陳偉霆香港鬧市出沒無人問津？與內地人氣落差超大秒變路人！

娛樂新聞

By Jennifer on 07 Sep 2023

Digital Editor

陳偉霆（William）早年喺內地爆紅，不過佢依然間中回港拍電影。近日喺香港各地都有網民野生捕獲陳偉霆，更影咗佢拍緊戲同等埋位嘅相片，William喺香港街頭卻未有好似身處內地咁被一大堆fans包圍，反而融入咗好似路人咁！

Photo from 陳偉霆微博

陳偉霆久違回港拍劇

陳偉霆喺內地發展10年，拍攝咗唔少大熱劇集，又不時上綜藝節目，事業穩步上升，人氣亦居高不下。已經喺內地娛樂圈札穩根基嘅William仍不忘香港市場，平時都會回港拍攝港產片。

Photo from 陳偉霆微博

舊年佢就回港拍攝電影《爆裂點》，今年佢又有一部新劇《太陽星辰》（暫名），更同金像影后劉雅瑟合作。近日唔少網友都喺香港偶遇拍攝中嘅陳偉霆，並分享到小紅書，感歎自己嘅運氣好。

Photo from 陳偉霆微博

Photo from 小紅書

鬧市出沒無人理？！與內地高人氣有差距

不過喺香港近未露面嘅陳偉霆未有好似喺內地咁，一出現即獲大批fans包圍，即使喺鬧市出沒都無人圍住佢影相，從網友分享至小紅書嘅相片同影片可見，喺街頭行走嘅William一身樸素打扮簡直融入咗秒變路人。

Photo from 小紅書

以往陳偉霆因為Angelababy同黃曉明嘅戀情而被多次提起「而我不知道陳偉霆是誰」，多年嚟佢喺內地娛樂圈終於有一席之位，翻身成灸手可熱嘅男星，不過同內地嘅高人氣比較，William喺香港嘅人氣不免有一定差距。

Photo from 陳偉霆微博

陳偉霆新造型被指發福

雖然無fans包圍，但William卻十分親民，喺等埋位期間都會親切向市民揮手。William於新劇中飾演一名來自90年代嘅穿越者，更有一名6歲女兒，為配合角色爸爸身份，今次William嘅造型比較懷舊，唔少網友都坦言佢身型較以往發福，亦老咗唔少。

Photo from 小紅書

有網民就為William解釋佢係為咗角色先會係咁嘅造型。William喺香港人氣同內地無得比，之前都有內地網民直言香港觀眾唔識貨：「香港人喜歡的都是一些糊本土18線，紅不過羅湖。」指香港娛樂圈已走下坡，唔了解內地大市場。

Photo from 小紅書

相關文章：薪令後陳偉霆回港拍戲住海豪宅生活寫意客廳超大放狗都得？

相關文章：陳偉霆領軍露營真人騷被指造假？鏡頭後眾人返酒店過夜？直播反擊傳聞

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

陳偉霆領軍露營真人騷被指造假？鏡頭後眾人返酒店過夜？直播反擊傳聞

Mar 29, 2023

隨著近年露營熱潮興起，許多綜藝節目都不忘加入露營元素，甚至推出了各種露營主題的真人騷，最近陳偉霆有份拍攝的《一起露營吧2》被質疑造假，指藝人們鏡頭後根本沒有住帳篷，而是回酒店睡覺。日前陳偉霆突然在西藏高原開直播，無間斷拍了近14小時，分享自己紥營、煮食及看日出的經過，落力為《一起露營吧2》宣傳，疑似反擊節目假露營的謠傳。

Photo from 陳偉霆微博

網民分享幕後片段大爆節目「假露營」

去年內地愛奇藝出品的露營真人騷《一起露營吧》播出獲得一致好評，今年製作組乘勝追擊，火速開拍第二季，並暫定今年4月播出，由原祖成員陳偉霆及楊迪領軍，帶上魏大勳、楊迪，尹正，張顏齊、宋雨琦，周潔瓊等人到西藏林芝露營。不過近日（26日）有網民在微博貼出多段藝人回酒店的影片及照片，指控許多藝人入夜後都各自回酒店睡覺，並沒有真正露營，當中拍到魏大勳及陳偉霆輪流回酒店的片段，片主留言：「內娛綜藝能造假到啥程度？」影片曝光即引起熱論，不少網民對此感失望，同時亦有人認為事件平常，看綜藝不需太過認真，開心就好了。

Photo from 懂瓜呱微博

製作組分享團隊對話圖及發聲明澄清無造假

《一起露營吧2》惹起造假爭議後，節目官方微博同日即發聲明回感事件，指網上流傳風影片是惡意剪輯混淆事實，表示節目錄製期間嘉賓全員都住在帳篷過夜，無一例外，同時亦貼出節目團隊的群組對話截圖，表示工作人員會通宵輪班，在群組回報藝人在帳篷內的活動過程，陳偉霆及尹正等人更被爆通宵玩狼人殺，要工作人員提醒他們早點睡。不過貼出影片指控節目造假的網民後來再更新貼文，聲稱自己的影片沒有惡意剪輯，也指出當晚不存在惡劣天氣的情況，雙方各執一詞，事件持續發酵。

Photo from 一起露營吧微博

陳偉霆西藏露營開直播疑反擊節目造假疑雲

同日陳偉霆於微博分享了多張於西藏林芝拍下的風景照，可見當地有山有水，景色秀麗，他表示今次《一起露營吧2》來到林芝拍攝，自言想享受一下Solo露營，不少粉絲即留言表示想他直播。而陳偉霆亦順應民意，於晚上7時直播露營，同時他在貼文亦標籤了節目#一起露營吧，疑似反擊節目造假疑雲，表示自己有真正露營。

Photo from 陳偉霆微博

首先他在湖邊設置好手機進行直播，然後他開始對著鏡頭打開帳篷，一手一腳組裝椅子、桌子、爐具及營燈等物品，一個人砌好所有露營裝備，毅力十足。露營期間他有生火煮食，亦有回應粉絲留言互動，晚上天氣不穩定，偶有風雨，陳偉霆特地固定好手機，並打開傘子遮風擋雨，專業又可靠，他直播將近14小時，吸引了達2000萬人觀看，令人佩服。事後很多粉絲表示有偶像直播陪自己入睡，感覺窩心：「愛你，昨天直播這麼久，有你陪伴很溫暖」、「屬於我們的晚上」、「主打的就是一個陪伴」