東張西望｜女主持陳瑞菱慘被斥係「雞」？！竟點頭回應掀熱議
《東張西望》女主持陳瑞菱喺訪問葵涌工廈水喉爆裂嘅單位業主時，竟被對方話係「雞」？！陳瑞菱更不停點頭回應，引起網民嘅討論，指做《東張西望》嘅主持真係要面對好多困難同考驗！
《東張西望》嘅主持要採訪街坊、專家等，有時更要深入衛生情況惡劣嘅環境報道，訪問時仲會被受訪者鬧，對方甚至會動手，十分危險！而節目嘅女主持唔少亦獲網民封為「東張女神」。
喺最新一集嘅《東張西望》尾聲就播出預告，預告將報道葵涌工廈水喉爆裂嘅個案，除咗報道情況，當然唔少得採訪相關嘅人物。
女主持陳瑞菱就訪問咗有關單位嘅業主，不過對方卻口出狂言，先係表示：「你都傻傻哋嘅，你問我？你乜嘢新絲蘿蔔皮啊？」之後更直接指：「你係我養嘅雞咩？我做咩要答你？」
不過陳瑞菱面不改容，更一邊聽一邊點頭作回應。唔少網友都指佢咁都唔嬲應該EQ好高，不過亦有人認為應該睇晒成個片段先知業主講嘅對象。
陳瑞菱2022年參選港姐不過未有獲得任何獎項，但佢同一眾佳麗關係十分好，更喺家中招待佢哋一齊食飯，有指陳瑞菱媽媽贊助過TVB嘅節目，十分富貴，而佳麗們分享嘅聚會照可見佢哋喺花園燒肉，陳瑞菱屋企有至少兩層，裝修十分有氣派。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
東張西望｜6億山頂豪宅漏水、爆污水渠！網友疑發現租客真身？！
31 Aug 2023
梁小姐一家四口入住山頂豪宅
山頂豪宅可能係唔少人奮鬥嘅目標，但近日《東張西望》就接獲租客梁小姐報料，佢一家四口入住山頂豪宅近一年，豪宅樓高4層、有2廳5房、面積逾6,000呎、更設私家電梯，客廳同房間可遠眺維港景色，令梁小姐決心租住。
呢間山頂獨立屋市值6億，月租一度高達100萬！梁小姐雖然無公開佢嘅租金，但佢指隔離兩幢一樣咁大嘅獨立屋月租分別係$88萬及$98萬，梁小姐指無諗過自己租呢一間豪宅，平均一日租金幾萬元，都會會有咁多問題。
茅草遮擋維港景色、按摩池水柱亂噴
首先佢指豪宅前面有生得高過1.8米嘅茅草，嚴重遮擋咗維港嘅景色：「我覺得係嚴重貨不對辦囉！」梁小姐又回憶有一次成家人坐喺樓下飲茶，突然有「兩條水箭」射入屋，原來係按摩池嘅水柱，搞到啲梳化濕晒！梁小姐表示當初租住嘅時候，對方承諾每星期都會維護按摩池，但其實個池污糟到唔敢入去。
廁所爆水渠，失禮人前勁尷尬
梁小姐又指客廳嘅主廁有惡臭，要工人每日點3次最強嘅香料先勉強令味道無咁勁：「每次入去都覺得比公廁仲核突！」梁小姐最難忍嘅係大廳兩個廁所爆水渠，令啲糞水湧出客廳。佢指廁所爆過兩次屎渠，其中一次佢正宴請咗十幾位賓客，飲緊紅酒卻有糞便飄出，場面十分尷尬！為免失禮，梁小姐自此不敢再喺家中搞party。
除咗以上嘅問題，豪宅仲有漏水嘅情況，梁小姐指睡房一年滴水6次，要每次都要維修3～7日，令佢不勝其煩。廚房煤氣爐又撻唔著，佢狠批同發展商協調多次不果，當初承諾六星級嘅服務通通不見。
管理公司發信回應
喺《東張西望》上門採訪後，管理公司即刻派人上門維修梁小姐幾日前投訴過嘅問題，更首度將「服務完成確認紀錄」交畀梁小姐簽名。管理公司又發出信件，回應指租客投訴嘅「爆屎渠」起因係污水渠被大量抹手紙淤塞所致，又強調管理公司無任何責任，又指會對租客向令媒披露事件保留追究權利。不過梁小姐就反駁指該廁所並無抹手紙，只有普通廁紙，如果連廁紙都唔可以扔入廁所就非常唔合理。
梁小姐真身疑似係「蓮星老師」
梁小姐指佢唔打算向管理公司索取賠償，只想提前退租，但業主卻以租約係死約為由拒絕。梁小姐喺9月將會搬離山頂豪宅，一家四口搬入酒店暫住，佢直言：「唔理佢要打官司都一定要搬走！」節目播出後，有網友發現梁小姐疑似係「蓮星老師」，喺網上分享玄學易經、臨床心理學等。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
