王祖藍兩個女被指一個似爸爸、一個似媽媽！網友：王祖藍基因強大

Digital Editor

王祖藍同李亞男婚後育有兩個女兒，轉眼間都大個女，近日李亞男就分享佢同囡囡嘅合照，唔少人都關注到Gabby同Hayley一個比較似爸爸王祖藍、一個比較似媽媽李亞男，笑言：「王祖藍基因強大」

Photo from 李亞男微博

王祖藍近年北上發展，即使應曾志偉邀請返TVB做「首席創意官」，佢都帶隊同一班TVB藝人如王浩信、張振朗、高海寧等出演內地節目。佢更同李亞男長居內地，兩個女兒亦喺內地讀書。

Photo from 李亞男微博

王祖藍同李亞男兩個女，大女Gabby今年5歲，細女Hayley今年亦已經3歲，最近李亞男就喺內地開公益畫展，又帶埋兩個女一齊睇。

Photo from 李亞男微博

李亞男喺微博分享母女合照，王祖藍雖然無一齊去畫展，但佢自行P圖，將自己加入母女3人合照中：「我也在照片里，四舍五入全家福有」

Photo from 王祖藍微博

Photo from 李亞男IG

有網民就指大女Gabby同爸爸王祖藍比較似樣，細妹Hayley則更似媽媽李亞男。其實Gabby細個嗰陣已經同爸爸似到餅印咁！不過之前公開過嘅李亞男童年照同Gabby都好似，王祖藍當時話：「我的基因真心輸了」

Photo from 李亞男微博

Photo from 王祖藍微博

Photo from 李亞男微博

到Hayley出世無幾耐，王祖藍就分享姊妹合照，問網友：「像誰」，唔少網友都表示一個似爸爸、一個像媽媽：「姐姐跟祖藍簡直是同一個模子里出來的」

Photo from 王祖藍微博

Photo from 李亞男微博

但亦有人指Gabby同Hayley都各有似爸爸媽媽嘅地方，又表示王祖藍同李亞男有夫妻相，所以根本全家都好似餅印咁！

Photo from 李亞男微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

熊黛林雙胞胎顏值差距大，網民：完全唔似樣！究竟似爸爸定媽媽？

8 Mar 2021

名模熊黛林（Lynn）自出道以嚟一直係唔少人心目嘅女神，而佢喺 2016 年時同郭可盈嘅弟弟郭可頌結婚後，便淡出幕前，直到 2018 年更誕下一對可愛雙胞胎 Kaylor 和 Lyvia，重心轉移到家庭嘅佢都冇忘記一班粉絲，佢不時都會喺社交平台分享生活點滴，當然晒得最多就梗係佢一對雙胞胎喇！

早前有網友就為雙胞胎嘅妹妹 Lyvia 抱不平，指姐姐 Kaylor 完美承傳咗名模媽媽嘅好基因，而妹妹就似爸爸郭可頌，仲話佢哋係唔公平嘅遺傳嚟！

唔少人對雙胞胎嘅印象就係兩個小朋友會勁似樣，但其實雙胞胎有分為「同卵雙胞胎」同「異卵雙胞胎」，「同卵雙胞胎」嘅兄弟姐妹長相、外型都會好相似，而「異卵雙胞胎」嘅兄弟姐妹就因為由獨立胚胎衍生而成，所以長相同外型都會有少少差別。因此熊黛林嘅一對雙胞胎正正就係「異卵雙胞胎」嚟！

名模出身嘅熊黛林無論身高、骨架定五官都有絕對嘅優勢，但一對雙胞胎就唔係完全承傳到媽媽的好基因喎。

姐姐 Kaylor 擁有一雙水汪汪的大眼睛以及精緻五官，而妹妹 Lyvia 嘅眼睛相比下就冇姐姐咁大，但明顯對單眼皮。兩姊妹就只有鼻子最相似，無論大小或鼻型都幾乎一樣。

雖然唔少人都覺得 Kaylor 嘅外形較得人歡心，但對 Lynn 嚟講，兩位都係佢嘅心肝寶貝，所以絕對唔會「大細超」！

而不少網民亦認為完全睇唔出佢哋係雙胞胎嚟：「完全睇唔出係雙胞胎，一個似爸爸，一個似媽媽，倆姊妹一啲交集都冇。」、「哈哈，佢地係我見過最假嘅雙胞胎，只能說姐姐更識遺傳！」、「其實妹妹都幾可愛，但是難免會被姐姐光環掩蓋」

不過兩姊妹現時嘅顏值雖然係有啲差距，不過女大十八變，依家佢哋先得幾歲人仔，遲啲再大啲嘅時候五官、氣質就會唔同，顏值亦會有所改變，話唔定到時妹妹 Lyvia 又會畀人另一種美呢～

Text: HolidaySmart Editorial

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel