《東張西望》前主持黃穎君辭去政府工！棄高薪厚職轉行返新工

娛樂新聞

By Jennifer on 15 Dec 2023

Digital Editor

前《東張西望》主持黃穎君之前轉做政府工，人工更一度成為熱話，不過工作咗兩年，近日佢離開政府部門，決定追尋自己嘅夢想，放棄高薪厚職，佢嘅新工作亦引起熱議。

Photo from 黃穎君Facebook

黃穎君參選港姐入行，曾演出多部電視劇，亦加入《東張西望》擔任外景主持，喺大埔富亨邨「曱甴屋」嘅採訪中表現出色，因此被稱為「東張女勇士」。2021年12月，她宣布離開TVB，轉職至民政事務局。

Photo from 黃穎君Facebook

黃穎君職位為媒體主任，月薪高達$67,595，當時佢表示雖然簽嘅係1年合約，但就希望未來10年都可以繼續留喺嗰度發展。不過一年未夠，佢就調往文化體育及旅遊局工作。

Photo from 黃穎君Facebook

佢指政府架構改組後新設文化體育及旅遊局，由於增設新部門對工作量較大，需聘請更多員工，加上佢本人亦對文化藝術都有興趣，於是決定調到新部門。雖然工作部門不同，但黃穎君嘅職位不變，依然係媒體主任，月薪亦維持$67,595。

Photo from 黃穎君Facebook

轉做政府工2年，黃穎君近日宣佈已辭職：「人生每一站有不同的風景，珍惜所有的不期而遇。原來兩年的時間，打開相簿已經累積不少的點點滴滴。我很感恩，學到很多收穫滿滿，讓我儲有更多力量繼續邁進。」

Photo from 黃穎君Facebook

據指黃穎君離職後將與媒體合作，建立城市文化頻道，並「重操故業」再做主持人。黃穎君表示，她希望能夠探索不同城市和社區的特色文化，並展示自己的主持才能。

Photo from 黃穎君Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

《東張西望》女主持黃穎君宣佈離巢！轉行做政府工!連同約滿金年薪可達逾92萬

9 Dec 2021

日前，TVB《東張西望》就拜訪咗大埔富亨邨「曱甴屋」，當中女主持人黃穎君臨危不亂嘅精神，就獲得唔少網民大讚。然而，最近突然傳出佢離巢嘅消息，仲有指佢將會任職民政事務局媒體主任，收入非常可觀！

Photo from 黃穎君IG

# 《東張西望》拜訪大埔富亨邨「曱甴屋」！

TVB《東張西望》日前播出咗前往大埔富亨邨「曱甴屋」嘅片段，當中單位內嘅衛生環境令唔少網民表示震驚，引發熱議。所幸嘅係現時單位已經完成滅蟲以及清走咗將近20袋嘅垃圾，令附近嘅鄰居都喜極而泣！

Photo from 《東張西望》

# 女主持黃穎君表現鎮定，獲網民大讚勇敢！

面對如此嚴峻嘅衛生情況，女主持人黃穎君初初抵達單位嘅時候並冇穿上任何保護衣，加上佢淡定咁繼續採訪，獲網民封為「東張女勇士」！

Photo from 黃穎君IG

# 突然宣佈離開TVB！

不過，黃穎君日前突然喺IG宣佈離巢嘅消息「怎料到有一天，我也會派散水餅給這段美好回憶劃上完美的句號」，正式與TVB結束9年嘅東主關係，令唔少網民感到震驚。相信大家都冇諗過佢居然會喺人氣急升嘅時候選擇離開！

Photo from 黃穎君IG

# 黃穎君將做政府工，任職媒體主任！

據悉，黃穎君將會轉職喺民政事務局做媒體主任，月薪為$67,595。有消息指，受聘人任職期間表現良好嘅話將會獲發放約滿酬金，大約係底薪總額嘅15%，即係代表佢好有可能一年賺到逾92萬！而佢喺接受媒體訪問時，表示自己本身都只係抱持住試下嘅心態去應徵，仲話雖然現時簽嘅係1年合約，但就已經話希望未來10年都可以繼續留喺嗰度發展！