農夫爆頒獎禮有前輩組合偷食豬扒飯留3大線索網友估係佢哋？！

By Macy Sun on 21 Dec 2023

農夫今年又攞獎喇～組合農夫的陸永和C君一首《風山水起》唱足16年，但近年二人卻已很少出席頒獎禮。而最近農夫就在社交平台拍片提及此事，更講述自己最難忘的頒獎禮經歷，當中爆笑提及一次頒獎禮竟然有前輩組合於觀眾席偷食豬扒飯一事，並留下3大線索引起網友瘋狂猜測！

Photo from 農夫微博

農夫的陸永和C君近日於小紅書上上傳影片，向粉絲分享二人最難忘的頒獎禮經歷，當中他們就直言在「淡泊名利」之前都曾去過很多次頒獎禮，但確實已經很多年冇去，而最難忘一次，竟是幾乎肯定不會有獎攞的一次！

Photo from 小紅書截圖

農夫提到當時他們坐在台下一個「側過側田」的位置，身後坐著一隊已解散的前輩四人組合：「我哋嘅前輩嗰日坐喺我哋後面，咁喺頒獎禮大家就睇人攞獎，睇啲得獎者講吓感言，後面個前輩拍吓我哋，我哋咪擰過去囉，突然間有個飯盒遞出嚟，焗豬扒飯，吓？」

Photo from 小紅書截圖

對於前輩突然拿出飯盒他們都感到十分疑惑及驚訝，誰知前輩們又補充一句：「係咁㗎啦，一定冇嘢做㗎，一定冇獎攞㗎啦，你食咗飯喇咩？一定唔會影到你哋㗎喎。」而該組合另一位成員更對農夫說：「你唔鍾意焗豬呀？有叉燒飯喎。」，相當爆笑！

而最後農夫就感嘆，認為這隊四人組合才是真正懂得享受頒獎禮，表示：「人哋睇戲食爆谷，睇頒獎禮咪食飯囉。頒獎禮真係冇一條規條話『各位歌手切勿帶飯進場。』佢有同觀眾講切勿飲食，但佢冇諗過你歌手會吖嘛！」另外更說，他們今天淡泊名利，也全因這隊組合讓他們看到真正的志在參與精神！

Photo from 小紅書截圖

影片一出馬上引起網友瘋狂討論，而雖然農夫冇開名，但網友就憑農夫隱約提出的3大線索，該組合是比他們早出道、四人及已解散，就推斷出主角是99年出道、13年解散的EO2！而據知EO2四人最後一次合體已是2020年，當中Eddie、Otto和Osman仍有幕前演出，而Eric則專注教跳舞。

Photo from 網上圖片

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

農夫北上開騷賺大錢兼睇樓？有意買3千萬別墅? 陸永10歲大女靚樣曝光

19 Jan 2023

組合農夫近年全力北上吸金，二人近月在內地舉行的巡演反應熱烈，場場爆滿，賺到盤滿缽滿的農夫完騷後即去拍片睇樓，跟地產經紀參觀價值3000萬人民幣（約3469萬港元）的內地豪宅，之後陸永回港與寶貝女見面，老婆Reina在社交平台分享兩父女久別重逢的影片，可見其10歲大女Hannah已長得亭亭玉立，盡得媽媽的美貌真傳，不少網民都大讚Hannah又乖又靚，兩父女互動好有愛！

Photo from 農夫抖音

農夫一連15場內地巡演場場爆滿

農夫近月在廣東地區舉行《農夫20周年有D新歌巡迴演唱會》，一連15場全爆滿，每一站都引發搶飛熱潮，多次加場均火速售罄，今次亦是農夫出道以來開過最多場次的巡演，其中本月3日至10日在廣州、佛山、東莞三地連續演出了8場，同時打破了他們連續開唱的場次紀錄。當中以廣州站的反應最為熱烈，早前已於當地舉行了4場，但依然有大批粉絲爆買力撐，最後農夫於上星期六日（14-15日）終極加開兩場，約1200名觀眾塞爆會場，現場氣氛熱鬧，演出尾段農夫更與廣州歌迷立下「五月之約」，承諾未來三年的5月都會來廣州演唱。

Photo from 農夫微博

農夫去內地睇樓兩層高別墅價值3千萬

農夫近年把工作重心轉移內地，去年9月宣布與內地公司「樂騰娛樂」簽約繼續發展音樂，之後其官方FB、IG都甚少再更新，反而進駐抖音及微博等內地社交平台。農夫不時會與在抖音拍片保持人氣，近日他們找老友「咖啡因公園」成員Gary合作，一同去內地拍片睇樓。首先陸永和C君保持一貫搞笑作風，自言平日對Gary很好，希望對方即場報恩送一棟樓給他們，之後3人約見地產經紀，參觀一間兩層高連花園的別墅，面積達718平方（約7728呎），其客廳、飯廳、廚房、主人房及廁所都相當闊落，極具氣派。期間C君看到主人房的大牀，即笑問：「係咪用嚟擺情婦？」陸永亦有默契地回應：「睇你想擺咩，情婦又得、老虎又得！」其別墅更設有地庫吧台、小型高爾夫球場及茶室，非常誇張！最後經紀表示該別墅價值3000萬人民幣（3470港元），農夫聞言即要求Gary把別墅買下來送給他們，又叫Gary好好與經紀商討。

Photo from 農夫抖音

陸永與10歲大女久別重逢場面有愛

完成連場巡演後，農夫便回港休息，陪家人過農曆新年。已為人父的陸永到內地工作4個月，他與家人分隔兩地良久終可見面，他工作完即趕回家與老婆及一對愛女相聚，其10歲大女Hannah見爸爸回來，就如一個小粉絲般衝上前緊抱他，陸永老婆Reina亦把父女相擁的片段分享到社交平台，留言：「做完嘢即刻衝返屋企…四個幾月冇見，開心到喊」片中可見，身穿深藍色衛衣的Hannah已長得亭亭玉立，身高已到爸爸的肩膊，同時亦遺傳到媽媽的良好基因，有一副精緻的美貌，Hannah眼泛淚光依偎在爸爸的胸前，陸永則抱著安慰女兒，盡顯愛家暖男的一面。不少網民都驚嘆Hannah大得很快，又大讚兩父女好有愛：「個女竟然咁大個」、「好sweet」、「好幸福！」