download HolidaySmart 假期日常 app
李施嬅與未婚夫Anson合照首度曝光!陪美國開騷表情盡顯愛意

李施嬅與未婚夫Anson合照首度曝光!陪美國開騷表情盡顯愛意

娛樂新聞
By Jennifer on 20 Dec 2023
Digital Editor

「胡說八道」胡杏兒、姚子羚、胡定欣、黃智雯、李施嬅飛到美國開世界巡迴演唱會,李施嬅的未婚夫Anson也在場,除了分享他興奮的短片,更首度公開與李施嬅的合照,兩人幸福笑容滿面。

「胡說八道」胡杏兒、姚子羚、胡定欣、黃智雯、李施嬅飛到美國開世界巡迴演唱會Photo from 胡杏兒IG

「胡說八道」由胡杏兒、胡定欣、李施嬅、胡蓓蔚、姚子羚及黃智雯組成,她們早前宣佈將於美加舉辦「胡說八道 Girls Night 世界巡迴演唱會」,日前幾位成員在美國洛杉磯開騷。

「胡說八道」成員胡杏兒、胡定欣、李施嬅、胡蓓蔚、姚子羚及黃智雯在美國洛杉磯開騷Photo from 李施嬅IG

李施嬅有份主演的電視劇《新聞女王》熱播,她除了出席宣傳活動外,也為演唱會悉心準備。演出後「胡說八道」也一起合照,李施嬅表示:「我們的第一次。
2023.12.16.❤️感謝你們的來臨,你們的掌聲,你們的尖叫,你們的愛,給我們留下美麗的回憶。愛你們。下一站:三藩市」

李施嬅有份主演的電視劇《新聞女王》熱播Photo from 李施嬅IG

李施嬅除了出席宣傳活動外,也為演唱會悉心準備。Photo from 胡杏兒IG

這次演出連施嬅的未婚夫Anson也到場支持,他在IG Story分享了他看騷的影片,影片中他化身fans為表演興奮大嗌。Anson更首次公開與未婚妻李施嬅的合照,並留言「Good Show」。

Anson在IG Story分享了他看騷的影片,影片中他化身fans為表演興奮大嗌。Photo from Anson IG

Anson更首次公開與未婚妻李施嬅的合照,並留言「Good Show」。Photo from Anson IG

李施嬅2021年2月突然於IG晒出巨鑽戒指宣布結婚,她雖然對感情事十分低調,未有透露未婚夫身份,但很快未婚夫真身就被傳媒公開,施嬅未婚夫是健身教練車崇健(Anson Cha)。

李施嬅2021年2月突然於IG晒出巨鑽戒指宣布結婚Photo from 李施嬅IG

李施嬅對感情事十分低調,未有透露未婚夫身份Photo from 李施嬅IG

Anson是圈中有名的星級私人健身教練,與吳鎮宇、關智斌、楊千嬅、余文樂等藝人十分相熟,更是周潤發(發哥)與郭富城嘅私人健身教練。

Anson是圈中有名的星級私人健身教練Photo from Anson IG

Anson作風也同樣低調,但據悉他家底豐厚,名下有過千萬物業!早年更在觀塘工廈單位內開設健身室,收費每小時$2,000元起跳,有不少明星名人熟客!Anson亦是「香港動作特技演員公會」董事及動作體能指導,於2011至2013年期間曾以董事身份任「香港電影金像獎協會」董事局成員。

Anson是周潤發(發哥)與郭富城的私人健身教練

Anson作風也同樣低調,但據悉他家底豐厚,名下有過千萬物業!

