鍾楚紅飛馬來西亞撐蔡瀾，網民見真人激讚優雅地老去：沒有硬繃繃的膠感

娛樂新聞

By Jennifer on 06 Sep 2023

Digital Editor

鍾楚紅（紅姑）淡出影壇多年，年逾60歲嘅佢亦無懼公開展示真實一面，自拍都唔會P圖或美顏。近日佢現身蔡瀾喺馬來西亞開嘅書法展，當地網民更影咗相，大讚紅姑仍然好靚：「優雅地老去」。

Photo from 鍾楚紅微博

鍾楚紅係唔少人心目中嘅女神，不過佢已淡出娛樂圈多年，周遊列國過上退休生活。雖然紅姑甚少再參與電影作品，但佢同好多圈中好友保持良好關係，不時會約食飯。

Photo from 鍾楚紅微博

近日紅姑就飛咗去馬來西亞，原來佢係現身撐蔡瀾嘅書法展，紅姑一現身即吸引好多人影相，事後亦喺網上分享有關照片，其中有人喺小紅書大讚紅姑依然超靚！網民指紅姑：「沒有醫美痕跡，沒有硬繃繃的膠感，優雅地老去，真好。」

Photo from 鍾楚紅微博

Photo from 小紅書 @有夢想但是想擺爛的咸魚

現年63歲嘅紅姑一向無懼歲月洗禮，會喺社交網站分享素顏自拍照，亦無P圖或用美顏filter，大方公開真實狀態！難怪網民都指紅姑係自然美。

Photo from 鍾楚紅微博

為出席好友嘅書法展，紅姑亦有化妝，化咗妝嘅佢明艷照人，但佢卻未有接受傳媒訪問，有網民就指佢：「看完書法作品後就到休息區等著，免得搶了老朋友風頭。」大讚紅姑尊重場合。

Photo from 鍾楚紅微博

原來紅姑更婉拒傳媒訪問，指係「蔡瀾先生主場」，網友表示紅姑唔止樣靚，而且人品好，難怪會有咁多好友！

Photo from 鍾楚紅微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

61歲鍾楚紅素顏勁搶鏡　面色紅潤與鄭秀文慶祝杜琪峯66歲生日！網民：似食咗防腐劑

23 Apr 2021

鄭秀文（Sammi）同杜琪峯（杜 sir）2000 年時因電影《孤男寡女》而認識，二人多年嚟喺電影上合作無間，私底下二人更係非常老友，不時都相約聚會，感覺就好似一家人咁。而尋日正正係杜 sir 嘅 66 歲生日，Sammi 當然要相約一齊慶祝喇！

Photo from sammi/IG

每年嘅 4 月 22 日就係導演杜琪峰嘅生日，但今年 66 歲生日嘅佢就因為疫情關係同往年有少少唔同，今年並冇盛大派對，同圈中紅星到賀，佢哋只係相約幾位好友一齊食飯，而其中 Sammi 同楚紅都係座上客之一。

Photo from 鍾楚紅/weibo

Sammi 更喺社交網中貼出佢哋同杜sir 嘅合照，留言：「杜sir家宴。對我而言，每年非常重要的日子，就是杜sir 的生日。??昨晚，還有紅姑，韋生（韋家輝）韋太和阿叔（張叔平），當然還有杜太啦！☺️簡單在杜sir家中吃飯聊天，就是幸福的一夜。」佢更加上 hashtag 「#二十一年前認識杜sir至今」、「#我最尊敬的杜sir」、「#亦師亦友亦女兒」睇得出佢哋嘅感情有幾好。