【葵涌美食嘉年華2023】開鑼直擊超多人　狂搶$1蚊筍貨+超值福袋　25款掃街必食推介

By Giann on 28 Oct 2023

香港美食嘉年華開幕，一連9日在葵涌運動場舉行，首日早上一開場有市民即刻衝去狂搶$1筍貨。嘉年華設4大主題展區，超過300個攤位，由食品飲料、參茸海味、糧油麵食、家電及廚具、美容及保健產品等一應俱全。必搶限定1蚊、低至1折優惠、多款3折以下「神秘超值福袋」。熟食區事隔4年重臨，有大量美食攤檔，最啱邊掃街邊打卡。提提大家入場記得打卡換禮物，在指定時間快閃免費攞雪糕，現場還有大抽獎、免費表演、攤位遊戲、工作坊及萬聖節主題活動，最啱愛吃、愛買、愛玩的你，快來享受嘉年華熱鬧氣氛。

Photo from PressLogic

必搶限定1蚊、低至1折優惠

$1臘腸、臘鴨髀
$15無激素慢熬豬骨湯2包
$30天白花菇
$48鮑魚5頭
$60龜苓膠及川貝枇杷膏套裝
$100椰子紅棗雞湯5包(原價: $300)
$188 家典牌電炒鍋(30厘米)連蒸架

Photo from PressLogic

掃貨必買購物車仔、海味、零食

醬油購物車套裝向來受歡迎，車仔還可拉出小座位。另一款鮑魚購物車套裝同樣超抵，值得入手。另有$100/5罐鮑魚、$100/3盒湯包夠滋潤、$55/5款花雕酒套裝、$230/2盒靚花菇。

豆乾小食超惹味，有得即場試食啱先買。香脆零食$100有4包，吸引大批市民試食。肉骨茶$100/3包、榴槤朱古力$88/2盒。

健康飲品$50/6支，還可試飲，味道清爽無負擔。生鐵鑊煎Pan同樣有優惠，還有$100有9對的韓國襪。

Photo from PressLogic

25款掃街必食推介

台灣蚵仔煎大王$40份，大大份超抵食大受歡迎。$30台灣雞翅包飯，有辣有唔辣任你揀。佛跳牆$48，入味又香濃。麻辣鴨血$40份，香氣十足。台南正宗蚵仔手抓餅$40。超正宗重慶涼皮，煙韌得來又掛汁。即燒生蠔、燒扇貝$55有4隻，鮮味彈牙。$40台灣腸惹味有咬口。

BB生煎包$40有15粒，一口一件爆汁Juicy。咖喱三寶$40一碗、巨型魷魚鬚$40、章魚小丸子$30即叫即整、拉絲瀑布粟米$40、蛋包腸$30、薯片串串$100/3份、北京填鴨煎餅$50。

飲品和甜品方面，香水檸檬茶$40、爆漿年輪$48、港式楊枝甘露$30、港式奶茶$20夠香滑、特大原隻西瓜汁$40！現場還設少量座位讓大家享受美食。

Photo from PressLogic

超多免費禮物：紀念扇＋雪糕

嘉年華舉行期間，入場人士可獲送嘉年華紀念扇乙把，每日限量2,000把，派完即止。每天分3段時間(下午1時、3時及5時)向入場人士快閃派發免費雪糕，每時段限100份；而每晚7時後，向入場人士派發500張免費雪糕券，派完即止。另外，入場人士只需用指定濾鏡拍下美食嘉年華現場實景並上傳至社交平台限時動態及tag@hkfoodcarnival並 hashtag 「#happy10hkfc」後，即可到現場「禮品換領處」領取禮品乙份(數量有限，送完即止)。