周柏豪出席內地婚禮收天價酬勞！僅唱2首歌，網民震驚：新人咁有錢

娛樂新聞

By Jennifer on 30 Oct 2023

Digital Editor

去年參加內地綜藝節目《披荊斬棘2》嘅周柏豪，最近獲邀出席深圳嘅一場婚禮，並演唱兩首歌曲。佢著住黑色西裝出現，好帥氣嘅形象同賓客親切互動，氣氛非常之好，據指佢嘅酬勞非常高，掀起網民熱議。

Photo from 小紅書

周柏豪近年北上發展，先係出演《披荊斬棘2》，之後再加入《大灣區哥哥》，成功令佢喺內地人氣急升。雖然佢之後未有再參加其他綜藝節目，但喺內地知名度上升後，吸金力亦非同凡響！

Photo from 小紅書

根據網上影片，周柏豪近日出席咗一場卡梁圳舉辦嘅婚禮，擔任婚禮歌手。有傳佢係新娘子嘅偶像，所以不惜花錢請佢嚟擔任婚禮歌手。

Photo from 小紅書

據有份出席婚禮嘅賓客表示，周柏豪分別唱咗《我的宣言》同埋《最好不過》兩首歌，佢著住黑色西裝，梳咗經典嘅比比鳥髮型。佢入場嘅時候伴隨音樂唱歌，一邊唱一邊走上台，非常親民地同大家揮手打招呼，甚至半蹲同觀眾握手，氣氛十分之好。

Photo from 小紅書

參加婚禮嘅網友表示，周柏豪嘅演唱令賓客非常投入，而新娘子更係心花怒放，喺大合照時靠近對方身邊。有指周柏豪唱兩首歌，合共收到咗70萬人民幣（約75萬港幣）嘅酬勞。

Photo from 小紅書

有網友將周柏豪同之前擔任婚禮歌手嘅方力申比較，有網友認為主人花70萬人民幣請周柏豪係值得嘅，因為佢唱嘅歌曲有好意頭，絕對物有所值。相反，方力申當時唱《好心好報》可能會給人唔吉利嘅印象。

Photo from 小紅書

除此之外，呢場婚禮仲請咗林盛斌（Bob）做主持，有傳佢嘅主持費用已經超過六位數，反映主人家財力深厚。

Photo from 小紅書

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

方力申出席內地婚禮唱失戀歌！歌詞被指攞景，網友：大吉利是！

6 Oct 2023

方力申（Alex）最近獲邀出席佛山的一場婚禮並獻唱，結果卻選擇了自己和鄧麗欣（Stephy）的經典歌曲。這段影片被一位網民上傳到小紅書上，引起了廣大網友的熱議。

影片中，方力申身穿藍色西裝，站在舞台上演唱歌曲。現場觀眾表現非常投入，紛紛拿起手機拍攝留念。然而，一些網民卻開始嘲笑方力申是否「贈興」，表示結婚請他真是大吉利事，甚至有人笑言「完了吧，如無意外」。由於方力申參演葉念琛的電影情節實在深入民心，有網民指總感覺婚禮或會播放出一些不知道什麼前任的偷食片段，然後親朋好友要求退回人情。

除了邀請方力申擔任表演嘉賓被指「大吉利是」外，佢所獻唱的歌曲也令人意外，佢選擇了《好心好報》，歌詞：「落力為你好得不到分數，你決定要跟他日後同步，他不懂愛惜你我樂意操勞」、「對你好無人希罕我好無人欣賞我好原來你習慣他一套」等都是以前任男友的角度出發，令不是網友直言：「係咪前度派嚟攞景」、「揀錯歌啦」