林夏薇豪搭私人飛機陪老公出差！闊太行頭晒奢華生活成人生贏家

林夏薇自從奪得視后後事業發展十分順利，早前佢更遠赴美國參加SAIFF影展並奪獎！林夏薇最近又陪老公出行，今次佢更乘搭私人飛機，一身貴婦行頭更掀起網民熱議，封佢為「人生贏家」。

Photo from 林夏薇 IG

林夏薇於2021年《萬千星輝頒獎典禮》奪得「最佳女主角」榮升視后，之後佢喺國際上亦屢獲殊榮，今年《亞洲影藝創意大獎》佢就獲得「香港地區最佳女主角」，早前又到美國出席「Stars Asian International Film Festival（SAIFF）」，再奪「年度女性影視人大獎」。

Photo from 林夏薇 IG

攞獎之餘林夏薇又同佐藤健等男神合照，成個行程都非常充實。事業得意嘅林夏薇亦無忽視家庭，近日佢就陪金融才俊老公莫贊生出埠公幹。

Photo from 林夏薇 IG

即睇更多人氣文章：
床蝨如何預防？有床蝨點處理？K Kwong分享教學，指不必大驚小怪
去日本壽司老店唔好叫三文魚？日漫畫家吐槽行為丟臉 網友指光「這樣」已是大鄉里表現！

林夏薇喺IG分享與老公嘅合照：「忙完自己工作，再陪家人工作，順便當休個假，馬上再進入忘我創作狀態，我很期待…🦹 #黑色月光」，佢同老公就係坐身後嘅私人飛機出差。

Photo from 林夏薇 IG

林夏薇出門行頭唔惹少，全身上下都係名牌，最吸睛嘅當然係佢孭住嘅Hermès黑色Mini Kelly，炒價達$20～30萬！

Photo from 林夏薇 IG

Photo from 林夏薇 IG

Photo from 林夏薇 IG

林夏薇伯父係有「廈門李嘉誠」之稱嘅林華國，有指佢爸爸亦有幫手打理生意。林夏薇金融才俊老公莫贊生財力亦不容小覷，有傳佢老公身家高達幾十億。林夏薇本人亦有同人合作經營飲食生意。林夏薇同老公住喺位於太平山頂，望到維港海景嘅15億豪宅！

Photo from 林夏薇 IG

Photo from 林夏薇 IG

Photo from 林夏薇 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

林夏薇15億豪宅曝光！坐落太平山頂望維港海景 Gym房/大泳池/琴房

29 Jul 2020

林夏薇同老公結婚6年，婚後佢接劇少咗，經常陪老公四圍飛傾生意。佢不時喺社交平台分享生活點滴，意外公開佢位於太平山頂，望到維港海景嘅15億豪宅，入面有Gym房、大泳池、琴房等。

林夏薇2015年與金融才俊莫贊生結婚，有指佢老公身家高達幾十億。林夏薇婚後將精力放喺家庭，接劇少咗，經常陪老公四圍飛傾生意。

佢不時喺IG、Facebook度分享生活點滴，意外曝光佢位於太平山頂嘅豪宅，有傳媒估計約值15億！

山頂獨立屋坐擁維港無敵海景，飽覽夜景，仲睇到新年放煙花添！

客廳都勁大，聖誕節放到聖誕樹，農曆新年放到桃花樹，喺客廳跳舞都無問題！

廚房係開放式，設計簡約，有放紅酒。餐枱都勁靚。

家中有健身房，放咗跑步機等簡單健身器材，連狗狗都有得跑！

唔止Gym房，連琴房都有！

浴室超大！有企缸同浴缸，晚上浸浴勁寫意。

大型露台，可以放到水池同3隻愛犬一齊玩水～

屋企有大陽台放到水池，但家中仲有超大型泳池！泳池邊更有沙灘凳可以曬日光浴。

另外又有露天花園，可以同三五好友BBQ聚會～

圖片來源：林夏薇IG、微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）