日本人票選中港台最靚女星！Angelababy只排第四，香港代表包尾？！

娛樂新聞

By Jennifer on 06 Sep 2023

Digital Editor

日本投票網站「みんなのランキング」近日公佈中港台最靚女星嘅投票結果，上榜嘅大部分都係內地女星，台灣代表以林志玲排名最高。曾喺日本發展嘅Angelababy只排第四，其中一位香港代表女星排最後？！

日本人投票選出「中港台最靚女星」

「みんなのランキング」係日本一個投票網站，之前都有「中港台最帥男星排行榜」，當時劉德華、梁朝偉、周潤發等都有上榜，今次到「中港台最靚女星排行榜」，共42位女星上榜，合共有6,071票。

頭10位多數為內地女星，Angelababy三甲不入

其中第一至第十位都係內地、台灣女星：第10位章子怡、第9位吳謹言、第8位唐嫣、第7位劉詩詩、第6位孫儷、第5位林志玲、第4位Angelababy、第3位范冰冰、第2位迪麗熱巴、第1位楊冪。

Angelababy 2006年曾簽約日本經理人公司，並擔任東京Girls Collection模特兒，曾喺日本發展嘅佢獲日本網民大讚擁有「世界上最美麗的臉（世界で一番美しい顔）」；與日本EXILE成員AKIRA結婚嘅林志玲亦排第五位，網友指佢美貌又知性。近600人投票嘅楊冪獲第一位，日本網友稱佢有典型中國美女嘅所有特徵，更封佢為「中国の王道美人」。

「4000年第一美女」鞠婧禕僅排第18位，林依晨被指似石原里美

第十一位至第二十位仍然係內地、台灣女星：第20位李一桐、第19位倪妮、第18位鞠婧禕、第17位鄭爽、第16位沈月、第15位秦嵐、第14位佟麗婭、第13位林依晨、第12位周迅、第11位徐若瑄。

《延禧攻略》喺日本熱播，女主角吳謹言排第九，而「皇后娘娘」秦嵐亦登上第15位。而曾喺日本引起話題嘅「4000年第一美女」鞠婧禕則排第18位。排第13位嘅林依晨獲日本網友指有石原里美嘅感覺。

Kelly陳慧琳日本知名度高，獲讚地位與天海佑希差唔多

第二十一位至第三十位終於有香港代表：第30位龍夢柔（Ron Monroe）、第29位趙麗穎、第28位陳喬恩、第27位白鹿、第26位劉亦菲、第25位李冰冰、第24位陳慧琳、第23位關曉彤、第22位陳鈺琪、第21位楊紫。

Kelly陳慧琳係排名最高嘅香港代表，佢喺日本一向有好高嘅知名度，2002年以首位外國藝人身分獲得由日本官方機構頒發嘅「全年日本最佳服裝大賞」，佢主演嘅電影《冷靜與熱情之間》係2001年日本國產電影票房排名第8位。日本網友大讚Kelly「端莊大氣」，亦有人表示被電影《冷靜與激情之間》迷住，指Kelly同天海佑希嘅地位係一樣！

另一香港代表：朱茵排第42位

之後嘅第三十一位至第四十二位按順序分別為：第31位宋茜、第32位楊丞琳、第33位萬茜、第34位湯唯、第35位趙薇、第36位許佳琪、第37位鞏俐、第38位陳庭妮、第39位王心凌、第40位庭萱、第41位孟耿如、第42位朱茵。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

日本人票選「中港台最帥男星排行榜」！香港藝人排名最高係佢？！

7 Mar 2023

日本投票網站「みんなのランキング」近日公佈中港台3地最帥男星排行榜，其中上榜嘅大部分都係內地男星，其中劉德華、梁朝偉、周潤發等亦有上榜，其中一位排名最高嘅香港男藝人更獲日本人激讚「超完美」！

