內地00後入住老人院！大讚包食包住仲有帥哥伺候：過神仙日子

時事熱話

By Jennifer on 21 Nov 2023

Digital Editor

唔少老人家年紀大都會入住養老院，方便有人照顧。近日內地兩位女大學生就入住老人院，體驗當地設施。佢哋大讚老人院環境超好，飯菜美味，又多活動參加，仲有靚仔伺候，直言開心到唔想返屋企！

Photo from 小紅書「瑤妹」

小紅書一位內地女大學生「瑤妹」近日就同好朋友拍咗vlog「00後住養老院」，體驗老人院生活。首先佢同朋友仔就獲安排入住雙人房，佢哋一入去參觀就讚不絕口。

Photo from 小紅書「瑤妹」

首先房間設有獨立洗手間連浴室，浴室亦有坐椅方便老人坐喺度沖涼。雙人房係兩張單人床，房間佈置得十分雅致，似酒店多過老人院，窗外亦有草地，景觀不錯，瑤妹大讚正過大學宿舍。

Photo from 小紅書「瑤妹」

之後老人院負責人就表示聽日朝早會幫佢哋將早餐送到入房，瑤妹即問：「我早上起不來，可以有個叫醒服務嗎？」負責人亦回應：「有呀！」瑤妹朋友追問：「方便安排一個帥哥嗎？」負責人爽快答應：「當然可以！」令兩人心花怒放。

Photo from 小紅書「瑤妹」

瑤妹同好友之後再參觀老人院其他設施，可見老人院有3層，空間算大亦十分開揚，喺屋頂仲有種植蔬菜，瑤妹體驗做農夫摘菜非常興奮。

Photo from 小紅書「瑤妹」

饍食方面，有四餸一湯，瑤妹同妹友都表示：「這也太豐盛了！」讚老人院提供嘅食物質素好過大學canteen好多。

Photo from 小紅書「瑤妹」

之後瑤妹佢哋喺老人院遇到一位炒股票嘅婆婆，大讚呢度有好多活動，包括打麻將、唱K、桌球、畫畫、健身等，令佢哋樂而忘返，直言開心到唔想返屋企：「包吃包住，還有帥哥每天伺候你，這是甚麼神仙日子啊？！」

Photo from 小紅書「瑤妹」

不過瑤妹並未透露入住老人院每月嘅費用，有內地網友留言：「我想知道多少錢」，有人指大概3,000～4,000一個月，唔少網民即指：「住在這好棒的樣子」、「我也要去養老院了」、「我老了想住這種地方，吃喝玩樂都包了」更有唔少人tag埋好友稱退休後一齊入住老人院！

Photo from 小紅書「瑤妹」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

內地賓客婚宴驚遇「11蚊飯盒」一葷兩素加煎蛋超寒酸！網友評：要被罵一輩子

5 Nov 2023

相信大家都去過不少婚宴，而大多數婚宴的經典菜色不外乎乳豬、海鮮、魚翅等有睇頭的食物，但大家又有沒有想過飯盒都可以係婚宴菜色呢？早前就有一名內地網友分享，稱自己到武漢酒店參加婚宴時發現餐桌僅提供「11蚊飯盒」，內容只有一葷兩素加煎蛋令其相當震驚！

Photo from 《我要做model》劇照

近日，有一名內地網友於網上上傳影片，分享自己在武漢參加婚宴時的奇遇。他表示早前自己受邀前往武漢一家超豪華酒店出席婚宴，怎料抵達現場後卻驚見餐桌上供應的並非豐盛菜餚，而是外購的一份份飯盒，令網友及在場賓客都感到十分驚訝。

Photo from 網上影片截圖

Photo from 網上圖片

網友透露，那些飯盒的菜色與市面上的無區別，附有一項葷菜、兩項素菜以及一塊煎蛋，於是猜測每個飯盒價格約為10元人民幣（約11港元）至15元人民幣（約16港元）左右。同時網友亦指出現場完全沒有酒水提供，不禁令人覺得宴會略顯寒酸。

Photo from 網上影片截圖

Photo from 網上圖片

事件曝光瘋傳後亦引起網民紛紛討論，有人批評：「這也太節省了，要我隨禮人不去了」、「我們要這樣，要被罵一輩子的。」，但亦有人認同做法稱：「這樣挺好，酒席太浪費。」、「挺好，省得大家準備塑料袋，搶不過人家。」。更有當地網民解話，稱事發地是應城，當地婚宴不只一餐，會是中午吃便當，晚餐時才會擺下宴席，所以才會出現影片中眾賓客一同婚宴吃飯盒的場景。