更多相關文章

40歲李施嬅入行18年感情低調!回顧歷年4段戀情!曾與好姊妹胡杏兒老公拍拖

08 Feb 2021

40歲李施嬅突然喺IG晒出巨鑽戒指疑宣佈結婚,佢自參選香港小姐入行18年,感情向來低調,但被指專揀富二代拍拖,其中亦包括「胡說八道會」好姊妹胡杏兒老公李乘德。

40歲李施嬅突然喺IG晒出巨鑽戒指疑宣佈結婚Photo from 李施嬅IG

今年40歲嘅李施嬅2003年參選香港小姐,雖然三甲不入但加入TVB成旗下藝人。佢入行多年嚟一直對感情事都相當低調,自2019年與TVB結束合約後離巢,現時喺加拿大拍攝加拿大劇集中,突然喺IG post出巨型鑽戒,以hashtag「#ISaidYES」疑宣佈結婚。

李施嬅2003年參選香港小姐,雖然三甲不入但加入TVB成旗下藝人。佢入行多年嚟一直對感情事都相當低調Photo from 李施嬅IG

佢入行18年嚟情路不平,最廣為人知嘅有4段戀情:

#鄧健泓

2005年拍攝電視劇《老婆大人》時與鄧健泓戲假情中拍拖,呢段戀情持續5年,更係李施嬅入行以嚟唯一公開承認嘅圈中男友。

李施嬅2005年拍攝電視劇《老婆大人》時與鄧健泓戲假情中拍拖Photo from 《老婆大人》

有傳佢哋因為愛得太高調被高層棒打鴛鴦,要佢哋低調處理感情,結果兩人拖拖拉拉結束5年戀情,2010年宣佈分手。

有傳佢哋因為愛得太高調被高層棒打鴛鴦,要鄧健泓低調處理感情Photo from 鄧健泓Facebook

事隔幾年,李施嬅喺商台節目中大方談及分手原因,佢指鄧健泓其實唔係佢中意嘅類型,同對方亦唔算好夾,但鄧健泓為人細心,加上當時李施嬅爸爸生意失敗,鄧健泓嘅關心打動咗佢,不過最終李施嬅去加拿大讀書時決定結束呢段感情。

事隔幾年,李施嬅喺商台節目中大方談及分手原因Photo from 李施嬅IG

#李乘德

與鄧健泓分手後,有傳李施嬅戀上李乘德(Philip),佢哋2011年開始拍拖,之後離離合合未能修成正果。

2015年李乘德與李施嬅好姊妹胡杏兒結婚,兩人同屬「胡說八道會」,喺胡杏兒婚禮上李施嬅亦有擔任姊妹角色,二人友情未有因此而生變。

2015年李乘德與李施嬅好姊妹胡杏兒結婚Photo from 李乘德IG

李施嬅與胡杏同屬「胡說八道會」Photo from 李施嬅IG

胡杏兒結婚,李施嬅都有做姊妹Photo from 胡杏兒微博

#潘樹維

李施嬅2014年潛水時結識香港潛水總會董事局成員,同時任投資公司董事總經理嘅潘樹維,不過二人相戀2年後於2016年分手。

李施嬅2014年潛水時結識香港潛水總會董事局成員,同時任投資公司董事總經理嘅潘樹維Photo from 李施嬅IG

除咗以上3段戀情外,李施嬅更透露試過同廿幾歲嘅男生拍過拖,但因為藝人身份要不定時工作,佢被對方抱怨無時間陪伴。李施嬅自言抗拒姊弟戀,指希望伴侶年紀比佢大,成熟啲。

李施嬅透露試過姊弟戀,同廿幾歲嘅男生拍過拖Photo from 李施嬅IG

李施嬅入行多年,與唔少富二代傳過緋聞,但佢否認「釣金龜」傳聞,直到2019年佢宣佈離巢,同年七夕,佢晒出99朵玫瑰,但未有明言係邊個送嘅。估唔到一年多後佢就宣佈喜訊!如果紮玫瑰係佢伴侶送嘅,咁佢哋應該拍咗拖近兩年~

李施嬅喺2019年七夕晒出99朵玫瑰,但未有明言係邊個送嘅Photo from 李施嬅IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel