東張西望｜6億山頂豪宅漏水、爆污水渠！網友疑發現租客真身？！

《東張西望》報道租住山頂豪宅嘅梁小姐一家四口面對昂貴嘅租金，但租住嘅豪宅卻問題多多，經常漏水、煤氣爐唔著、廁所惡臭、按摩池噴水等，令佢不勝其煩，但業主拒絕畀梁小姐一家提前退租。

梁小姐一家四口入住山頂豪宅

山頂豪宅可能係唔少人奮鬥嘅目標，但近日《東張西望》就接獲租客梁小姐報料，佢一家四口入住山頂豪宅近一年，豪宅樓高4層、有2廳5房、面積逾6,000呎、更設私家電梯，客廳同房間可遠眺維港景色，令梁小姐決心租住。

呢間山頂獨立屋市值6億，月租一度高達100萬！梁小姐雖然無公開佢嘅租金，但佢指隔離兩幢一樣咁大嘅獨立屋月租分別係$88萬及$98萬，梁小姐指無諗過自己租呢一間豪宅，平均一日租金幾萬元，都會會有咁多問題。

茅草遮擋維港景色、按摩池水柱亂噴

首先佢指豪宅前面有生得高過1.8米嘅茅草，嚴重遮擋咗維港嘅景色：「我覺得係嚴重貨不對辦囉！」梁小姐又回憶有一次成家人坐喺樓下飲茶，突然有「兩條水箭」射入屋，原來係按摩池嘅水柱，搞到啲梳化濕晒！梁小姐表示當初租住嘅時候，對方承諾每星期都會維護按摩池，但其實個池污糟到唔敢入去。

即睇更多人氣文章：
23歲港女排公屋兩年即順利上樓 獲派高層單位令人羨慕 網民:我等18年都未有
香港日式拉麵價格世界第4貴 貴過去日本食3倍 日本人嘆：太過奢侈

廁所爆水渠，失禮人前勁尷尬

梁小姐又指客廳嘅主廁有惡臭，要工人每日點3次最強嘅香料先勉強令味道無咁勁：「每次入去都覺得比公廁仲核突！」梁小姐最難忍嘅係大廳兩個廁所爆水渠，令啲糞水湧出客廳。佢指廁所爆過兩次屎渠，其中一次佢正宴請咗十幾位賓客，飲緊紅酒卻有糞便飄出，場面十分尷尬！為免失禮，梁小姐自此不敢再喺家中搞party。

除咗以上嘅問題，豪宅仲有漏水嘅情況，梁小姐指睡房一年滴水6次，要每次都要維修3～7日，令佢不勝其煩。廚房煤氣爐又撻唔著，佢狠批同發展商協調多次不果，當初承諾六星級嘅服務通通不見。

管理公司發信回應

喺《東張西望》上門採訪後，管理公司即刻派人上門維修梁小姐幾日前投訴過嘅問題，更首度將「服務完成確認紀錄」交畀梁小姐簽名。管理公司又發出信件，回應指租客投訴嘅「爆屎渠」起因係污水渠被大量抹手紙淤塞所致，又強調管理公司無任何責任，又指會對租客向令媒披露事件保留追究權利。不過梁小姐就反駁指該廁所並無抹手紙，只有普通廁紙，如果連廁紙都唔可以扔入廁所就非常唔合理。

梁小姐真身疑似係「蓮星老師」

梁小姐指佢唔打算向管理公司索取賠償，只想提前退租，但業主卻以租約係死約為由拒絕。梁小姐喺9月將會搬離山頂豪宅，一家四口搬入酒店暫住，佢直言：「唔理佢要打官司都一定要搬走！」節目播出後，有網友發現梁小姐疑似係「蓮星老師」，喺網上分享玄學易經、臨床心理學等。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

東張西望｜港男一腳踏十幾船！交友APP扮單身帶女性返屋企拍片

9 May 2023

近日《東張西望》播出一集提到一位黃姓大學教職員疑瞞住老婆喺交友APP扮未婚男識女仔，仲一腳踏十幾船，帶埋啲女友返屋企，並未經對方同意下拍攝親密影片。黃太上節目希望可以避免更多女性受害，同時呼籲同老公拍拖嘅女生唔好再受騙。

Photo from 《東張西望》

黃太表示佢喺老公嘅手機中發現佢同好多不同女性嘅合照，一腳踏十幾船。黃生利用交友APP結識好多女性，年齡由20幾歲到40幾歲不等，黃太表示老公偏愛包包面、身型豐腴嘅女士。

Photo from 《東張西望》

Photo from 《東張西望》

黃太更指丈夫趁佢返咗內地，將女性帶到家中主人房拍攝親熱影片，黃太表示屋企係舊年6月裝修完，而影片嘅背景明顯係裝修後嘅主人房，更有一條疑似係黃生喺家中擺放手機，調整拍攝角度嘅影片，幸好手機跌落，未有影到受害女性。

Photo from 《東張西望》

Photo from 《東張西望》

Photo from 《東張西望》

黃太表示自己聯絡過其中3位女士，對方都指未有同意過黃生拍片嘅要求，感到十分震驚。可惜黃生好快就將電腦搬走，所以黃太手上證據唔多。

Photo from 《東張西望》

黃太稱嚟過佢屋企嘅女士十分害怕影片會流傳，得知被拍後當晚凌晨就趕到黃生家中，要求對方即刻刪除晒所有影片。黃太則指唔清楚親密影片嘅女主角係邊位女性，但希望《東張西望》報道後該女士會主動聯絡節目組：「因為唔知佢（黃生）會唔會將條片send出去同朋友share。」

Photo from 《東張西望》

即睇更多人氣文章：
薛凱琪內地拍內衣廣告罕有曬身材！大方承認胸小的女生都可以好靚
和歌山酒店｜無邊際溫泉＋海景桑拿房！套房俯瞰白濱大海超寫意

Photo from 《東張西望》

黃太回憶今年1月1日佢老公聲稱有同學聚會，通宵一晚先返屋企，但身上有沐浴露香味，同時袋中嘅避孕套淨返一個，質問後黃生承認有對唔住黃太。主持人又致電黃生前女友，對方指同黃生係交友APP相識，黃生自稱單身、今年30幾歲、有樓、喺英國讀碩士畢業、現時喺大學做項目經理。

Photo from 《東張西望》

Photo from 《東張西望》

黃太表示佢相信有好多女士喺不知情嘅情況下做咗「小三」，因為黃生之前話驚結婚相等合照會被太陽曬到褪色而收起全屋嘅合照，之後就帶埋其他女性返屋企發生關係，更唔用避孕套，直言對方如果懷孕就結婚。黃太指唔知丈夫幾時會將魔爪伸向學生，黃太更指黃生曾向佢表示覺得自己唔適合結婚，因為佢要不停尋求新鮮感。

Photo from 《東張西望》

Photo from 《東張西望》

Photo from 《東張西望》

主持人最後直接致電黃生，黃生得知來電係《東張西望》節目組表現得非常愕然，先係沉默咗一陣，之後被問到知唔知犯法，佢反問：「係呀？你唔好痴線啦！」又疑似爆粗，最後更寸爆回應：「告我呀！Come on！」、「唔好咁小朋友啦！OK？bye bye～」

Photo from 《東張西望》

Photo from 《東張西望》

Photo from 《東張西望》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）