將軍澳、觀塘多地水浸！保險業料暴雨巨額索賠或比山竹30億更高

By Jennifer on 11 Sep 2023

Digital Editor

百年一遇嘅暴雨仍然持續，今朝西貢、將軍澳、觀塘等地落大雨，多地水浸變澤國，沙田一小時錄得逾80毫米雨量。有保險業人士上電台節目中透露今次暴雨致唔少市民損失慘重，預計巨額索賠或會比2018年颱風「山竹」30億更高！

天文台表示一道低壓槽持續為廣東沿岸及南海北部帶嚟驟雨及雷暴，並發出局部大雨提示。今朝西貢雨勢特別大，一小時內錄得超過100毫米雨量，將軍澳及觀塘都有水浸。

區議員方國珊喺Facebook指出西貢、將軍澳大雨，而且出現水浸，馬路水浸成河，水位一度浸到小腿！除咗將軍澳、觀塘之外，天文台亦喺中午時指出沙田區正午時分雨勢特別大，一小時錄得逾80毫米雨量，有可能出現嚴重水浸。

天文台喺天氣預告中提到星期二局部地區雨勢仍然較大，星期三短暫時間有陽光，今個星期後期間中有驟雨。

商台邀請咗國際專業保險諮詢協會會長羅少雄出席節目《在晴朗的一天出發》，佢表示世紀暴雨令唔少車主損失慘重，包括喺馬路上「死火」，或停車場坐駕被淹。佢指如果車主有購買綜合車輛保險（俗稱「全保」），水浸都屬於保險賠償範圍之內，但亦要計算車主責任。但如果車主只購買第三者保險，就只會賠償交通意外涉及人命傷亡嘅索償。

羅少雄表示今次世紀暴雨有好多車主都詢問「有無得賠」，佢預計呢次保險巨額索償額，會比2018年超強颱風「山竹」嘅$30億元索償額更高，佢坦言明年或會「調整保費」。

有網友指：「做保險真係無得輸，平時就唔賠比你，一定要賠就加你保費」、「保險就預左claim架喇」、「買果時就乜都得， claim果時就乜都唔保」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

黑雨｜「極端情況」勞工處公佈工作安排一文睇！打工仔必知幾時復工

8 Sep 2023

政府宣佈「極端情況」至少維持至午夜12點。今次係政府首次發佈「極端情況」，到底喺「極端情況」下打工仔工作安排係點？！「極端情況」結束後又如何復工？！一文睇勞工處發佈嘅資料。

Photo from TVB

受到海葵殘餘相關低壓槽帶來嘅暴雨影響，本港出現廣泛地區水浸，天文台發出黑色暴雨，政府更宣佈「極端情況」至少會維持到午夜12點。「極端情況」存在期間嘅工作安排等同8號風球生效情況，勞工處亦有發佈「『極端情況』工作安排知多點」。

Photo from NOW TV

#極端情況」生效下，僱主及僱員注意事項

喺「極端情況」生效下，除咗同僱主就「極端情況」下訂立有返回工作地點上班協定嘅必要人員之外，其他僱員應留喺原來嘅地點或安全地點，而唔係立即啟程返工。政府會喺「極端情況」生效期間於兩小時期限屆滿前再公佈會唔會延長或取消「極端情況」。

Photo from 《奇怪的搭檔》劇照

#勞工處公佈「一般僱員」及「必要人員」工作安排

Photo from 勞工處

Photo from 《想見你》劇照

#「極端情況」結束後嘅工作安排

一般情況僱員喺「極端情況」結束後2個鐘內復工，如果「極端情況」結束後淨返唔夠3個鐘嘅工作時間，咁就唔使復工。

Photo from 勞工處

Photo from TVB

#「極端情況」人工及津貼安排

一般僱員：
僱員由於惡劣天氣或不受控制的環境因素影響而未能返回工作地點上班，僱主應因應這特殊情況，不應不發放他們的工資。至於僱員的勤工獎或津貼，更不應受到影響。

Photo from TVB

仍必須返回工作地點當值的僱員（必要人員）：
1. 應另外發放當值津貼及往返工作地點的特別交通津貼
2. 如必要人員因惡劣天氣導致沒有安全的公共交通服務往返工作地點，須切實考慮為他們提供安全的接送
3. 如接班的僱員因惡劣天氣或「極端情況」，或因實際困難未能返回工作地點上班，而僱主因業務運作而需要上一班的僱員繼續當值協助，應確保僱員自願及其身體狀況許可，並為他們安排適當的休息時間。就自願繼續協助的僱員，應向他們發放優於正常工資的津貼，以補償他們的額外服務。