Photo from 謝霆鋒 Facebook

日本人投票選出「中港台最帥男星」

「みんなのランキング」係日本一個投票網站，佢以往曾經有最佳動畫、漫畫等各種投票，網民可以一人一票選出自己嘅心水。近日網站公佈咗「中港台3地最帥男星排行榜」，並列出51名由網友投票選出佢哋認為係最帥嘅華人男星，合共有4,244票。

Photo from 網站「みんなのランキング」

頭10位未有香港藝人，金城武排第8

其中第一至第十位都係內地、台灣男星：第10位許凱、第9位周渝民、第8位金城武、第7位炎亞綸、第6位鄧倫、第5位霍建華、第4位楊洋、第3位宋威龍、第2位王一博、第1位肖戰。

Photo from 《喜歡你》劇照

Photo from 微博

第一位肖戰同第二位王一博因為主演電視劇《陳情令》而喺內地爆紅，睇嚟呢套劇集喺日本都有唔少網民係fans！而爸爸係日本人嘅金城武則排第8，投票嘅日本網民指佢：「酷酷的眼神讓人無法抗拒」。

Photo from 《陳情令》劇照

Photo from 《重慶森林》劇照

許光漢排名第19、第14位係黃曉明

第十一位至第二十位嘅男星終於有來自香港嘅代表：第20位余文樂、第19位許光漢、第18位張藝興、第17位張國榮、第16位尹正、第15位馮紹峰、第14位黃曉明、第13位馬天宇、第12位陳曉、第11位言承旭。

Photo from 余文樂 IG

Photo from 微博

Angelabay前夫黃曉明位列第14名，而新晉「國民男友」許光漢則排名第19。周渝民、言承旭分別排第9、第11位，可能有部分投票嘅日本網民係F4嘅fans，另外有投票嘅網民表示睇過改編自漫畫《花樣男子》嘅台灣電視劇《流星花園》。

Photo from 《想見你》劇照

Photo from 《流星花園》劇照

余文樂成功打入前20名，哥哥張國榮成排名最高香港男星

喺第十一位至第二十位中有2位都係喺香港出道嘅男星——張國榮、余文樂。有投張國榮嘅日本網友大讚哥哥太完美，直言自己小學到依家40幾歲都仲係好中意佢！雖然哥哥離世20年，但呢個投票再次證明咗佢喺亞洲嘅影響力之大，令佢成為呢個投票排名最高嘅香港藝人。排第20位嘅余文樂都相當受歡迎，有投票畀佢嘅日本網民指睇完《無間道2》被余文樂嘅眼睛所吸引。

Photo from 《阿飛正傳》劇照

Photo from 《縱橫四海》劇照

Photo from 《無間道2》劇照

劉德華、梁朝偉、謝霆鋒上榜，陳偉霆獲讚跳唱俱佳

第二十一位至第三十位：第30位成毅、第29位王力宏、第28位陳坤、第27位丁禹兮、第26位謝霆鋒、第25位何潤東、第24位梁朝偉、第23位劉德華、第22位陳偉霆、第21位吳尊。

Photo from 謝霆鋒微博

Photo from 梁朝偉抖音

3位影帝劉德華、梁朝偉、謝霆鋒都上榜，有日本網友讚劉德華係一位多才多藝嘅演員、歌手同電影製作人，又表示佢係一位真正嘅明星。而陳偉霆亦獲盛讚擁有一雙日本人無嘅醒目眼睛，並指佢唱歌跳舞都好出色。

Photo from TVB

Photo from 微博

成龍、古天樂、周潤發都有上榜

之後嘅第三十一位至第五十一位按順序分別為：第31位張震、第32位劉以豪、第33位陳曉東、第34位陳道明、第35位鍾漢良、第36位侯明昊、第37位段奕宏、第38位周潤發、第39位邢昭林、第40位王瑞昌、第41位古天樂、第42位張雨劍、第43位吳秀波、第44位郭富城、第45位吳亦凡、第46位陳靖可、第47位梁正群、第48位李小龍、第49位徐鈞浩、第50位成龍、第51位祖峰。