黃心穎晒獨角獸水泡疑暗寸，湯洛雯大方回應！透露與馬國明婚禮細節

準人妻湯洛雯（靚湯）今日出席活動，分享咗婚禮籌備事宜，佢表示已進入最後階段，透露姊妹團人選。被問到未婚夫馬國明舊愛黃心穎疑似暗寸佢，靚湯亦大方回應。

Photo from TVB

黃心穎最近喺Instagram上分享咗一張水著泳衣相，引起咗大家嘅關注。呢張相係佢同RubberBand鼓手泥鯭（黎萬宏）結婚，成為人妻後第一次公開晒泳衣相。

Photo from 黃心穎IG

相中，黃心穎著藍色比堅尼大晒長腿，並留言：「網紅唔易做」，不過相片最引人注目嘅係獨角獸水泡。因為獨角獸係湯洛雯嘅最愛，湯洛雯同黃心穎前度馬明由公開戀愛起就常以獨角獸同小馬公仔指代自己。

Photo from 黃心穎IG

Photo from 湯洛雯IG

Photo from 湯洛雯IG

黃心穎早前已被指想趕喺馬明靚湯前結婚，今次佢喺IG分享嘅照片又被猜測係想表達「打倒獨角獸」，疑似暗寸靚湯，即刻成為大家討論嘅話題。

Photo from 黃心穎IG

即睇更多人氣文章：
港人坐廉航手提行李放櫈底被拒 憤怒出Post公審空姐反被網民鬧爆！
日本8大超靈驗戀愛神社！祈求愛情、好人緣！斷惡緣都得？想脫單必去！附交通詳情

Photo from 黃心穎IG

準人妻湯洛雯出席公開活動時被問到相關新聞，佢即大方回應：「大家唔好咁敏感」，又表示依家各自都有新生活，黃心穎結婚自己都祝福對方。靚湯早前就表示雖然婚禮仲未舉行，但馬明已改口叫佢「老婆」，靚湯笑言：「佢好順口呀！」

Photo from 湯洛雯IG

Photo from 黃心穎IG

靚湯又透露婚禮籌備工作已去到尾聲，預計於聖誕節前舉行婚禮，地點將會選喺亞熱帶地區，但具體的結婚日期和地點目前仍然保密，只邀請少於80位嘉賓參加。靚湯表示姊妹團共有6人，妹妹湯樂瑤會擔任伴娘，其他人包括圈中好友以及佢嘅中學、大學同學。

Photo from 湯洛雯IG

Photo from 湯洛雯IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

馬國明與湯洛雯結婚後戒睇女優！爆婚禮細節，狂讚未婚妻呢樣最吸引

27 Oct 2023

馬國明同湯洛雯即將步入結婚殿堂！近日，年屆49的馬國明接受傳媒訪問時透露了婚禮詳情，並大讚未婚妻「好靚」。一向坦誠的馬明更揚言以後不用再看愛情動作片！

早前馬明與靚湯歐遊，靚湯亦分享了旅遊影片放閃。馬明直認他們去法國拍婚紗照，又大讚未婚妻靚湯換了6、7套衫「好靚」，連選哪一些照片都成為煩惱。

馬明更打破了之前的「保密令」，透露了一些婚禮細節，他表示跟靚湯會在外國舉辦小型婚禮，地點暫定東南亞。馬明指在外國舉行的婚禮預計只會邀請兩家親人參加，相信出席人數不多。

即睇更多人氣文章：
英國大學開設魔法碩士學位課程！做哈利波特不是夢！
【日本列車旅遊2023】8大日本必搭特色觀光列車！移動式星級酒店+歎米其林料理+全景式展望飽覽沿途絕景！

獲封「荀盤」的馬明即將「封盤」，他大爆未婚妻靚湯與他十分合拍，又愛撒嬌和「黐身」，馬明直言自己非常受落，好難得能找到與自己合得來的另一半。

之前曾公開表示「電腦對我嚟講只係用嚟上網睇新聞、睇波同埋上鹹網」言論的馬明獲網民激讚是敢做敢認的真男人，佢稱自己「咁大個人同你講無上過鹹網，你都唔信啦」，不過他坦言婚後就不會再看愛情動作片！

馬明指現在正忙於拍劇，每日只能睡3、4小時，連婚禮都忙得沒時間籌備，根本沒時間看愛情動作片，加上即將榮升人夫，他直言有老婆：「唔使睇（AV）啦！」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）