何依婷結婚返TVB「洗樓式」狂派300張餅卡 竟遭樂易玲埋怨 告誡做咗人妻唔好咁惡？！

TVB上位小花何依婷，最近憑台慶劇《新聞女王》中飾演的主播「徐曉薇」人氣急升，而早前她亦宣布婚訊將與圈外男友下月結婚，何謂事業愛情兩得意！隨著結婚在即，何依婷近日就返TVB「洗樓式」狂派300張餅卡，然而期間居然遭無綫高層樂易玲埋怨，告誡要做咗人妻唔好咁惡？！

Photo from IG@reginahyt

Photo from IG@reginahyt

何依婷本月6日驚爆婚訊，於社交平台上大晒巴黎婚照，宣佈將與圈外男友下月在外地舉行小型婚禮，而近日她就回TVB「洗樓式」狂派餅卡，與同事分享喜悅。

Photo from IG@reginahyt

Photo from 《TVB娛樂新聞台》截圖

當天《TVB娛樂新聞台》亦有進行現場直擊，只見派發首站何依婷就去了TVB助理總經理（藝員管理及發展）樂易玲辦公室，樂易玲甫見對方便笑着埋怨稱︰「我預咗啦你唔請我，你唔請我食餅我就會嬲。」，令何依婷一臉尷尬隨即耍冧：「咁你而家唔好嬲啦。」其後二人相擁後，樂易玲對鏡頭續道︰「恭喜佢！做人妻喇，唔好咁惡、好奸㗎。」，對此何依婷指好一味傻笑，笑稱以後要做「善良角色」來打圓場。

Photo from 《TVB娛樂新聞台》截圖

Photo from 《TVB娛樂新聞台》截圖

Photo from 《TVB娛樂新聞台》截圖

即睇更多人氣文章：
內行網友神解析阿華田、美祿之間差異 原來除了味道差別關鍵竟是「這個」？！
【由布院之森2023】預約、劃位方式、票價、路線攻略！玩轉九州溫泉小鎮必搭觀光列車！

其後訪問中何依婷就表示自己一共準備了300張餅卡，指：「因為覺得開心事，所以買餅卡時都買多啲返嚟同同事Share呢個快樂，始終未必有咁多位請到咁多人。」據悉何依婷早前已向傳媒爆料婚禮屆時不會大排筵席，只邀請摯親好友，姊妹團則有張秀文、蔡嘉欣、陳詩欣及鍾晴。

Photo from 《TVB娛樂新聞台》截圖

Photo from IG@reginahyt

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

十月初五的月光｜何依婷被指揸名車住豪宅！入行4年極速上位！親解忽然富貴原因

1 Dec 2021

TVB翻拍經典劇集《十月初五的月光》由港姐亞軍何依婷擔任女主角，入行僅4年嘅佢獲力捧做女一，但演技就備受批評，更有拍佢最近行頭升呢，住海景豪宅、出入揸名車、請助手，不過佢就否認忽然富貴嘅傳聞。

Photo from TVB

何依婷奪2017年香港小姐亞軍後入行

何依婷於2017年參選香港小姐競選，當年決賽佢不敵雷莊?，失落后冠。但奪得亞軍嘅佢獲TVB安排入讀藝員訓練班，並簽約成旗下藝人。

Photo from TVB

2019年佢主持《學是學非》第六輯開始受關注，之後都有陸續出演電視劇，直到最近播出嘅兩套「台慶劇」《星空下的仁醫》、《十月初五的月光》，佢都擔任重要角色。

Photo from TVB

入行4年獲力捧，《星空下的仁醫》戲份重

喺《星空下的仁醫》中佢飾演「游芝樺（Esther）」，唔止因病要坐輪椅惹人同情，又與鍾嘉欣、鄭嘉穎上演三角戀，戲份唔少。

Photo from TVB

何依婷更喺《十月初五的月光》首演女一，又一人分飾三角，絕對係演技大挑戰，入行短短4年就已獲公司力捧，極速上位躋身女一行列。

Photo from TVB

《十月初五的月光》躋身女一，何依婷演技被批

不過佢首次做女一，網民反應麻麻，指佢表情生硬，聲線刺耳，令觀眾睇得好辛苦，難以投入，演技無得同阿佘比。何依婷坦言自己把聲真係幾高，又稱會留意自己有無進步空間：「點樣都會有人鍾意，點樣都會有人唔鍾意，最緊要做好自己。」

Photo from TVB

Photo from TVB

被指住豪宅、揸$50萬名車

雖然被批演技唔夠好，但最近有指佢做女一，行頭亦大升呢，唔止由太子搬入紅磡$3,000萬維港海景豪宅，更揸50萬名車出入、以$2萬人工聘請助手。

Photo from 何依婷IG

Photo from 何依婷IG

何依婷就稱報道令佢嘅家人朋友個人生活曝光喺人前：「其實佢哋無必要成為大家討論嘅話題。」，佢表示感到內疚，覺得自己可以做好啲，保護身邊嘅人。

Photo from TVB

何依婷親解「忽然富貴」原因

佢又一一否認忽然富貴嘅傳聞，佢表示車嘅話題都講咗好多年，其實係好舊嘅二手車，買返嚟嘅價錢唔貴，之前佢都曾經喺IG Story解釋架車係佢用工作3年嘅儲蓄買，比新車價平4倍。佢又指助手其實本身係朋友嚟，只收友情價。

Photo from 何依婷IG

Photo from 何依婷IG

Photo from 何依婷IG

何依婷表示自己無錢買樓，依家住嘅地方只係租。雖然唔少離巢嘅藝人都指TVB底薪好少，但何依婷獲公司力捧，相信工作量唔少，計返出騷應該都有唔錯嘅收入。

Photo from TVB

Photo from 何依婷IG

對於被指忽然富貴，何依婷稱：「無辦法，我諗入行要面對嘅係所有嘢都要畀人討論，我唯有在意少啲、介意少啲。」，但指家人朋友係佢嘅底線，希望唔好打擾到佢哋。

Photo from TVB

相關文章：蔡思貝搬入西貢獨立屋/蔚雨芯做老闆有幾千呎辦公室！圈中10位突然富貴女星

相關文章：《姊妹淘》主持相約主題樂園齊晒名牌！富貴行頭大比拼！盤點眾人Hermès袋珍藏

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）