鏡，汗流浹背，主動詢問囝囝有冇冰袋等，母子關係融洽。

Photo from 張柏芝IG

Photo from 張柏芝IG

12歲Quintus近照曝光！

二人離開樂園前，Quintus因為肚餓而購買咗火雞髀，而佢一上車就忍唔住除低口罩進食，令一旁嘅張柏芝都忍唔住大笑！作為慈母嘅張柏芝亦第一時間詢問囝囝有冇洗手，十分注重衛生。而網民就覺得現年12歲嘅Quintus樣貌同爸爸謝霆鋒越來越似樣，被大讚靚仔～

Photo from 張柏芝IG

Photo from 張柏芝IG

Photo from 謝霆鋒IG

自細就被指似爸爸？

其實過往二囝Quintus自細就被外界指同謝霆鋒完全係餅印！翻睇返佢兒時嘅照片，五官標緻，成功遺傳到爸媽嘅優良基因；當時就已經被網民稱為「年輕版謝霆鋒」～

Photo from 張柏芝IG

Photo from 張柏芝IG

Photo from 張柏芝IG

張柏芝育有3名兒子

42歲嘅張柏芝喺2006年與謝霆鋒結婚，婚後誕下大兒子Lucas及二兒子Quintus。可惜二人喺2011年宣佈離婚，並表示會共同撫養兒子；不過大部分時間兒子們都係由媽媽照顧居多。喺2018年，張柏芝再對外宣佈誕下第3名兒子Marcus。

Photo from 張柏芝IG

Photo from 張柏芝微博

表示鍾意小朋友

張柏芝曾於訪問中表示好鍾意小朋友「小孩是最好的、最單純的」，揚言覺得生3個並唔夠！囝囝們亦非常孝順，性格乖巧，相信張柏芝嘅悉心教導功不可沒，又難怪佢會如此疼愛佢哋嘅～

Photo from 張柏芝IG

相關文章：張柏芝對細佬們疼愛有加，提供經濟援助創業！曾送70萬豪車做Uber生意，傳胞弟張柏文想復出？

相關文章：張柏芝零濾鏡照瘋傳 網民激讚：女神同後生無分別！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）