早霸王｜外判司機爆TVB一線男藝人態度差勁孤寒擺架子假萬歲網民列3大可疑人物！

By Macy Sun on 30 Nov 2023

由森美、小儀及梁嘉琪主持的電台節目《早霸王》，近日有自稱前TVB外判司機的聽眾來電，爆料工作期間曾遇某位一線男藝人，對方態度差兼勁孤寒。不但在未紅前擺架子，更扮豪氣假萬歲實質超小器，令森美和梁嘉琪都紛紛認為該男藝人冇大將之風。而節目結束後亦引起網友討好奇心，發揮偵探精神列出2大線索，歸納出3大可疑人物！

Photo from 《早霸王》Facebook

《早霸王》近日推出全新環節《What the工》讓聽眾在大氣電波中申訴打工仔委屈，而日前就有一位聽眾黃先生自稱曾做TVB外判司機向電台爆料，指自己負責駕駛外景車，表示曾接森美及嘉琪，大讚：「你哋2個非常好，very good！」。同時他就透露曾接載一位現時已是一線的男藝人，當時男藝人初入電視台不久，指對方要拍外景飲食節目，同行有導演、PA、攝影師及撰稿員。男藝人拍完之後便上車休息，但因為工作人員要搬器材上車，於是他把車移一移，但竟遭對方大鬧︰「你做乜嘢？」及後眾人上車離開，當駛至荃灣時，其他人落車，「佢仲坐喺中間繞埋手，擘大對腳坐喺度，咁我咪開車，佢突然好大聲鬧：『你做乜嘢呀？我都未落車！』我心諗，一線都冇你咁樣啦！」

Photo from 《早霸王》Facebook

其後黃先生又再爆料，透露該名一線男藝人的孤寒行為：「有次出外景，大家去餐廳食飯，（公司）會有30蚊飯錢準貼。一線藝人心情好，喺現場大大聲話『今日我包底（繳付全場人士扣除津貼後的飯錢）』。咁我哋咪食，但事後佢同劇務講：『呢6個唔係直屬TVB員工，點解要請呀？』劇務之後同我講：『唔怪得之，佢以為我呃佢錢啦！』」森美聽聞十分驚訝說：「咁又唔OK喎！」嘉琪亦說：「連我呢啲下線都請啦！」

Photo from 《TVB娛樂新聞台》截圖

黃先生續說：「咁我同劇務講，唔緊要，每人都係凸十幾蚊，我畀夠20蚊一個，6個人即係120蚊，多咗我請佢（一線藝人）飲茶嘅，唔好咁小器！」令森美和梁嘉琪都忍唔住批評：「呢種計較有啲奇怪，同我合作過嘅都好少會係咁。」、「好冇大將之風！」。但同時森美就點名指一線小生中，大讚陳豪出名好人，梁嘉琪亦讚馬國明友善，二人一定不是嫌疑犯。

Photo from IG@moses_chan_

Photo from IG@kennethmkm

而一眾網友在聽完這集節目後，亦紛紛表示好奇想知究竟一線男藝人是誰！而其後隨即就有網友列出2大線索，並歸納出3大可疑人物。有人指第一個線索為「某前夫」，第二個線索則為「去唱卡啦OK但唔唱」，令網民猜想「王浩信」、「吳卓羲」、「陳山聰」都極有可疑，不過就有人提出「王浩信機會低啲，佢都未離婚未係前夫」。然而同時就有網友懷疑司機的爆料難以令人信服，認為「萬歲唔係必然，人哋鍾意請就請，唔鍾意請都係應該，咁都要畀你話孤寒？唔見車長你話請返全Crew人」、「貪得無厭！人哋係咪一線都好，都係血汗錢，係咪奉旨要萬歲！你啲錢就係錢人哋嗰啲就要豪畀你！係咪做娛樂事業也好，任何一行也好，唔係老馮的！」。

Photo from IG@vincentwong07

Photo from IG@ron_ng_0902

Photo from IG@joelshanchung

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

歐錦棠揭電視台計騷方法爆TVB「離巢潮」真正原因御用惡人李嘉16字寸無綫孤寒！

27 Nov 2023

歐錦棠近年轉戰Youtube界開設個人頻道，時常大爆電視台的娛樂八卦。早前歐錦棠就上載一條新影片，揭開兩大電視台無綫和亞視的計騷方法，分享兩台出騷和平均收入的話題，當中歐錦棠不但公開自己在亞視曾經年收入高達500萬港幣，又大爆無綫「離巢潮」的真正原因！而TVB御用惡人李嘉亦疑似看到影片，近日出post16字明寸無綫孤寒！

Photo from 《乜乜棠水舖》截圖

歐錦棠近日於個人頻道《乜乜棠水舖》發佈一條以「大台處境劇月入最少十七萬？我試過一年接咗670幾個Show！」為題的影片，大談兩大電視台無綫及亞視出騷和平均收入的話題。他一開始便指在1990年剛入行時已經一個騷收$1000騷錢，而由於亞視一年就簽他72個Show，所以他早在90年代已經月入$6000，每年續約騷錢亦會年年加，大讚亞視當年儘管藝人唔夠騷都會照計騷錢，對員工非常好！

Photo from 《乜乜棠水舖》截圖

同時歐錦棠更大爆自己曾於1996年在亞視台慶獲頒「最爆Show藝員獎」，皆因當年自己不但有份做綜藝節目《今日睇真D》，更有份出席如《亞洲小姐競選》、《香港男士競選》等節目，再加上包辦當年奧運會的所有主持工作「爆騷爆得最恐怖」，他直言：「當年我係做左670個騷，換句話講係爆咗600個騷。咁每個騷，我冇記錯係8千幾蚊，咁你同我計囉。8000幾蚊，爆600幾個，肥過肥仔水啊！」，估計當年年收入接近500萬！

Photo from 《乜乜棠水舖》

歐錦棠亦有在影片中提到無綫的情況，大爆無綫「離巢潮」真正原因！他指假如在亞視爆騷亞視會照樣計錢，那無綫就是相反，無綫對做不夠騷的同事，會把其欠的騷數撥入下一年，而且冇騷錢針。他提及有遇過有同事由一年減至6個騷，之後再減至3個騷，到最後一刀切一年一個騷，此制度原意是為了「讓人人都有工開」，因為如快做夠數的同事，公司便不會再派工作，於是把工作分配給其他未夠數的同事，但這就要看執行的同事是否可以細心睇住盤數，可惜很多時是事與願違，令光靠騷錢維生的同事最後選擇離開！

Photo from 《乜乜棠水舖》截圖

影片發佈過後，有TVB御用惡人之稱的李嘉就不知是否因為看了歐錦棠的節目，近日突然在網上出PO留言道︰「不忘初心，繼續創新！不忘初心，減Show欠薪。」並附上小丑及惡魔的emoji，以今年無綫台慶口號「留住初心繼續創新」明寸無綫孤寒。而其實李嘉過去受訪時就曾透露因為無綫的收入低，所以曾當過做過輔警、保鑣等副業，不但曾為荷李活巨星做保鑣，早年更曾被發現為Super Junior成員崔始源護駕開路，難免令人懷疑他當年亦是因為歐錦棠所提出的問題離巢。