冬日美食節開鑼直擊！$1超抵優惠烏冬/米/提拉米蘇　試食掃平貨＋25款掃街必食＋表演嘉賓

By Giann on 23 Dec 2023

「第21屆香港冬日美食節」今（23日）起一連五日在灣仔會展開鑼，開幕首日大批市民排隊等入場。場內設多個特色美食專區、有多款$1超抵產品，亦有超多試食、熟食檔和大量優惠。今年同樣會有多位藝人現身出席，而且有入場禮品、多個抽獎活動，是個聖誕假期好去處。即睇冬日美食節門票價錢、表演嘉賓、必買必食的筍貨、美食！

Photo from PressLogic

冬日美食節開鑼！多款$1筍貨

今年美食節將設6大美食展區，分別為「日韓台食品及本地零食區」、「國際佳餚、美酒咖啡及甜點區」、「東南亞特色食品區」、「賀年食品、糧油及參茸海味區」、「健康綠色食品及素食區」，以及「至尊品牌區」，屆時將有多款精選展品低至$1、一折或半價發售！每日的入場禮品、$1筍貨都有不同，今日（23日）就有$1魚條、$1泰國香米、$1新鮮紅米、$1讚岐烏冬、$1現切0卡提拉米蘇。亦有參展商免費送限量燉湯給長者。

Photo from PressLogic

免費試食試飲超有氣氛

有很多攤檔都有得免費試食試飲，逛一圈至少看到50檔有得試，包括好立克飲啖立即變暖；原粒燒賣超彈牙；芝士肉醬意粉夠彈口；韓式炒牛肉十分入味；千層蛋糕每款味都有得試；飲啖花膠湯暖笠笠。

Photo from PressLogic

25款掃街必食推介　鮑魚/麻辣手撕雞/爆芝玉子燒

現場亦有超多熟食，大家可以瘋狂掃街，必食$50/份極品煲，有齊鮑魚、冬菇、豬皮，超入味；麻辣手撕雞涼麵$30夠惹味；魚糕串$40/2串食完暖笠笠；爆芝玉子燒$40；韓式香蕉仔蛋糕$30/件造型搞笑！

Photo from PressLogic

大量優惠瘋狂掃貨

食飽是時間Shopping，必買每日鮮切騸牯牛福袋$299，打邊爐最啱；印式千層蛋糕$180/2件，特濃芝士味最受歡迎；撈麵福袋$100有12樣產品超抵買；本地製即食慢煮雞胸$22包，記者大推；加熱即食餸菜$160/3包，牛筋腩、豬手最多人買！

Photo from PressLogic

表演嘉賓

另有精彩舞台節目，多位歌星藝人包括MC張天賦、陳蕾、陳展鵬、姚焯菲、Lolly Talk、周吉佩、呂慧儀及張景淳等將現身大會舞台與入場人士歡度聖誕！

第21屆香港冬日美食節
地點：香港會議展覽中心3號館
日期：2023年12月23至27日
時間：10:00-20:00（12月23日至26日），10:00-19:00（12月27日）
票價：20元（3歲或以下小童、65歲或以上長者免費入場；長者須出示長者卡或身分證）
早場優惠票價：10元（12月23-26日10:00-11:30）
夜場優惠票價：10元（12月23-26日18:00-19:15）
註：憑門券可參觀同期舉行之第21屆香港冬季購物節、第23屆家居潮流博覽、數碼生活及車品博覽2023