瑜伽褲港媽住公屋真相曝光！原來真身係網紅，自爆唔係香港人？！
早前有一位著瑜伽褲嘅港媽接受內地街訪掀起熱議，原來佢本人係一名網紅，佢近日為喺香港成為話題呢件事拍片回應，佢更自爆並無香港身份證，之所以拍攝香港公屋片都係有原因！
瑜伽褲港媽先前因為分享東涌海景公屋，指面積約600呎、有3房，一個月租金約HKD$2,000，隨即掀起網民熱議。之後佢嘅其他街訪亦受到關注，其中一段影片標題為「香港寶媽在深圳的60平房子」，疑似公開咗佢位於深圳嘅房產。
影片中佢指自己唔使交租，因為已花大約400萬買咗樓，又透露每月收入約3萬！有網民就指出瑜伽褲港媽疑似已同香港嘅丈夫離婚，一人獨力撫養子女。
Photo from 抖音
不過原來呢位瑜伽褲港媽有開抖音，並有近37萬粉絲，佢嘅帳號簡介就指自己29歲：「福建龍岩人在廣東 模特，演員，影視可合作」，近日佢更拍片回應「住公屋」嘅報道。
Photo from 抖音
佢表示：「沒想到我能在香港這麼火，連續半個月上香港頭條，拍個廣告而已，其實我至今都沒去申請香港身份證」影片中佢提到自己喺內地拍咗幾年廣告都不溫不火，估唔到今次會引起咁多人關注。
Photo from 抖音
佢指之前拍嘅「內地街訪」都只係「劇本廣告」，根本無諗過自己同以前一樣只係拍下廣告就有咁多報道，令網民關注佢嘅真實身份。佢更表示如果自己喺香港開社交帳號應該都會有唔少「流量」，可惜自己唔係香港人，去香港要拎通行證，工作太麻煩，感慨香港嘅報道無法帶到內地，為佢增加工作機會。
Photo from 抖音
Photo from 抖音
Photo from 抖音
其實佢嘅抖音平時都分享咗好多拍廣告嘅片段，不過佢就表示唔想玩香港嘅社交軟件，所以都無開IG嘅打算，而且佢本人根本就無香港身份證，所以同港人結婚拎身份證呢個傳聞係假！
Photo from 抖音
Photo from 抖音
Photo from 抖音
Photo from 抖音
Photo from 抖音
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
公屋瑜伽褲港媽背景曝光！疑與丈夫離婚，於深圳花400萬買樓？！
5 Oct 2023
近日一位著瑜伽褲嘅港媽接受內地街訪，公開月租2000嘅海景3房單位引起熱議。有網民發現港媽之後仲有接受另一個內地街訪，更喺深圳擁有價值400萬房產！有指佢同老公已離婚，以前曾經做過代購。
港媽分享嘅住所疑似係位於東涌嘅公屋，客廳同房間都望到海，全屋約600呎，共有3房，包括主人房、一對子女嘅睡房及菲傭房，港媽表示一個月租金約HKD$2,000，隨即掀起網民熱議。
有網友就發現原來呢位瑜伽褲港媽喺街訪上線後不久，又接受咗另一個街訪，佢依然係著瑜伽褲出鏡，影片內容同前一個街訪差唔多，但就公開咗廁所，港媽透露每月電費要二、三千，拍得住房租。
即睇更多人氣文章：
內地網紅拍片介紹香港近2千萬大屋 內地網民批空間狹窄：寧願住一世農村
【iOS 17懶人包】9.19推出正式版！12大新功能：個性化來電畫面+AirDrop大升級！3款型號無法升級！
喺公屋討論區有網民就指港媽已同香港嘅丈夫離婚，又公開疑似係港媽前夫嘅微博截圖及合照。亦有人指港媽2018年有做過代購，之後就結婚生小朋友，不過未知真偽。
其實喺一個月前港媽仲接受內地其他嘅街訪，影片標題為「香港寶媽在深圳的60平房子」，影片中佢指自己唔使交租，因為已買咗400萬左右嘅房子，又透露每月收入約3萬！
片中港媽分享屋企有好多收納櫃，仔女嘅房間同樣係一個碌架床，屋企有唔少玩具，仲養咗2隻貓。
雖然港媽表示仔仔同女兒都喺香港讀書，但從佢深圳及香港兩間屋嚟睇，佢應該係住深圳多，深圳嘅屋企有養寵物之餘，亦有明顯嘅生活氣息，相反香港嘅屋企較少擺設，連玩具都無乜，似乎唔係長期有人住嘅地方。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港媽晒3房海景公屋，6百呎月租$2200！網友：4個人住三房？！
3 Oct 2023
唔少內地人都對香港公屋十分好奇，近日就有內地街訪搵咗一位身穿瑜伽套裝港媽，「開箱」佢一家四口住嘅公屋，佢表示屋企面積6百呎，月租$2,000幾，3房一廳，仲可以望到海景，掀起熱議。
近日小紅書有網民發佈名為「探訪香港月租2000多的公屋」嘅短片，發佈短短幾日已有超過5.6萬個讚好、逾3,000個留言。影片一開始主持就拎住支咪喺街上「隨機」搵咗一位玩緊手機、著住瑜伽套裝嘅女士。
主持一嚟就問人喺香港房租幾多，瑜伽look女士就話$2,000幾，並表示租金咁平因為係公屋嚟。主持隨後提出可唔可以去參觀佢屋企，瑜伽look女士就帶佢哋上去，喺大堂時瑜伽look女士表示自己所住嘅大廈共40層，一層有8戶。
一入門主持就感歎屋企好大，瑜伽女士就指喺香港嚟講有咁大嘅屋企算好出奇，不過因為佢屋企人比較多，所以分配到一間較大嘅公屋。瑜伽女士稱屋企面積約600呎，有三房一廳。
即睇更多人氣文章：
內地網紅拍片介紹香港近2千萬大屋 內地網民批空間狹窄：寧願住一世農村
【iOS 17懶人包】9.19推出正式版！12大新功能：個性化來電畫面+AirDrop大升級！3款型號無法升級！
另外家中更可以望到海景同纜車，景觀非常好，估計應該係位於東涌。佢亦表示分到呢間屋真係非常幸運。之後瑜伽女士就介紹主人房，佢指主人房喺內地嚟講係好細、好窄，但喺香港就已經算「很不錯」。
另外一間房就擺咗一張碌架床，瑜伽女士透露自己有一仔一女，都住喺一間房，仲有一間保姆房，本來係留畀菲傭住嘅，但因為佢依家做全職媽媽，所以就無再請菲傭，其實呢間房景觀超好，床邊窗戶可以望到海景。
瑜伽女士表示好多香港家庭都會請菲傭，一月唔使5,000元：「在香港隨便出去打份工都有2萬左右。」唔少內地網友指除咗面積比較細，其實香港公屋設施真係唔錯，租金又平，加上佢指香港人工好多都有2萬，令唔少內地網友大感羨慕。
不過亦有人質疑佢一家四口點解可以分到3房戶型，而且初次見面就帶一班人上屋企都好唔合理，因此有網民認為係有劇本。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
