Angelababy被指日本逛街遭狠批：想去喝核污水？！

Digital Editor

Angelababy一舉一動向來都備受注目，近日佢又登上微博熱搜，原來係Angelababy一張日本行街偶遇照曝光，但卻被內地網民狠批，直言佢唔應該喺特殊時期日本：「想去喝核污水還是什麼？」

Photo from Angelababy 微博

Angelababy北上發展多年，已企穩內地一線，雖然佢主演嘅劇集口碑一般，佢本人嘅演技亦經常被批評，但都唔影響佢喺內地娛樂圈嘅地位，人氣居高不下，不時都登上熱搜。

Photo from Angelababy 微博

最近Angelababy憑一張相就再次登上熱搜，有網友表示喺日本偶遇到行緊街嘅Angelababy，隨即掀起網民熱議，「#日本偶遇Angelababy逛街」話題就成熱門搜尋。

Photo from 微博

Photo from Angelababy 微博

不過有非常多人留言指Angelababy唔應該喺呢段時間去日本，因為福島核電站排放核廢水，內地網民認為佢嘅行為等同鼓勵中國遊客都去日本旅遊。

Photo from 微博

Photo from Angelababy 微博

內地網民留言狠批：「真愛去日本啊」、「都這會兒了，還去日本玩，想去喝核污水還是什麼？看著來氣」、「順便喝點核污水」、「沒必要去日本，就算去拍雜誌，大把地方可以拍，非要去日本干嘛」

Photo from 微博

Photo from Angelababy 微博

但亦有fans反駁指呢張相根本唔係近期影嘅，而係幾個月前嘅相片，當時Angelababy係為咗拍雜誌先會去日本，質疑點解之前嘅相都會上熱搜。亦有人認為就算係最近去日本都無咩問題：「做個人出國自由都沒有了嗎？」

Photo from Angelababy 微博

Photo from 微博

Angelababy等內地藝人睇BLACKPINK演唱會被狠批：沒骨氣

22 May 2023

BLACKPINK最近喺澳門開演唱會，吸引咗大批圈中人到場，包括：Angelababy（楊穎）、歐陽娜娜、何猷君何超欣兄妹等。不過一班內地網民對佢哋睇演唱會卻十分不滿，更鬧到上微博熱搜，指佢哋「無骨氣」，支持外國明星。

Photo from BLACKPINK IG

BLACKPINK紅爆全球，4位成員嘅知名度都好高，最近佢哋開緊巡迴演唱會，早前佢哋喺香港嘅3場演唱會都爆滿，吸引唔少圈中人到場觀看，最近BLACKPINK喺澳門開演唱會，同樣都有好多人捧場！

Photo from BLACKPINK IG

當中包括近年喺內地發展嘅歐陽娜娜、何猷君何超欣兄妹，仲有Angelababy。Angelababy應該係BLACKPINK「真愛粉」，因為2月開嘅香港場佢都有份睇，估唔到今次澳門場都見到佢，Baby睇演唱會仲拎埋BLACKPINK嘅官方應援手燈，絕對係真fans！

Photo from 微博

睇足香港場、澳門場嘅Angelababy之前仲喺後台同BLACKPINK成員影大合照，今次佢與其他藝人組團現身BLACKPINK澳門演唱會亦登上熱搜，有同Angelababy睇同一場演唱會嘅網民喺網上晒出喺Baby睇緊演唱會嘅影片、照片。

Photo from 微博

Baby拎住應援手燈，面上露出燦爛笑容，唔少網友都被Baby顏值震懾，驚呼：「Angelababy怎麼美成這樣啊」，表示即使喺路人相機下Baby依然零走樣，美貌十分突出。

Photo from 小紅書

不過喺網友讚Baby靚嘅同時，亦有部分內地網民非常不滿，原因係Baby「又去」睇BLACKPINK演唱會，有人認為大量內地藝人睇韓國女團BLACKPINK演唱會係一種「崇洋媚外」嘅行為，直言佢哋：「沒骨氣」、「這麼支持外國明星」。

Photo from 微博

Photo from Angelababy微博

Photo from 微博

其中Angelababy首當其沖，除咗因為佢去晒兩場演唱會之外，仲因為佢之前曾公開表示係韓星G-Dragon嘅粉絲。甚至喺GD有份出演嘅內地綜藝節目中表現得十分怕醜，被認定係「哈韓第一人」。

Photo from 微博

Photo from Angelababy微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel