黑雨｜雨中一對戀人坐車頂避水浸超浪漫！網民感動：共患難
黑色暴雨下多區水浸，有網民就影到喺路上有一對戀人因為水浸而齊齊坐上車頂等待拖車，網民紛紛表示場面超浪漫。事主更現身分享當時情況，掀起網民熱議。
Photo from 香港交通突發報料區正版 突發事故資迅谷 FB
多區都有水浸情況，喺路上嘅車輛都變咗「激流船」。喺Facebook群組「香港風景攝影會」有網友就影咗黑色暴雨下有一對情侶面對水浸只能爬上車頂。
Photo from 黃埔人•紅磡人•土瓜灣人 FB
Photo from Facebook群組「香港風景攝影會」
該網友留言：「雨中的戀人們」，更配上bgm黃凱芹《雨中的戀人們》，片中一架白色車已被水淹至車輪，應該係「死咗火」，情侶喺車上共撐一把遮。
Photo from Facebook群組「香港風景攝影會」
唔少網友都表示：「好浪漫！」又話：「要結婚啦！」更呼籲事主婚禮上要播放呢段影片。估唔到事主竟然真係現身，更公開咗車頂「第一視角」嘅相片，並留言：「浪漫面對」
Photo from Facebook群組「香港風景攝影會」
Photo from Facebook群組「香港風景攝影會」
唔少網友睇到都感歎：「啲女畀你溝晒啦！」事主又表示喺車頂等咗半個鐘左右，等啲水退咗佢哋就落地再等拖車將車拖走。
Photo from Facebook群組「香港風景攝影會」
有網友問：「點解冇警察救佢哋？」事主亦有回覆：「唔嚴重，救左其他更加有需要嘅人先啦」
Photo from Facebook群組「香港風景攝影會」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
黑雨｜「極端情況」勞工處公佈工作安排一文睇！打工仔必知幾時復工
8 Sep 2023
政府宣佈「極端情況」至少維持至下午6點。今次係政府首次發佈「極端情況」，到底喺「極端情況」下打工仔工作安排係點？！「極端情況」結束後又如何復工？！一文睇勞工處發佈嘅資料。
Photo from TVB
受到海葵殘餘相關低壓槽帶來嘅暴雨影響，本港出現廣泛地區水浸，天文台發出黑色暴雨，政府更宣佈「極端情況」至少會維持到下晝6點。「極端情況」存在期間嘅工作安排等同8號風球生效情況，勞工處亦有發佈「『極端情況』工作安排知多點」。
Photo from NOW TV
#極端情況」生效下，僱主及僱員注意事項
喺「極端情況」生效下，除咗同僱主就「極端情況」下訂立有返回工作地點上班協定嘅必要人員之外，其他僱員應留喺原來嘅地點或安全地點，而唔係立即啟程返工。政府會喺「極端情況」生效期間於兩小時期限屆滿前再公佈會唔會延長或取消「極端情況」。
Photo from 《奇怪的搭檔》劇照
#勞工處公佈「一般僱員」及「必要人員」工作安排
Photo from 勞工處
Photo from 《想見你》劇照
#「極端情況」結束後嘅工作安排
一般情況僱員喺「極端情況」結束後2個鐘內復工，如果「極端情況」結束後淨返唔夠3個鐘嘅工作時間，咁就唔使復工。
Photo from 勞工處
Photo from TVB
#「極端情況」人工及津貼安排
一般僱員：
僱員由於惡劣天氣或不受控制的環境因素影響而未能返回工作地點上班，僱主應因應這特殊情況，不應不發放他們的工資。至於僱員的勤工獎或津貼，更不應受到影響。
Photo from TVB
仍必須返回工作地點當值的僱員（必要人員）：
1. 應另外發放當值津貼及往返工作地點的特別交通津貼
2. 如必要人員因惡劣天氣導致沒有安全的公共交通服務往返工作地點，須切實考慮為他們提供安全的接送
3. 如接班的僱員因惡劣天氣或「極端情況」，或因實際困難未能返回工作地點上班，而僱主因業務運作而需要上一班的僱員繼續當值協助，應確保僱員自願及其身體狀況許可，並為他們安排適當的休息時間。就自願繼續協助的僱員，應向他們發放優於正常工資的津貼，以補償他們的額外服務。
Photo from TVB
資料來源：勞工處
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
