鄭少秋公開承認對大女有虧欠！指現任妻子官晶華所生兩女兒最幸福
最近傳出鄭少秋55歲大女鄭安儀（Angelina）喺美國離世，鄭少秋現任妻子官晶華透露佢心情未平復。鄭少秋有4位女兒，佢曾公開表示對大女有虧欠，亦承認由現任老婆官晶華所生嘅兩位女兒係最幸福。
Photo from 欣宜IG
現年76歲嘅鄭少秋同盧慧茹育有大女鄭安儀；同已故藝人沈殿霞育有次女鄭欣宜；同官晶華育有鄭詠恩及鄭詠曦。之前鄭少秋同鄭欣宜嘅父女關係曾多次掀起熱議，但佢嘅大女鄭安儀，就甚少有人提起。
Photo from 網上圖片
近日突然有消息指定居美國嘅大女鄭安儀喺寓所輕生離世，鄭少秋妻子官晶華代夫回應，佢先係表示會了解情況，之後就指已在處理當中，又透露老公鄭少秋心情未平復。官晶華表示鄭安儀嘅生母盧慧茹健在，現時身處溫哥華，親友已透過電話同對方聯繫，電話號碼亦轉交咗畀教會。但由於牽涉美國法律問題，生母盧慧茹先係鄭安儀嘅財產合法權益人，所以希望由盧慧茹出面親自處理。官晶華稱其他殮葬問題，如果得到對方允許，佢哋會盡力幫手。
Photo from 網上圖片
鄭少秋21歲就做爸爸，女友盧慧茹為佢誕下女兒鄭安儀，秋官同盧慧茹當時並無正式結婚，只係同居，兩人分開後女兒由媽媽盧慧茹撫養，秋官一向甚少提及大女及其生母，佢曾上節目《志雲飯局》公開講起一生3位伴侶同佢哋生下嘅4位女兒。
Photo from TVB
即睇更多人氣文章：
內地網紅拍片介紹香港近2千萬大屋 內地網民批空間狹窄：寧願住一世農村
【iOS 17懶人包】9.19推出正式版！12大新功能：個性化來電畫面+AirDrop大升級！3款型號無法升級！
陳志雲問佢會唔會覺得最虧欠大女，鄭少秋承認：「係！係畀佢最少嘅。」佢表示聽到消息指大女同媽媽關係都唔好，佢唔會怪女兒唔見佢、唔理佢，因為佢明白可能因為父親同母親嘅關係同成長環境令大女性格比較偏激，希望大女可以理解、原諒佢哋：「我都一樣咁愛錫你！」
Photo from TVB
對於官晶華生嘅兩位女兒，鄭少秋亦表示佢哋的確係最幸福，因為經歷過去嘅教訓，所以第3次做爸爸佢就學識點樣做得更好，更珍惜家庭同父女關係。
Photo from 網上圖片
多年嚟都有傳鄭少秋現任妻子唔中意老公同前妻所生嘅女兒秋宜經常見面，又有傳欣宜同兩位妹妹關係唔好，不過近年欣宜同妹妹都有唔少合照，關係似乎有所好轉。
Photo from 欣宜IG
Photo from 欣宜IG
Photo from 欣宜IG
甄妮亦有喺Facebook對事件發表意見：「昨天聽到秋官的家事，很遺憾😔他沒有處理好他的人生。就如樓上沒臉網友所言～隨性」
Photo from 甄妮Facebook
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
欣宜最新照曝光，身型明顯消瘦不少？！疑受情緒病困擾
10 Aug 2023
欣宜停工幾個月，有傳連經理人都搵佢唔到，情況令人擔心。近日有網友喺網上分享於餐廳偶遇欣宜嘅相片，相中欣宜身型瘦削咗唔少，有指佢因為情緒病而神隱數月，網民都好關心佢嘅近況。
欣宜由4月開始停工，無再喺公眾面前出現，多月嚟曾傳出佢因為情緒病而需停工休息，令外界擔心佢嘅近況，而經理人林珊珊亦證實欣宜的確係養病之中。
早前李玟（Co Co）輕生離世，佢嘅姐姐就透露欣宜亦同樣有抑鬱症，神隱多時嘅欣宜雖未有出席任何公開活動，但佢嘅好朋友Benjamin就喺IG分享欣宜嘅近況。
片中可見欣宜坐喺電子琴前自彈自唱，雖然只有背影，但係見到欣宜有朋友陪伴，狀況都ok。
最近有網友喺小紅書晒相，分享自己到香港第一日就喺餐廳度遇到欣宜，佢表示：「打擾人家吃飯真的很不好意思啊」，相中欣宜明顯消瘦唔少，但依然保持笑容。
Photo from 小紅書
唔少網友都留言指欣宜瘦咗好多，希望佢幸福，又表示最緊要佢健康：「最緊要人無事」、「還是希望開開心心健健康康的，甚麼都不重要，只要人還在。」
Photo from 小紅書
Photo from 小紅書
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
