雯雯叕出post要同張致恒離婚 決絕要簽紙：小朋友就交比社工？！
張致恒（Steven）與其太太區燕雯（雯雯）被封「離婚界KOL」，經常季節性鬧離婚。雯雯更是不時在社交平台數落Steven，又爆一家陷入經濟困境生活艱難，幸好其後細仔出世，二人關係亦似有緩和。不過昨日（5日），雯雯居然又第N次出post嗌離婚，今次語氣相當決絕，甚至有意放棄4個小朋友？！
Photo from YOUTUBE截圖
Steven與雯雯結婚4年，當中雙方經常因個性及經濟問題鬧離婚。然而自細仔出世後，二人為生計又開設會員制收費IG帳戶，又開設YOUTUBE頻道，期間不時同框落力賺錢，更曾分享過一家人到免費公園遊玩片段，讓外界認為兩人似是關係緩和。
Photo from IG@aumanmannnn
怎料昨晚（5日），雯雯突然於IG發限時動態，稱：「我已經可以完完全全無顧慮咁講，我決定離婚，下一次就係可以Post簽紙一刻。至於小朋友，就交比社工同有關人仕決定去向。」這次一直視4名孩子為命根的雯雯，竟然以決絕的語氣，並表明願意放棄4個小朋友，而誓要與Steven離婚，令網友震驚！
Photo from IG：@STEVENCHEUNG
而同日較早時間Steven就亦有發文，不過就是為男士保健品發文進行宣傳，帖文中更寫到：「作為一個已婚男人好多時候又要照顧家人同小朋友又要工作，搞到成日都冇覺好瞓，仲要好容易捱壞身體，所以點都要食返一啲保健品嚟強身健體」，強調自己是個有承擔的男人，就令不少網民質疑兩人離婚的真確性。
Photo from IG：@STEVENCHEUNG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
張致恒蛀牙出post求牙醫贊助 網友怒轟厚面皮建議：快手生多個攞2萬蚊去睇牙
30 Oct 2023
張致恒（Steven）與其太太區燕雯（雯雯）結婚以來四年抱四，被封「生仔界KOL」。但養小朋友花費大，令兩夫妻生活費亦看似十分緊拙，時常出Post呻無錢。早前就有雯雯於IG求救，表示：「能夠最快賺到錢嘅工作，歡迎搵我！」及「急需賺快錢，救命！」，而近日就到Steven出post求牙醫贊助睇蛀牙，被網友怒轟厚面皮！
Photo from IG@stevencheung截圖
近日與太太雯雯轉戰Youtube界的Steven，突然在IG限時動態上出Post，提到：「咁大個仔第一次蛀牙，睇牙好貴有冇贊助？」。此Post一出馬上引起網友熱議，有人怒轟Steven搲贊助行為厚面皮：「其實我真係好佩服d人點解可以咁X厚面皮」、「厚面皮到咁都真係佩服」、「補牙錢都要乞？」。
Photo from IG@stevencheung
同時亦有網友幫Steven諗計，建議：「Dm許廷鏗睇下佢肯唔肯義診」、「自己剝咗佢囉」、「快手生多個咪有錢睇囉」、「再生多個有2萬」、「生完咪有2萬睇牙醫囉」、「即刻生一個有兩萬」等等。
Photo from IG@stevencheung
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
