download HolidaySmart 假期日常 app
林作慫恿投資者加入JPEX語音曝光！對苦主稱報警無用？！

林作慫恿投資者加入JPEX語音曝光！對苦主稱報警無用？！

娛樂新聞
By Jennifer on 20 Sep 2023
Digital Editor

《東張西望》播出JPEX苦主受訪片段，更公開林作喺群組中游說投資者用佢嘅邀請碼加入JPEX嘅語音，喺證監會發聲明後林作曾親身去警局報備，不過佢就喺群組中指報警亦對現況無幫助。

《東張西望》播出JPEX苦主受訪片段Photo from TVB

#林作同陳怡涉JPEX案被捕

JPEX案牽涉嘅金額已高達$12億港元，被捕人數亦上升至8人，包括林作同陳怡。雖然林作已獲保釋，但佢至今未公開回應事件。警方以「串謀詐騙」拘捕佢哋，相信佢哋有份氹投資者投資。

JPEX案牽涉嘅金額已高達$12億港元，被捕人數亦上升至8人Photo from TVB

警方以「串謀詐騙」拘捕陳怡等人，相信佢哋有份氹投資者投資。Photo from TVB

TVB《東張西望》就採訪咗JPEX受害人陳先生，佢指JPEX有好多KOL宣傳，並且一直慫恿人用佢哋嘅邀請碼加入JPEX：「我個人覺得，全部KOL都係夾埋」，佢指KOL會不停咁同佢講JPEX有咩好處。

TVB《東張西望》就採訪咗JPEX受害人，佢指JPEX有好多KOL宣傳，並且一直慫恿人用佢哋嘅邀請碼加入JPEXPhoto from TVB

#林作游說投資者用邀請碼加入JPEX語音公開

而開設場外加密貨幣找換店嘅林作就曾宣稱自己喺7月成為JPEX合夥人，又喺IG教人點用佢嘅邀請碼加入JPEX。

林作開設場外加密貨幣找換店Photo from 林作IG

林作曾宣稱自己喺7月成為JPEX合夥人Photo from TVB

節目亦公開咗林作與投資者嘅語音內容，佢就游說對方用佢嘅邀請碼：「你用咗我個邀請碼入JPEX未呀？可以有折嗰啲交易費。」

節目亦公開咗林作與投資者嘅語音內容，佢就游說對方用佢嘅邀請碼Photo from TVB

#報案後林作向苦主稱唔建議報警：「無咩用」

到證監會發聲明指JPEX未有牌照後，林作曾現身警局向警方備案：「希望可以喺最短時間內幫眾多苦主爭取取回本金。」佢之後喺JPEX投資群組嘅語音訊息亦於節目內公開，佢指報警作用不大。

證監會發聲明指JPEX未有牌照後，林作曾現身警局向警方備案Photo from TVB

林作喺JPEX投資群組嘅語音中對投資者指報警作用不大Photo from TVB

林作：「各位，我啱啱去警局傾咗個幾鐘，將我所知、可以畀到、大家現時最新情況話畀警方聽。大家如果都想自己向警察報案，你去普通警局報案，並無任何效用。」曾任大律師嘅林作指最基本法律上嘅情況，現時嚟講個平台仍然有運作，仲願意回覆：「用唔同嘅理由都好，一般已經令警方難以介入。所以如果想自己去警局，我就唔係太建議，無咩用。」

林作：「如果想自己去警局，我就唔係太建議，無咩用。」Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

莊思敏自稱係JPEX苦主，急刪相關影片！張智霖任代言人劃清界線

18 Sep 2023

證監會指JPEX未獲發牌，而林作更疑因涉案而被捕！其他與加密貨幣平台JPEX有關嘅藝人都備受關注，其中曾拍片介紹嘅莊思敏就自稱都係苦主，另外曾係JPEX代言人嘅張智霖亦劃清界線。

證監會指JPEX未獲發牌，而林作更疑因涉案而被捕！Photo from Now TV

加密貨幣交易平台「JPEX」被證監會踢爆係無牌經營，隨即喺娛樂圈內掀起風波，原因係唔少藝人、KOL都曾為JPEX宣傳，其中最「踴躍」嘅不得不提「抽水王」林作。

「抽水王」林作Photo from TVB

林作早前高調宣佈加入幣圈，更喺中環開設加密貨幣兌換店，佢又公開表示申請成為JPEX嘅合伙人，喺證監會公佈JPEX無牌經營後林作即時割席，指唔會再推廣及提及未有申請牌照嘅交易所：「本人及本店無意觸犯任何證監會規定，尊重證監會的要求。」

林作早前高調宣佈加入幣圈，更喺中環開設加密貨幣兌換店Photo from 林作IG

喺證監會公佈JPEX無牌經營後林作即時割席，指唔會再推廣及提及未有申請牌照嘅交易所Photo from 林作IG

但佢卻涉JPEX案而被警方拘捕，令唔少網友關注其他曾宣傳JPEX嘅藝人近況。其中莊思敏就曾經拍片介紹JPEX，喺JPEX被證監會點名後佢已將影片刪除。近日莊思敏出席活動時就表示自己都係JPEX苦主。

林作涉JPEX案而被警方拘捕Photo from Now TV

莊思敏就曾經拍片介紹JPEXPhoto from 莊思敏 YouTube

佢指自己同JPEX無合作，不過之前去找換店推介咗JPEX，佢亦用咗呢個平台交易過，佢自稱投資咗六位數字，現階段都係等消息，未知可以採取咩行動。

莊思敏自稱投資咗六位數字，現階段都係等消息，未有打算採取行動。Photo from 莊思敏IG

而喺JPEX宣傳廣告中出現嘅香港區代言人張智霖，佢嘅經理人就透過公關公司回應指之前已經講咗JPEX於香港取得牌照之前都唔可以用張智霖嘅肖像作宣傳用途，因此會保留追究權利。

JPEX香港區代言人張智霖Photo from JPEX

張智霖嘅經理人就透過公關公司回應指之前已經講咗JPEX於香港取得牌照之前都唔可以用張智霖嘅肖像作宣傳用途Photo from JPEX

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

東張西望娛樂新聞林作JPEX